Student skips tuition: ಟ್ಯೂಷನ್‌ಗೆ ಹೋಗದೆ ಗರಬಾ ಆಡೋಕೆ ಹೋದ ವಿದ್ಯಾರ್ಥಿಯೊಬ್ಬ ಅಲ್ಲೇ ತನ್ನ ಟೀಚರ್ ಕೈಗೆ ಸಿಕ್ಕಿಬಿದ್ದಿದ್ದಾನೆ. ಅಚಾನಕ್ ಎದುರಾದ ಟೀಚರ್ ನೋಡಿ ವಿದ್ಯಾರ್ಥಿ ಶಾಕ್ ಆಗಿದ್ದರೆ, ಈ ಫನ್ನಿ ಸನ್ನಿವೇಶದ ವಿಡಿಯೋ ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಇನ್‌ಸ್ಟಾಗ್ರಾಮ್ ಖಾತೆಯೊಂದರಲ್ಲಿ ಈ ಘಟನೆಗೆ ಸಂಬಂಧಿಸಿದ ಪೋಸ್ಟ್ ಹಂಚಿಕೊಳ್ಳಲಾಗಿದೆ. ಟ್ಯೂಷನ್ ಕ್ಲಾಸ್‌ಗೆ ಹೋಗಬೇಕಿದ್ದ ವಿದ್ಯಾರ್ಥಿ, ಕ್ಲಾಸ್‌ಗೆ ಚಕ್ಕರ್ ಹೊಡೆದು ಗರಬಾ ಸಂಭ್ರಮದಲ್ಲಿ ಭಾಗಿಯಾಗಿದ್ದ ಎನ್ನಲಾಗಿದೆ.
ಗರಬಾ ಆಡುವಾಗ ಟ್ಯೂಷನ್ ಟೀಚರ್ ಪ್ರತ್ಯಕ್ಷ
ಇನ್ನು, ಗರಬಾ ಡ್ಯಾನ್ಸ್‌ ಮಾಡುತ್ತಿದ್ದಾಗಲೇ ವಿದ್ಯಾರ್ಥಿಯ ಟ್ಯೂಷನ್ ಟೀಚರ್ ಕೂಡ ಅಲ್ಲಿಗೆ ಬಂದಿದ್ದಾರೆ. ಟೀಚರ್ ಮತ್ತು ವಿದ್ಯಾರ್ಥಿ ಮುಖಾಮುಖಿಯಾದ ಈ ಫನ್ನಿ ಸನ್ನಿವೇಶ ಈಗ ನೆಟ್ಟಿಗರ ಗಮನ ಸೆಳೆದಿದೆ. ವಿದ್ಯಾರ್ಥಿ ಕ್ಲಾಸ್‌ಗೆ ಗೈರಾಗಿದ್ದಕ್ಕೆ ಏನು ಕಾರಣ ಹೇಳಬಹುದು ಎಂದು ತಮಾಷೆಯ ಅಡಿಬರಹದೊಂದಿಗೆ ಪೋಸ್ಟ್ ಹಂಚಿಕೊಳ್ಳಲಾಗಿದೆ. ಈ ವಿಡಿಯೋವನ್ನು ಬೇರೆ ಸೋಷಿಯಲ್ ಮೀಡಿಯಾ ಪೇಜ್‌ಗಳೂ ಹಂಚಿಕೊಂಡಿವೆ.
