ಚಿತ್ರ ವಿ-ಚಿತ್ರ: ಬೀದಿನಾಯಿಗಳಿಗೆ ಕ್ಷೌರಸೇವೆ

ನವದೆಹಲಿ: ಸಾಮಾನ್ಯವಾಗಿ ಅಪರಿಚಿತ ನಾಯಿಗಳನ್ನು ಕಂಡರೆ ಭಯಪಡುವವರೇ ಹೆಚ್ಚು. ಜತೆಗೆ ಅವು ಜೋರಾಗಿ ಬೊಗಳತೊಡಗಿದರಂತೂ ಅಲ್ಲಿ ನಿಲ್ಲುವುದೂ ಅಪಾಯಕಾರಿ ಎನಿಸುವುದು ಸಹಜ. ಆದರೆ ಥಾಯ್ಲೆಂಡ್​ನ

ಕ್ರೈಂಗ್​ ಕಾಯ್ ಎಂಬ ಶ್ವಾನಪ್ರಿಯ ವ್ಯಕ್ತಿ ಬೀದಿನಾಯಿಗಳನ್ನು ಹುಡುಕಿ ಅವುಗಳ ಕ್ಷೌರ ಮಾಡುತ್ತಾರೆ. ಲಾಕ್​ಡೌನ್ ಸಂದರ್ಭದಲ್ಲಿ ತನ್ನ ಕೆಲಸ ಮಾಡಲು ಅವಕಾಶ ಸಿಗದಿದ್ದರೂ, ಅದು ಮುಗಿದ ಬಳಿಕ ಬೀದಿನಾಯಿಗಳನ್ನು ಹುಡುಕಿಕೊಂಡು ಹೋಗಿ ಅವುಗಳ ಕೂದಲನ್ನು ಟ್ರಿಮ್ ಮಾಡಿದ್ದಾರೆ.

ತನ್ನನ್ನು ‘ಬ್ಲಾಕ್ ಶೀಪ್ ಆಫ್ ದ ಡಾಗ್ ಗ್ರೂಮಿಂಗ್ ಬಿಜಿನೆಸ್’ ಎಂದು ಕರೆದುಕೊಳ್ಳುವ ಇವರು, ‘ಬಿರುಬೇಸಿಗೆಯ ವೇಳೆ ಮೈತುಂಬ ಕೂದಲು ಬೆಳೆದರೆ ಅವುಗಳಿಗೆ ಕಿರಿಕಿರಿಯಾಗುತ್ತದೆ. ಕೂದಲು ಟ್ರಿಮ್ ಮಾಡಿದರೆ ಅವು ಹಗುರಾಗುತ್ತವೆ. ನೋಡಲೂ ಅಂದವಾಗಿ ಕಾಣುತ್ತವೆ’ ಎನ್ನುತ್ತಾರೆ. ಕಳೆದ ವಾರ ಒಂದೇ ದಿನದಲ್ಲಿ 80 ನಾಯಿಗಳಿಗೆ ಕ್ಷೌರ ಮಾಡಿದ್ದಾರೆ.