ಗ್ರಾಮ ಪಂಚಾಯತ್ ಹಾಗೂ ನಗರ, ಪಟ್ಟಣ ಸ್ಥಳೀಯ ಸಂಸ್ಥೆಗಳನ್ನು ಒಂದು ಘಟಕವನ್ನಾಗಿ ಪರಿಗಣಿಸಿ ವಾರ್ಡ್ ಮಟ್ಟದಲ್ಲಿ ಸೂಕ್ಷ್ಮ ಯೋಜನೆ ರೂಪಿಸಬೇಕು. ಸಮುದಾಯದ ಸಹಭಾಗಿತ್ವದಿಂದ ಮಾತ್ರ ಪರಿಣಾಮಕಾರಿ ಜಂಟಿ ಕಾರ್ಯಾಚರಣೆ ಕೈಗೂಡಲಿದೆ. ಆರೋಗ್ಯ, ಪೊಲೀಸ್, ಮುನಿಸಿಪಾಲಿಟಿ, ಪಂಚಾಯಿತಿ, ಸ್ತ್ರೀಶಕ್ತಿ ಸ್ವಸಹಾಯ ಗುಂಪುಗಳು, ಯುವ ಸಂಘಟನೆಗಳು, ಮಹಿಳಾ ಮಂಡಳಿಗಳನ್ನು ತಂಡಗಳು ಒಳಗೊಂಡಿರಬೇಕು. ಆರೋಗ್ಯ ಶಿಕ್ಷಣ, ಮಾಹಿತಿ, ಪ್ರಚಾರ ಹಾಗೂ ಜಾಗೃತಿ, ಲಾಕ್ಡೌನ್ ಬಳಿಕ ದಿನಚರಿ ಹೇಗಿರಬೇಕು, ದೈಹಿಕ ದೂರ ಅಂತರ, ವೈಯಕ್ತಿಕ ಶುಚಿತ್ವ, ಸ್ವಚ್ಛತೆ ಇನ್ನಿತರ ಕಾರ್ಯಕ್ರಮಗಳನ್ನು ರೂಪಿಸಬೇಕೆಂಬ ಸಲಹೆಗಳನ್ನು ನೀಡಿದ್ದು, ಈ ನಿಟ್ಟಿನಲ್ಲಿ ಉನ್ನತಾಧಿಕಾರಿಗಳು ವಿಚಾರ ವಿನಿಮಯ ನಡೆಸುತ್ತಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
