ಚಿಂತಾಮಣಿ: ನಗರದ ಚಿಂತಾಮಣಿ-&ಬೆಂಗಳೂರು ರಸ್ತೆಯ ಸಂತೇಕಲ್ಲಹಳ್ಳಿಯ ಹೊರವಲಯದ ಕಲ್ಲಿನ ಕ್ವಾರಿಯಲ್ಲಿದ್ದ ಮೂರು ಕಲ್ಲಿನ ದಿಮ್ಮಿಗಳನ್ನು ಕಳವು ಮಾಡಲಾಗಿದೆ ಎಂದು ಉದ್ಯಮಿ ದೀಪಕ್ ಪಿ.ರಾವ್ ಮಂಗಳವಾರ ಗ್ರಾಮಾಂತರ ಠಾಣೆಯಲ್ಲಿ ದೂರು ನೀಡಿದ್ದಾರೆ. 1992ರಲ್ಲಿ ಕರ್ನಾಟಕ ಸರ್ಕಾರದ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯಿಂದ ಕಲ್ಲು ಗಣಿ ಗುತ್ತಿಗೆ ಹಾಗೂ ಲೈಸೆನ್ಸ್ ಪಡೆದು ಕಲ್ಲಿನ ಕ್ವಾರಿ ನಡೆಸುತ್ತಿದ್ದು, ವಿಸ್ತರಣಾ ಅನುಮತಿಗಾಗಿ 2017ರಲ್ಲಿ ಅರ್ಜಿ ನೀಡಿದ್ದು ಅನುಮತಿ ದೊರೆಯದ ಕಾರಣ ಸ್ಥಳದಲ್ಲಿ ಗಣಿಗಾರಿಕೆ ನಿಲ್ಲಿಸಲಾಗಿದೆ. 2017ರಲ್ಲಿ ಕ್ವಾರಿಯಲ್ಲಿ ತೆಗೆದಿದ್ದ ಮೂರು ಕಲ್ಲಿನ ದಿಮ್ಮಿಗಳು ಜು.28 ರಂದು ಕಾಣೆಯಾಗಿರುವುದಾಗಿ ದೂರು ದಾಖಲಾಗಿದೆ.
