ಕಣ್ಣು ಹೊಡೆದು ರೇಗಿಸ್ತಾರೆ ಸಾರ್​...student

& ಇದು ತಾಲೂಕಿನ ಮಂಚನಬಲೆಯ ಬಿಜಿಎಸ್​ ಶಾಲೆ ಆವರಣದಲ್ಲಿ ರಾಜ್ಯ ಮಕ್ಕಳ ಆಯೋಗದ ಅಧ್ಯ ಶಶಿಧರ್​ ಎಸ್​.ಕೋಸಂಬೆ ನೇತೃತ್ವದಲ್ಲಿ ಸೋಮವಾರ ಕೈಗೊಂಡಿದ್ದ ಮಕ್ಕಳ ಗ್ರಾಮ ಸಭೆಯಲ್ಲಿ ವಿದ್ಯಾರ್ಥಿಗಳು ಸಮಸ್ಯೆ ಕುರಿತು ಗಮನ ಸೆಳೆದ ಪರಿ..

ಶಾಲೆಯಲ್ಲಿ ಕೊಠಡಿ, ಕಾಂಪೌಂಡ್​, ಹೂದೋಟ, ಮೈದಾನ, ರಸ್ತೆಯ ನಿರ್ಮಾಣ, ಗೋಡೆಗೆ ಸುಣ್ಣಬಣ್ಣ, ಸ್ಯಾನಿಟರಿ ಪ್ಯಾಡ್​ ಹಾಗೂ ಬರ್ನಿಂಗ್​ ಮಷಿನ್​ ಸೇರಿ ನಾನಾ ಸೌಕರ್ಯಗಳಿಗೆ ವಿದ್ಯಾರ್ಥಿಗಳು ಮನವಿ ಸಲ್ಲಿಸಿದರು. ಹಾಗೆಯೇ, ಹಲವು ಸಮಸ್ಯೆಗಳ ಪರಿಹಾರಕ್ಕೆ ಒತ್ತಾಯಿಸಿದರು. ಗ್ರಾಪಂ ವ್ಯಾಪ್ತಿಯಲ್ಲಿ ಆರು ತಿಂಗಳಾದರೂ ಸ್ವಚ್ಛತಾ ಕಾರ್ಯ ಕೈಗೊಳ್ಳುತ್ತಿಲ್ಲ ಎಂದು ಆರೋಪಿಸಿದರು. ಮನೆಯಲ್ಲಿ ಶೌಚಗೃಹ ವ್ಯವಸ್ಥೆ ಇಲ್ಲ. ಬಯಲು ಬಹಿರ್ದೆಸೆಯ ವ್ಯವಸ್ಥೆಯಿಂದ ತೊಂದರೆ ಅನುಭವಿಸುವಂತಾಗಿದೆ ಎಂದು ಪುಟ್ಟತಿಮ್ಮನಹಳ್ಳಿಯ ರೋಜಾಶ್ರೀಅಳಲು ತೋಡಿಕೊಂಡರು.

ಗ್ರಾಪಂ ಅಧ್ಯ ವಿ.ಮಧು, ಉಪಾಧ್ಯೆ ನೀಲಮ್ಮ, ಡಿಡಿಪಿಐ ರಮೇಶ್​, ಮಕ್ಕಳ ರಣಾಧಿಕಾರಿ ಬಿ.ನೌತಾಜ್​, ಗ್ರಾಮಾಂತರ ಟ್ರಸ್ಟಿನ ಮ್ಯಾನೇಜಿಂಗ್​ ಟ್ರಸ್ಟಿ ಉಷಾ ಶೆಟ್ಟಿ, ಮಕ್ಕಳ ಹಕ್ಕುಗಳ ಸಂರಣಾ ಫೌಂಡೇಶನ್​ ಅಧ್ಯ ಬಿ.ಗಂಗರಾಜು, ವಕೀಲರಾದ ಮಂಜುನಾಥ್​, ಸೌಜನ್ಯ ಗಾಂಧಿ ಮತ್ತಿತರರು ಇದ್ದರು.

ಜಿಪಂನಿಂದ ಶಾಲೆಗಳ ಸರ್ವೇ ಕಾರ್ಯ ಕೈಗೊಂಡು ಮೂಲ ಸೌಕರ್ಯ ಒದಗಿಸಲು ಆದ್ಯತೆ ನೀಡಲಾಗುವುದು ಎಂದರು.

ಮಕ್ಕಳ ಗ್ರಾಮ ಸಭೆಯನ್ನುದ್ದೇಶಿಸಿ ಮಾತನಾಡಿದ ಅವರು, ಭಾರತಕ್ಕೆ ಸ್ವಾತಂತ್ರ$್ಯ ಬಂದು ಹಲವು ದಶಕಗಳೇ ಕಳೆದರೂ ಸಮಸ್ಯೆಗಳ ಸುಳಿಯಲ್ಲಿ ಸಿಲುಕಿಕೊಳ್ಳಲಾಗಿದೆ. ಇದರಿಂದ ಹೊರ ಬರಲು ಪ್ರತಿಯೊಬ್ಬರೂ ಪ್ರಾಮಾಣಿಕವಾಗಿ ಶ್ರಮಿಸಬೇಕಾಗಿದೆ ಎಂದರು.

ಬಹಳಷ್ಟು ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಮಕ್ಕಳ ಗ್ರಾಮ ಸಭೆಗಳು ನಡೆಯುತ್ತಿಲ್ಲ. ಮುಂಬರುವ ದಿನಗಳಲ್ಲಿ ಈ ಅಸಡ್ಡೆಯ ಧೋರಣೆ ದೂರವಾಗಬೇಕು. ತಳಮಟ್ಟದಿಂದ ಸಮಸ್ಯೆಗಳನ್ನು ಪರಿಹರಿಸಬೇಕೇ ಹೊರತು ಅಸಹಾಯಕತೆ ಪ್ರದರ್ಶಿಸುವುದಲ್ಲ ಎಂದರು.

ಜಿಲ್ಲಾಸ್ಪತ್ರೆಯ ಕೆಲ ವಿಭಾಗಗಳಲ್ಲಿ ಸಿಬ್ಬಂದಿ ಕೊರತೆಯಿಂದ ಸಾರ್ವಜನಿಕರಿಗೆ ಚಿಕಿತ್ಸೆ ದೊರಕುತ್ತಿಲ್ಲ, ಮುಂಬರುವ 7 ದಿನಗಳೊಳಗೆ ಆರೋಗ್ಯ ಸೇವೆ ಸಮಸ್ಯೆ ಸರಿಪಡಿಸಲು ಸೂಚಿಸಿದರು. ಒಂದು ವೇಳೆ ಕ್ರಮ ಕೈಗೊಳ್ಳದಿದ್ದಲ್ಲಿ ಆಯೋಗವು ಸ್ವಯಂಪ್ರೇರಿತವಾಗಿ ದೂರು ದಾಖಲಿಸಲಿದೆ ಎಂದು ಎಚ್ಚರಿಕೆ ನೀಡಿದರು.