ಕಾಲೇಜು ಸ್ನೇಹಿತನ ಕಿರುಕುಳಕ್ಕೆ ಯುವತಿ ಆತ್ಮಹತ್ಯೆ

ಸಾಗರ ತಾಲ್ಲೂಕಿನ ಬೆಳಮಕ್ಕಿ ಮೂಲದ ವಾಣಿಶ್ರೀ (22) ಮೃತೆ. ಇವರಿಗೆ ಕಿರುಕುಳ ನೀಡುತ್ತಿದ್ದ ಆಳೂರು ಸ್ವಾಮಿ ಮಗ ಅಭಿಷೇಕ್ ಎಂಬಾತನ ವಿರುದ್ಧ ಎಚ್.ಎಸ್.ಆರ್ ಲೇಔಟ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ವಾಣಿಶ್ರೀ ಪಿಯುಸಿ ಓದುತ್ತಿದ್ದ ಸಂದರ್ಭದಲ್ಲಿ ಆರೋಪಿ ಅಭಿಷೇಕ್‌ನ ಪರಿಚಯ ಆಗಿತ್ತು. ಪದವಿ ಮುಗಿಸಿದ ಬಳಿಕ ಕೆಲಸಕ್ಕಾಗಿ ಬೆಂಗಳೂರಿಗೆ ಬಂದು, ಎಚ್‌ಎಸ್‌ಆರ್ ಲೇಔಟ್‌ನ ವೆಂಕಟೇಶ್ವರ ಲೇಡಿಸ್ ಪಿಜಿಯಲ್ಲಿ ವಾಸವಾಗಿದ್ದರು. ಬಹಳ ವರ್ಷದಿಂದ ಇಬ್ಬರ ನಡುವೆ ಇದ್ದ ಸ್ನೇಹವನ್ನೇ ಪ್ರೀತಿ ಎಂದು ತಿಳಿದಿದ್ದ ಆರೋಪಿ, ವಾಣಿಯ ಖಾಸಗಿ ೆಟೋಗಳನ್ನು ವಾಣಿಯ ವಾಟ್ಸ್‌ಆ್ಯಪ್‌ಗೆ ಕಳುಹಿಸಿ ಬೆದರಿಕೆ ಹಾಕಿ, ಕಿರುಕುಳ ನೀಡುತ್ತಿದ್ದ ಎಂದು ಮೂಲಗಳು ತಿಳಿಸಿವೆ.

‘ಕರೆದಾಗ ರೂಮಿಗೆ ಬರಬೇಕು. ಇಲ್ಲದಿದ್ದರೇ ನಿಮ್ಮ ಮನೆಯ ಮರ್ಯಾದೆ ಬೀದಿ ಪಾಲು ಮಾಡುತ್ತೇನೆ ಎಂದು ವಾಣಿಗೆ, ಅಭಿಷೇಕ್ ಬೆದರಿಕೆ ಹಾಕಿದ್ದ. ಇದರಿಂದ ತೀವ್ರ ಮಾನಸಿಕ ಒತ್ತಡ ಎದುರಿಸಿ ಯುವತಿ ಆತ್ಮಹತ್ಯೆಗೆ ಮುಂದಾಗಿರುವುದು ಪ್ರಾಥಮಿಕ ತನಿಖೆಯಲ್ಲಿ ದೃಢವಾಗಿದೆ. ಮೃತಳ ಸಹೋದರಿ ಪೂಜಾ ಅವರು ಸಲ್ಲಿಸಿದ ದೂರಿನ ಮೇರೆಗೆ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು, ಆರೋಪಿ ಬಂಧಿಸಲು ಬಲೆ ಬೀಸಿದ್ದಾರೆ.

‘ಅಪ್ಪ ನನ್ನ ಸಾವಿಗೆ ಅಭಿಷೇಕ್ ಕಾರಣ. ಅವನು, ನನಗೆ ೆಟೋ-ವಿಡಿಯೊ ಕಳುಹಿಸಿ ಕಿರುಕುಳ ನೀಡುತ್ತಿದ್ದ. ನನ್ನನ್ನು ರೂಮಿಗೆ ಕರೆದಿದ್ದಾನೆ. ಬರದಿದ್ದರೇ ನಿಮ್ಮ ಮನೆ ಮರ್ಯಾದೆ ಹಾಳು ಮಾಡುತ್ತೇನೆಂದು ಬೆದರಿಕೆ ಹಾಕಿದ್ದಾನೆ. ಇವನಿಂದ ನನಗೆ ಬಹಳ ತೊಂದರೆ ಆಗಿದೆ. ಹಾಗಾಗಿ ನಾನು ಸಾಯುತ್ತಿದ್ದೇನೆ. ಇವನಿಗೆ ಶಿಕ್ಷೆ ಆಗಬೇಕು. ಇದೇ ನನ್ನ ಕೊನೆ ಆಸೆ. ಇದೆಲ್ಲ ಸುಳ್ಳು ಎಂದು ಕಥೆ ಕಟ್ಟಿದರೂ ಅವನ ಮಾತು ನಂಬದೆ ಅವನಿಗೆ ಶಿಕ್ಷೆ ಕೊಡಿಸಿ ಎಂದು ವಾಣಿಶ್ರೀ ಬರೆದಿದ್ದ ಡೆತ್‌ನೋಟ್ ಪೊಲೀಸರಿಗೆ ಸಿಕ್ಕಿದೆ.