ಚಿಮುಲ್​ ಅಭಿವೃದ್ಧಿಗೆ ಶ್ರಮಿಸಿ

ನಗರದ ಹೊರವಲಯದ ಕನ್ನಂಪಲ್ಲಿ ಉಪ ಕಚೇರಿಯಲ್ಲಿ ಚಿಮುಲ್​ನಿಂದ ಹಮ್ಮಿಕೊಂಡಿದ್ದ ಪ್ರಾದೇಶಿಕ ಸಭೆ ಮತ್ತು ಎಎಂಸಿಯು (ಸ್ವಯಂ ಚಾಲಿತ ಹಾಲು ಸಂಗ್ರಹಣೆ) ಸಾಮಗ್ರಿ ವಿತರಣಾ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಚಿಂತಾಮಣಿ ಶಿಬಿರದ ಕಚೇರಿ ಜಾಗದಲ್ಲಿ ಸುಮಾರು 75 ಕೋಟಿ ವೆಚ್ಚದಲ್ಲಿ ಐಸ್​ ಕ್ರೀಂ ಫ್ಯಾಕ್ಟರಿ ಕಟ್ಟಡ ನಿಮಾರ್ಣವಾಗುತ್ತಿದೆ.

ಜತೆಗೆ ಒಕ್ಕೂಟ ಬೇರ್ಪಟ್ಟ ನಂತರ ಚಿಮುಲ್​ನಲ್ಲಿ ಸಂಬಳ ನೀಡ್ತಾರಾ ಎಂಬ ಪ್ರಶ್ನೆ ಎದ್ದಿತ್ತು. ಕಳೆದ ಜನವರಿ ಮೊದಲ ದಿನವೇ ರಾಜ್ಯದಲ್ಲಿ ಮೊದಲ ಬಾರಿಗೆ ಹಾಲಿನ ದರ ಹೆಚ್ಚಿಸಿದ್ದು ನಮ್ಮ ಒಕ್ಕೂಟ. ವಿವಿಧ ಪಕ್ಷಗಳು, ವಿವಿಧ ಸಹಕಾರ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸಿದವರು ಚಿಮುಲ್​ ಅಭಿವೃದ್ಧಿಗೆ ಶ್ರಮಿಸುತ್ತಿದ್ದಾರೆ. ಹಾಲಿನ ಸ್ಯಾಚೆಟ್​ ಘಟಕವನ್ನು ಶ್ರೀಘ್ರದಲ್ಲಿಯೇ ಸ್ಥಾಪನೆ ಮಾಡಲಾಗುವುದು. ಸಚಿವ ಡಾ.ಎಂ.ಸಿ.ಸುಧಾಕರ್​ ಆಶ್ವಾಸನೆ ನೀಡಿದ್ದು, ಕೋಲಾರದ ಕೋಮುಲ್​ನಲ್ಲಿ ಸೋಲಾರ್​ ಘಟಕ ಪ್ರಾರಂಭ ಮಾಡಿದ್ದಾರೆ.

ಇಲ್ಲಿಯೂ ಸೋಲಾರ್​ ಘಟಕ ಪ್ರಾರಂಭ ಮಾಡಿ ಪ್ರತಿ ವರ್ಷ 60ರಿಂದ 70 ಲಕ್ಷ ವಿದ್ಯುತ್​ಗೆ ಬಿಲ್​ ಪಾವತಿಸುವುದು ತಪು$್ಪತ್ತದೆ. ಉಳಿತಾಯದ ಹಣವನ್ನು ರೈತರಿಗೆ ಪಾವತಿ ಮಾಡುವುದು ಸಚಿವರ ಉದ್ದೇಶ. ಹಾಲಿನ ಗುಣಮಟ್ಟ ಹೆಚ್ಚಿಸಲು ವಾರ್ಷಿಕ ನಿರ್ವಹಣೆ ಒಪ್ಪಂದ, ಸ್ವಯಂ ಚಾಲಿತ ಹಾಲು ಸಂಗ್ರಹಣೆ ಯೋಜನೆಯಡಿ ವಿವಿಧ ಯಂತ್ರಗಳು, ಕಂಪ್ಯೂಟರ್​ಗಳ ಸೇವೆ ಒದಗಿಸಲಾಗುವುದು ಎಂದರು.

ಕೋಚಿಮುಲ್​ ನಿರ್ದೇಶಕ ಊಲವಾಡಿ ಅಶ್ವತ್ಥನಾರಾಯಣ ಬಾಬು, ಸುಮಾ ರವಿಚಂದ್ರಾರೆಡ್ಡಿ, ಮೆಗಾ ಡೇರಿ ವ್ಯವಸ್ಥಾಪಕ ನಿರ್ದೇಶಕಿ ಚೈತ್ರಾ, ಪ್ರಭಾರ ವ್ಯವಸ್ಥಾಪಕ ಮಂಜುನಾಥ್​ ಮಾತನಾಡಿದರು.

ಚಿಮುಲ್​ ನಿರ್ದೇಶಕ ಎನ್​.ಸಿ.ವೆಂಕಟೇಶ್​, ಕೃಷಿಕ ಅಧ್ಯಕ್ಷ ದೊಡ್ಡಗಂಜೂರು ಜಯರಾಮರೆಡ್ಡಿ, ಚಿಕ್ಕಬಳ್ಳಾಪುರ ಸಹಕಾರಿ ಯೂನಿಯನ್​ ನಿರ್ದೇಶಕ ನರಸಿಂಹರೆಡ್ಡಿ, ತಾಂತ್ರಿಕ ಆಡಳಿತಾಧಿಕಾರಿ ಗೋಪಿನಾಥ್​, ಚಿಂತಾಮಣಿ ಶಿಬಿರ ಕಚೇರಿ ಉಪವ್ಯವಸ್ಥಾಪಕ ಡಾ.ಮಹೇಶ್​, ಪ್ರಾಣಿ ಪ್ರಯೋಗಾಲಯದ ಮುಖ್ಯಸ್ಥೆ ಡಾ.ಕಾವ್ಯಾ, ಸಹಕಾರಿ ಅಭಿವೃದ್ಧಿ ಅಧಿಕಾರಿ ವನಿತಾ, ಗುಲಾಬ್​ ಜಾನ್​ ಇದ್ದರು.