ಈ ದಿನ ಎಲ್ಲರೂ ಒತ್ತಡವನ್ನು ಬದಿಗೊತ್ತಿ ವಕೀಲರ ದಿನಾಚರಣೆ ಕಾರ್ಯಕ್ರಮದಲ್ಲಿ ಭಾಗಿಯಾಗಿರುವುದರಿಂದ ಹಬ್ಬದ ವಾತಾವರಣದಿಂದ ಕೂಡಿದ್ದು, ನ್ಯಾಯಾಲಯಕ್ಕೆ ಒಂದು ಕಳೆ ಬಂದಿದೆ. ಎಲ್ಲ ವಕೀಲರು ಒಂದೆಡೆ ಸೇರಿರುವುದು ಖುಷಿ ತಂದಿದೆ ಎಂದರು.
ಸಂತೋಷ್ ಕೊಠಾರಿ ಮಾತನಾಡಿ, ಕಕ್ಷಿದಾರನಿಗೆ ನ್ಯಾಯ ಸಿಗಬೇಕು ಎಂದು ಹೋರಾಟ ಮಾಡುವ ವಕೀಲರ ವೃತ್ತಿ ಸಮಾಜದಲ್ಲಿ ಗೌರವ ತರುತ್ತದೆ. ಕಲಿತ ವಿದ್ಯೆ ನಮ್ಮ ಜೀವನ ಪೂರ್ತಿ ಜತೆಯಲ್ಲಿದ್ದು ಕಾಪಾಡುತ್ತದೆ ಎಂದರು.
ಅಧ್ಯಕ್ಷತೆ ವಹಿಸಿದ್ದ ವಕೀಲರ ಸಂಘದ ಅಧ್ಯಕ್ಷ ಗಂಗರಾಜು ಮಾತನಾಡಿದರು. ಇದೇ ಸಂದರ್ಭದಲ್ಲಿ ವಕೀಲರಿಗೆ ಏರ್ಪಡಿಸಿದ್ದ ವಿವಿಧ ಕ್ರೀಡೆಯಲ್ಲಿ ವಿಜೇತರಾದವರಿಗೆ ಬಹುಮಾನ ವಿತರಿಸಲಾಯಿತು. ಇದೇ ವೇಳೆ ಜಿಲ್ಲಾ ವಕೀಲರ ಸಂಘದ ಅಧ್ಯಕ್ಷ ಎಸ್.ಲೋಕೇಶ್, ತಾಲೂಕು ವಕೀಲರ ಸಂಘದ ಕಾರ್ಯದರ್ಶಿ ಸಿದ್ದಪ್ಪಾಜಿ, ಸರ್ಕಾರಿ ವಕೀಲರಾದ ಮಹೇಂದ್ರ, ವಕೀಲರಾದ ಮಣಿರಾಜು, ಎಸ್.ಕೆ.ಮಹೇಶ್, ಜಿ.ಎನ್.ನಾರಾಯಣಗೌಡ, ಲೋಕೇಶ್ಗೌಡ, ಚೌಡಹಳ್ಳಿ ಜವರಯ್ಯ, ಶ್ರೀನಿವಾಸ್, ಮೋಹನ್, ರಮೇಶ್, ಹನುಮೇಶ್, ಮಂಜು, ನಾಗೇಶ್, ಬಾಲಚಂದ್ರ, ಡಿ.ಆರ್.ಮಹೇಶ್ ಇತರರು ಇದ್ದರು.
