ಸೇಡಂನಲ್ಲಿ ಶ್ರೀ ರಾಮೋತ್ಸವ ನಿಮಿತ್ತ ಅಯೋಧ್ಯಾಪತಿ ಶ್ರೀ ರಾಮೋತ್ಸವ ಸಮಿತಿಯಿಂದ ಶನಿವಾರ ರಾಮನ ಮೂರ್ತಿಯ ಬೃಹತ್ ಶೋಭಾಯಾತ್ರೆ ನಡೆಯಿತು. ಕೃಷಿಕ ಸಮಾಜದ ರಾಜ್ಯ ಪ್ರತಿನಿಧಿ ಬಸವರಾಜ ಪಾಟೀಲ್ ಊಡಗಿ, ಬಿಜೆಪಿ ಮುಖಂಡ ಶಿವಕುಮಾರ ಪಾಟೀಲ್ ತೆಲ್ಕೂರ(ಜಿಕೆ), ಪುರಸಭೆ ಮಾಜಿ ಅಧ್ಯಕ್ಷ ವೀರೇಂದ್ರ ರುದ್ನೂರ ಅವರು ಶೋಭಾಯಾತ್ರೆಗೆ ಚಾಲನೆ ನೀಡಿದರು. ಡೊಳ್ಳು, ಹಲಗೆ, ವಿದ್ಯಾರ್ಥಿಗಳ ಲೇಜಿಮ್ ಸೇರಿ ವಿವಿಧ ವಾಧ್ಯಮೇಳಗಳು ಗಮನಸೆಳೆದವು. ರಥದಲ್ಲಿ ಶ್ರೀರಾಮ, ಸೀತಾಮಾತೆ, ಹನುಮ ವೇಷಧಾರಿಗಳು, ತೆರೆದ ವಾಹನದಲ್ಲಿ ರಾಮಾಯಣ ರಚಿಸಿದ ವಾಲ್ಮೀಕಿಯ ವೇಷಧಾರಿ ಮತ್ತು ಬೃಹತ್ ಶ್ರೀರಾಮನ ಮೂರ್ತಿ ಆಕರ್ಷಣೀಯವಾಗಿದ್ದವು. ಯುವಕರಿಂದ ಜೈ ಶ್ರೀರಾಮ್.. ಜೈ ಹನುಮಾನ್ ಸೇರಿ ವಿವಿಧ ಘೋಷಣೆ ಮೊಳಗಿದವು.
