ವಾರಭವಿಷ್ಯ; ಈ ರಾಶಿಯವರ ಏಕಾದಶದಲ್ಲಿ ಗುರುವಿರುವುದರಿಂದ ನಿಮ್ಮ ಭಾಗ್ಯ ಚಕ್ರವನ್ನು ಭಗವಂತನೇ ತಿರುಗಿಸುತ್ತಾನೆ

ವೃಷಭ: 9ನೇ ಮನೆಯ ಸೂರ್ಯನು ನಿಮ್ಮ ಧೈರ್ಯ ಶೌರ್ಯಗಳನ್ನು ತೋರಿಸಲು ಸಹಕಾರಿ. ಕಷ್ಟಪಟ್ಟು ಮಾಡಿದ ಕೆಲಸಕ್ಕೆ ಹಾಗೂ ಶ್ರಮಕ್ಕೆ ತಕ್ಕ ಫಲವನ್ನು ಕೊಡುವುದರಲ್ಲಿ ಸಂದೇಹವಿಲ್ಲ. ನಿಮ್ಮ ಜೀವನಶೈಲಿಯನ್ನು ಸರಿಪಡಿಸಿಕೊಳ್ಳಿ. ಯಾರೊಂದಿಗೆ ನಿಮ್ಮ ಸಂಬಂಧ ಇರಬೇಕು, ಹೇಗೆ ನಡೆದುಕೊಳ್ಳಬೇಕು ಎಂದು ಅರಿಯಿರಿ. ಸೂರ್ಯಮಂಡಲಕ್ಕೆ ಕೆಂಪು ಹೂವಿನಿಂದ ಅರ್ಚಿಸಿದರೆ ವಿಶೇಷ ಯೋಗ ಉಂಟಾಗಿ ನಿಮ್ಮ ಆಸೆಗಳು ಈಡೇರುತ್ತವೆ.

ಸಿಂಹ: ಏಕಾದಶದಲ್ಲಿ ಗುರುವಿರುವುದರಿಂದ ನಿಮ್ಮ ಭಾಗ್ಯ ಚಕ್ರವನ್ನು ಭಗವಂತನೇ ತಿರುಗಿಸುತ್ತಾನೆ. ಯಾರು ಎಲ್ಲಿದ್ದರೂ ಇರಲಿ, ಏನೇ ಮಾಡುತ್ತಿರಲಿ ಹರಿ ಚಿತ್ತ ಸತ್ಯ ಎಂಬುದು ನೆನಪಿರಲಿ. ಹರಿಹರರಾತ್ಮಜಂ ದೈವಮಾಶ್ರಯೇ ಎಂದು ಅಯ್ಯಪ್ಪನನ್ನು ಭಜಿಸಿ, ಗುರು ಕೃಪೆಯು ನಿಮಗೆ ಲಾಭ ಕೀರ್ತಿಯನ್ನು ತಂದು ಕೊಡುವುದರಲ್ಲಿ ಸಂದೇಹಬೇಡ.

ಕನ್ಯಾ: ಈ ರಾಶಿಯವರಿಗೆ ಪಂಚಮದಲ್ಲಿ ಸೂರ್ಯನಿದ್ದು, ಚತುರ್ಥದಲ್ಲಿ ಗ್ರಹಗಳು ಕೂಡಿಕೊಂಡಿವೆ. ಷಷ್ಠದಲ್ಲಿ ರಾಹು ಮತ್ತು ಸಪ್ತಮದಲ್ಲಿ ಶನಿ ಸಂಚಾರವಿದೆ. ಓಟದ ಸ್ಪರ್ಧೆಯಲ್ಲಿ ಮೊದಲೇ ಅತಿಯಾಗಿ ಓಡಿ ಆಯಾಸ ಮಾಡಿಕೊಂಡರೆ ಗೆಲ್ಲುವುದು ಹೇಗೆ? ಧರ್ಮದ ಚೌಕಟ್ಟಿನಲ್ಲಿ ಕುಲದೇವರನ್ನು ಆರಾಧಿಸಿ. ಅನ್ನದಾನ ಮತ್ತು ವಸ್ತ್ರದಾನ ಮಾಡಿ. ಗ್ರಹಗಳ ಸಂಚಾರವು ಒಳ್ಳೆಯ ಫಲವನ್ನೇ ಕೊಡುತ್ತದೆ.

ತುಲಾ: ಕತ್ತಲೆ ಸರಿದ ನಂತರವೇ ಬೆಳಕಿನ ನೋಟ ಸಿಗುವುದು. ಅತ್ಯಂತ ಶ್ರೇಷ್ಠ ಕಾಲವಿದ್ದು, 9ರಲ್ಲಿ ಗುರು ಹಾಗೂ 6ನೇ ಮನೆಯಲ್ಲಿ ಶನಿಯಿದ್ದಾನೆ. ಈ ಸಮಯವನ್ನು ಸರಿಯಾಗಿ ಉಪಯೋಗಿಸಿಕೊಂಡರೆ ಹಿಮಾಲಯ ಪರ್ವತ ವನ್ನೇ ಮುಟ್ಟಬಲ್ಲ ಕಾಲವಿದು. ಜನ್ಮದಾತರ ಅನುಗ್ರಹ ಮತ್ತು ಪೂರ್ವಪುಣ್ಯದ ಫಲವಾಗಿ ನೀವು ಮತ್ತೊಬ್ಬರಿಗೆ ಮಾಡಿದ ಉಪಕಾರವು ನಿಮ್ಮನ್ನು ಕಾಯುತ್ತದೆ. ದುರ್ಗೆಯನ್ನು ಪೂಜಿಸಿ, ಆದಿತ್ಯಹೃದಯ ಪಾರಾಯಣ ಮಾಡಿಕೊಳ್ಳಿ.

ವೃಶ್ಚಿಕ: ಎಲ್ಲಾ ಮನುಷ್ಯರಿಗೂ ಗ್ರಹಗಳ ಸ್ಥಾನ ಮುಖ್ಯವಾದರೂ, ಲಕ್ಷ್ಮಣನು ರಾಮನಿಗೆ ಹೇಳಿದಂತೆ ನೂರು ವರ್ಷ ಬಾಳಿದಲ್ಲಿ ಸಂತೋಷದ ಒಂದು ದಿನ ಬಂದೇ ಬರುತ್ತದೆ. ಅಂದು ನಿಮ್ಮ ಭಾಗ್ಯದ ಬಾಗಿಲು ತೆರೆದು ಧನಲಕ್ಷ್ಮಿ ಹಾಗೂ ಸಕಲ ದೇವತೆಗಳು, ಅದರಲ್ಲೂ ಆರೋಗ್ಯ ದೇವ ಧನ್ವಂತರಿಯು ಪ್ರವೇಶಿಸುತ್ತಾಳೆ. ನಿಮ್ಮನ್ನು ದೈವವೇ ಕಾಪಾಡುವ ಸಮಯವಿದು. ಸುಬ್ರಹ್ಮಣ್ಯನ ಪೂಜೆ ಮಾಡುವುದು ಅನಿವಾರ್ಯ.

ಧನಸ್ಸು: ಪಂಚಮಂ ಕಾರ್ಯಸಿದ್ಧಿಃ, ಸಪ್ತಮಂ ಸುಖಸ್ಥಾನಂ, ಏಕಾದಶಂ ಲಾಭಂ, ದ್ವಿತೀಯಂ ಕುಟುಂಬ ಸೌಖ್ಯಂ. ಇಷ್ಟು ಫಲವನ್ನು ಗುರು ಒಬ್ಬನೇ ಕೊಡಲು ಸಾಧ್ಯ. ಹೊತ್ತಿಗೆ ಮುನ್ನ ಎದ್ದು ದೇವರ ಧ್ಯಾನ ಮಾಡಿ. ನೀವು ಮಹತ್ಕಾರ್ಯಗಳನ್ನು ಸಾಧಿಸುತ್ತೀರಿ. ನಿಮ್ಮ ಕುಲಗುರುಗಳನ್ನು ಪೂಜಿಸಿ, ಧ್ಯಾನಿಸಿ. ತಂದೆ-ತಾಯಿಯ ಆಶೀರ್ವಾದ ಪಡೆದು ಮುನ್ನಡೆಯಿರಿ.

ಮಕರ: ನಿಮ್ಮ ಜೀವನವನ್ನು ನೀವೇ ರೂಪಿಸಿಕೊಳ್ಳುವ ಸಮಯ ಬಂದಿದೆ. ಷಷ್ಠದಲ್ಲಿ ಗುರುವಿದ್ದು ಸೂರ್ಯನಾರಾಯಣನ ಪ್ರಾರ್ಥನೆಯಿಂದ ಕೆಲಸ ಕಾರ್ಯಗಳಿಗೆ ಓಟವು ಹೆಚ್ಚಾಗಿ, ನಿಮಗೆ ಗೆಲುವು ಸಿಗುತ್ತದೆ. ಅಂಗಾರಕನಿಗೆ ಕುಜ ಅಷ್ಟೋತ್ತರ, ಬುಧನಿಗೆ ವಿಷ್ಣು- ಲಕ್ಷ್ಮಿ ಅಷ್ಟೋತ್ತರ ಪಠಿಸಿ. ನೀವು ಬಯಸಿದ್ದು ಸತ್ಯವಾಗಿ ಸಿಗುತ್ತದೆ.

ಕುಂಭ: ಈ ರಾಶಿಯಲ್ಲಿ ರಾಹು ಇದ್ದಾನೆ. ಈಗಿನಿಂದಲೇ ನರಸಿಂಹನನ್ನು ಮತ್ತು ನಾಗದೇವನನ್ನು ಪೂಜಿಸಿ. ಕುಕ್ಕೆ ಸುಬ್ರಹ್ಮಣ್ಯನ ಸೇವೆ ಮಾಡಿ. ನಿಮ್ಮ ಕೆಲಸಗಳು ಒಂದು ಹಂತಕ್ಕೆ ಬಂದು ಸೇರುತ್ತವೆ. ಜ.30 ರಿಂದ ಮಾ. 14ನೇ ತಾರೀಕಿನವರೆಗೆ ಆರೋಗ್ಯದ ಕಡೆ ಗಮನವಿರಲಿ. ಸಾಧ್ಯವಾದರೆ ಮೃತ್ಯುಂಜಯ ಹೋಮ ಮಾಡಿಸಿ, ದೈವ ಪ್ರಾರ್ಥನೆ ಅಗತ್ಯವಿದೆ.

ಮೀನ: ದುಃಖ ಬಂದಾಗ ದೇವರನ್ನು ನಿಂದಿಸಬಾರದು, ಸುಖ ಬಂದಾಗ ನಾನು-ನನ್ನದು ಎಂಬ ಅಹಂಕಾರ ಇರಬಾರದು. ಎಲ್ಲವೂ ಭಗವಂತನ ಕರುಣೆ ಎಂದು ಭಾವಿಸಿ. ಶನಿ ಸಂಚಾರದ ಪ್ರಭಾವ ದಾಟಿದ ಮೇಲೆ ನಿಮ್ಮ ಮನಸ್ಸಿನ ಮೂಲರಾಮನು ನಿಮ್ಮನ್ನು ಜಯಪ್ರದರನ್ನಾಗಿ ಮಾಡಿ ಸುಖವಾಗಿಡುತ್ತಾನೆ.