ಲೋಕಕಲ್ಯಾಣಕ್ಕಾಗಿ ಅಬ್ಬೆತುಮಕೂರಿಗೆ ನಡಿಗೆ

ಜೇವರ್ಗಿ: ಅಬ್ಬೆತುಮಕೂರಿನ ಸದ್ಗುರು ಶ್ರೀ ವಿಶ್ವಾರಾಧ್ಯ ಮಠದ ಪೀಠಾಧಿಪತಿ ಶ್ರೀ ಡಾ.ಗಂಗಾಧರ ಸ್ವಾಮಿಗಳು ಲೋಕಕಲ್ಯಾಣಕ್ಕಾಗಿ ಗಂವ್ಹಾರದಿಂದ ಯಾದಗಿರಿ ಜಿಲ್ಲೆಯ ಅಬ್ಬೆತುಮಕೂರಿನವರೆಗೆ ಸೋಮವಾರ ಪರಂಪರಾ ಪಾದಯಾತ್ರೆ ಆರಂಭಿಸಿದರು.

ಬೆಳಗ್ಗೆ 8ಕ್ಕೆ ಬನ್ನಿ ಬಸವೇಶ್ವರರ ಕರ್ತೃ ಗದ್ದುಗೆಗೆ ವಿಶೇಷ ಪೂಜೆ, ಅಭಿಷೇಕ, ಅಲಂಕಾರ ಸೇರಿ ವಿವಿಧ ಧಾರ್ಮಿಕ ಕಾರ್ಯಕ್ರಮ ನಡೆದವು. ಮಧ್ಯಾಹ್ನ 1ಕ್ಕೆ ಪುರವಂತರ ಸೇವೆ, ಪಲ್ಲಕ್ಕಿ ಮೆರವಣಿಗೆ, ಡೊಳ್ಳು ಸೇರಿ ವಿವಿಧ ವಾದ್ಯಗಳೊಂದಿಗೆ ವಿಶ್ವಾರಾಧ್ಯರ ಮಠದಿಂದ ಪಾದಯಾತ್ರೆ ಶುರುವಾಯಿತು. ಗುರುಗಳ ಪರಂಪರಾ ನಡಿಗೆ ನಿಮಿತ್ತ ಗಂವ್ಹಾರದಲ್ಲಿ ಹಬ್ಬದ ವಾತಾವರಣ ನಿರ್ಮಾಣವಾಗಿತ್ತು. ಅಮೃತೇಶ್ವರ ದೇವಸ್ಥಾನದಲ್ಲಿ ಭಕ್ತರಿಗೆ ಪ್ರಸಾದ ಹಾಗೂ ಕುಡಿವ ನೀರಿನ ವ್ಯವಸ್ಥೆ ಕಲ್ಪಿಸಲಾಗಿತ್ತು. ಅಪಾರ ಭಕ್ತರು ಗುರುಗಳ ದರ್ಶನ ಪಡೆದು ಪುನೀತರಾದರು. ಸಂಜೆ ಶಹಾಪುರ ತಾಲೂಕಿನ ಶಿರವಾಳದಲ್ಲಿ ವಾಸ್ತವ್ಯ ಮಾಡಲಾಯಿತು.

ಮಂಗಳವಾರ ಬೆಳಗ್ಗೆ 8ಕ್ಕೆ ಶಿರವಾಳದಿಂದ ಹೊರಟು ಯಾದಗಿರಿ ತಾಲೂಕಿನ ಹೆಡಗಿಮುದ್ರಾಕ್ಕೆ ತಲುಪಲಿದೆ. ಬುಧವಾರ ಬೆಳಗ್ಗೆ 8ಕ್ಕೆ ಹೆಡಗಿಮದ್ರಾ ಗ್ರಾಮದಿಂದ ಆರಂಭವಾಗುವ ಪಾದಯಾತ್ರೆ ಯಾದಗಿರಿ ಜಿಲ್ಲೆಯ ಅಬ್ಬೆತುಮಕೂರ ತಲುಪಲಿದೆ. ರಾತ್ರಿ 8ಕ್ಕೆ ಶಿವಾನುಭವ ಗೋಷ್ಠಿ ಹಾಗೂ ಪರಂಪರಾ ಪಾದಯಾತ್ರೆ ಸಮಾರೋಪ ಸಮಾರಂಭ ನಡೆಯಲಿದೆ.

ಶಾಸಕರಾದ ಬಸವರಾಜ ಮತ್ತಿಮಡು, ಚನ್ನಾರಡ್ಡಿ ಪಾಟೀಲ್​ ತುನ್ನೂರ, ಕೆವೈಡಿಸಿಸಿ ಬ್ಯಾಂಕ್​ ನಿರ್ದೇಶಕ ಬಸವರಾಜ ಪಾಟೀಲ್​ ನರಿಬೋಳ, ಪ್ರಮುಖರಾದ ಮಲ್ಲಿನಾಥಗೌಡ ಯಲಗೋಡ, ಶಿವರಾಜ ಪಾಟೀಲ್​ ರದ್ದೇವಾಡಗಿ, ರಾಜಶೇಖರ ಸೀರಿ, ಕಾಶಿರಾಯಗೌಡ ಯಲಗೋಡ, ವಿಜಯಕುಮಾರ ಮಾಲಿಪಾಟೀಲ್​, ಮಹೇಶರಡ್ಡಿ ಮುದ್ನಾಳ, ಬಸವರಾಜಪ್ಪಗೌಡ ಪೊಲೀಸ್​ ಪಾಟೀಲ್​, ವಿಜಯಕುಮಾರ ಪೊಲೀಸ್​ ಪಾಟೀಲ್​, ಕಲ್ಯಾಣಕುಮಾರ ಸಂಗಾವಿ, ಬಾಪುಗೌಡ ಪಾಟೀಲ್​, ಸಿದ್ದು ಪಾಟೀಲ್​ ಮಳಗಿ, ನಾಗರಾಜ ಸಾಹು ರಷ್ಮಿ, ಶರಣಬಸವ ಹೊಸಮನಿ, ನಾಗರಾಜರೆಡ್ಡಿ ಗಂವ್ಹಾರ, ರಾಮಶೇಟೆಪ್ಪ ಸಾಹು ಹುಗ್ಗಿ, ಡಾ.ಶಾಂತಗೌಡ ಮಾಲಿಪಾಟೀಲ್​, ಈರಣ್ಣಗೌಡ ಮದಗುಂಡ, ಲಿಂಗಣ್ಣಗೌಡ ನಂದೂರ, ಮಹ್ಮದ್​ ಸೋಫಿ ಸಗರಿ, ಡಾ.ನೀಲಲೋಹಿತ ಹಿರೇಮಠ ಇತರರಿದ್ದರು.