ಗೃಹಜ್ಯೋತಿ ಶೇ.29.18 ಮನೆಗಳ ಪರಿಶೀಲನೆ ಬಾಕಿ

ಬೆಂಗಳೂರು: ರಾಜ್ಯ ಸರ್ಕಾರದ ಗ್ಯಾರಂಟಿ ಯೋಜನೆಗಳ ಪೈಕಿ ಉಚಿತ ವಿದ್ಯುತ್ ಸಂಪರ್ಕ ಪಡೆದಿರುವ ಗೃಹ ಜ್ಯೋತಿ ಫಲಾನುಭವಿಗಳ ಇಂಧೀಕರಿಸುವುದು ಶೇ.29.18 (48.25 ಲಕ್ಷ ) ಬಾಕಿ ಉಳಿದಿದೆ.

ರಾಜ್ಯ ವ್ಯಾಪಿ ಗೃಹಜ್ಯೋತಿ ಯೋಜನೆ ಹೆಸರಿನಲ್ಲಿ ಎಲ್ಲ ಎಸ್ಕಾಂಗಳಿಂದ 1.65 ಕೋಟಿ ಮನೆಗಳಿಗೆ ಉಚಿತ ವಿದ್ಯುತ್ ಸಂಪರ್ಕ ಕಲ್ಪಿಸಲಾಗಿದೆ. ಈ ಲಾನುಭವಿಗಳು ಕೇವಲ ರಾಜ್ಯದವರು ಮಾತ್ರ ಇದ್ದಾರಾ, ಹೊರ ರಾಜ್ಯದವರೂ ಪಡೆಯುತ್ತಿದ್ದಾರ ಎಂಬುದರ ಬಗ್ಗೆ ಸರ್ಕಾರ ಪರಿಶೀಲನೆಗೆ ಮುಂದಾಗಿತ್ತು.

ವಿದ್ಯುತ್ ಸರಬರಾಜು ಕಂಪನಿಗಳ ಸಿಬ್ಬಂದಿ(ಮಾಪಕರು, ಇತರ ಸಿಬ್ಬಂದಿ) ಮನೆ ಮನೆಗೆ ಭೇಟಿ ಕೊಟ್ಟು ದಾಖಲೆ ಪರಿಶೀಲನೆ ನಡೆಸಿ ಸೇವಾ ಸಿಂಧು ತಂತ್ರಾಂಶದಲ್ಲಿ ಇಂಧೀಕರಿಸುವ ಪ್ರಕ್ರಿಯೆಯನ್ನು ಕಳೆದ ಎರಡು ತಿಂಗಳಿಂದ ಮಾಡಿದ್ದಾರೆ. ಆದರಿಂದ 1.65 ಕೋಟಿ ಮನೆಗಳ ಪೈಕಿ 1.17 ಕೋಟಿ ಮನೆಗಳು ಪೂರ್ಣಗೊಂಡಿದ್ದು, ಶೇ.70.82 ಮುಗಿದಿದೆ. ಉಳಿಕೆ 48.25 ಲಕ್ಷ ಮನೆಗಳ ಪರಿಶೀಲನೆ ಬಾಕಿ ಉಳಿದಿದೆ. ಆದರಿಂದ ಸರ್ಕಾರ ಸೆ.30ರ ವರೆಗೆ ಅವಕಾಶ ಕಲ್ಪಿಸಿದೆ.