1ರಿಂದ 10ನೇ ತರಗತಿ ಮಕ್ಕಳಿಗೆ ಮೌಲ್ಯ ಶಿಕ್ಷಣ

ಈ ಸಂಬಂಧ 1ರಿಂದ 10ನೇ ತರಗತಿ ಮಕ್ಕಳಿಗೆ ಕಲಿಸಬೇಕಾದ ಮೌಲ್ಯ ಶಿಕ್ಷಣದ ಚಟುವಟಿಕಾ ಪುಸ್ತಕಗಳನ್ನು ರಾಜ್ಯ ಶಿಕ್ಷಣ ಸಂಶೋಧನೆ ಮತ್ತು ತರಬೇತಿ ಇಲಾಖೆ (ಡಿಎಸ್‌ಇಆರ್‌ಟಿ) ಪ್ರಕಟಿಸಿದೆ.

ಶಾಲಾ ಮಕ್ಕಳಿಗೆ ಕೇವಲ ಶೈಕ್ಷಣಿಕ ಜ್ಞಾನವಷ್ಟೇ ಅಲ್ಲದೆ ಜಗತ್ತಿನ ಸೂಕ್ಷ್ಮತೆಯನ್ನು ಅರ್ಥಮಾಡಿಕೊಳ್ಳಲು ಮತ್ತು ಸಮಾಜಕ್ಕೆ ಸಕಾರಾತ್ಮಕ ಕೊಡುಗೆಯನ್ನು ನೀಡಲು ಭಾವನಾತ್ಮಕ ಮತ್ತು ನೈತಿಕ ಸ್ಪಷ್ಟತೆಯ ಆಳವಾದ ಮೌಲ್ಯಗಳ ಅರಿವು ಬೇಕಾಗಿದೆ. ಈ ನಿಟ್ಟಿನಲ್ಲಿ ಮೌಲ್ಯ ಶಿಕ್ಷಣವು ಶಾಲಾ ವ್ಯವಸ್ಥೆಯಲ್ಲಿ ಬಿತ್ತಬೇಕಿದೆ. ನೈತಿಕ ಮತ್ತು ಜೀವನ ಕೌಶಲ ಆಧಾರಿತ ಕಲಿಕೆಯನ್ನು ನೀಡಲು ಮೌಲ್ಯ ಶಿಕ್ಷಣವನ್ನು ಜಾರಿಗೊಳಿಸಲಾಗುತ್ತಿದೆ.

ಮಕ್ಕಳಿಗಾಗಿ ಜ್ಞಾನ, ಅತ್ಯುತ್ತಮ ಸಂಶೋಧನೆ, ಕ್ಷೇತ್ರ ಪರೀಕ್ಷಿತ ಅಭ್ಯಾಸ, ಅನುಭವ, ಹೊಸತನ ಮತ್ತು ಸೃಜನಾತ್ಮಕ ವಿನ್ಯಾಸವುಳ್ಳ ಸರಣಿ ಚಟುವಟಿಕಾ ಪುಸ್ತಕಗಳನ್ನು ಡಿಎಸ್‌ಇಆರ್‌ಟಿ ಪ್ರಕಟಿಸಿದೆ.

ಆರಂಭಿಕ ತರಗತಿಗಳು (1ರಿಂದ 5ನೇ ತರಗತಿ)- ಮೌಲ್ಯಗಳ ಮೂಲಭೂತ ತಿಳಿವಳಿಕೆಯನ್ನು ಮತ್ತು ಸಾಮಾನ್ಯ ನಡವಳಿಕೆಯನ್ನು ಪರಿಚಯಿಸುವುದು.

ಮಧ್ಯದ ತರಗತಿಗಳು (6ರಿಂದ 8ನೇ ತರಗತಿ)- ಆಳವಾದ ಆಲೋಚನೆ ಮತ್ತು ಜವಾಬ್ದಾರಿಯುತ ವರ್ತನೆಯ ಅಭಿವೃದ್ಧಿಯನ್ನು ಪ್ರೋತ್ಸಾಹಿಸುವುದು.

ಉನ್ನತ ತರಗತಿಗಳು (9-10ನೇ ತರಗತಿ)- ನೈತಿಕ ತಾರ್ಕಿಕತೆ, ನಾಗರಿಕ ಜವಾಬ್ದಾರಿಯುತ ಕಾರ್ಯಗಳಲ್ಲಿ ಭಾಗವಹಿಸುವಿಕೆ ಮತ್ತು ಸ್ವಯಂ ನಿಯಂತ್ರಣದ ಕಡೆಗೆ ವಿದ್ಯಾರ್ಥಿಗಳನ್ನು ಸಿದ್ಧಗೊಳಿಸುವುದು.

ಗೌರವ

ಪ್ರಾಮಾಣಿಕತೆ ಮತ್ತು ನಿಷ್ಠೆ

ಭಾವನಾತ್ಮಕ ಬುದ್ಧಿವಂತಿಕೆ ಮತ್ತು ಸ್ಥಿತಿಸ್ಥಾಪಕತ್ವ

ಅನುಭೂತಿ

ವೈವಿಧ್ಯತೆ, ಸಮತೆ ಮತ್ತು ಒಳಗೊಳ್ಳುವಿಕೆ

ಲಿಂಗ ಸಮಾನತೆ

ವೈಜ್ಞಾನಿಕ ಮನೋಭಾವ ಮತ್ತು ಸೃಜನಾತ್ಮಕತೆ

ಸುಸ್ಥಿರ ಜೀವನ ಪದ್ಧತಿ ಮತ್ತು ಪರಿಸರ ಜಾಗೃತಿ

ನಾಗರಿಕ ಜವಾಬ್ದಾರಿಗಳು

ದೈಹಿಕ, ರಸ್ತೆ ಮತ್ತು ಡಿಜಿಟಲ್ ಸುರಕ್ಷತೆ

ಈ ಚಟುವಟಿಕೆ ಪುಸ್ತಕಗಳ ವಿನ್ಯಾಸವು ಜೀವನ ಕೌಶಲ ಶಿಕ್ಷಣ ಮತ್ತು ಮಕ್ಕಳ ಅಭಿವೃದ್ಧಿಯಲ್ಲಿನ ಜಾಗತಿಕ ಉತ್ತಮ ಅಭ್ಯಾಸಗಳನ್ನು ಆಧರಿಸಿದೆ. ಜತೆಗೆ ಜಾಗತಿಕ ಚೌಕಟ್ಟುಗಳನ್ನು ಕರ್ನಾಟಕದ ವಿಶಿಷ್ಟ ಸಾಂಸ್ಕೃತಿಕ ಮತ್ತು ಭಾಷಾ ಸಂದರ್ಭಕ್ಕೆ ತಕ್ಕಂತೆ ಮಾರ್ಪಡಿಸಲಾಗಿದೆ. ಸ್ಥಳೀಯವಾಗಿ ಪ್ರಸ್ತುತ ಎನಿಸುವಂತೆ ಸಿದ್ಧಪಡಿಸಲಾಗಿದೆ. ಈ ಮೂಲಕ ಮಕ್ಕಳಿಗೆ ಪರಿಣಾಮಕಾರಿ ಮತ್ತು ಅರ್ಥಪೂರ್ಣ ಕಲಿಕೆ ಲಭ್ಯವಾಗುವುದನ್ನು ಖಚಿತಪಡಿಸಲಾಗಿದೆ.

- ರಾಜ್ಯದಲ್ಲಿ ಜಾರಿಗೊಳಿಸಲು ಉದ್ದೇಶಿಸಿರುವ ಈ ಹತ್ತು ಪ್ರಮುಖ ಮೌಲ್ಯಗಳು ಜಾಗತಿಕ ಸಂಸ್ಥೆಗಳು ಗುರುತಿಸಿರುವ ಜಾಗತಿಕ ಮೌಲ್ಯಗಳೊಂದಿಗೆ ಸಮನ್ವಯತೆಯನ್ನು ಹೊಂದಿವೆ

- ಕತೆ, ಕಲೆ, ಪಾತ್ರಾಭಿನಯ, ಅನುಭವಾತ್ಮಕ ಕಲಿಕೆ ಹಾಗೂ ಆತ್ಮಾವಲೋಕನ ಚಟುವಟಿಕೆಗಳ ಮೂಲಕ ಮೌಲ್ಯ ಶಿಕ್ಷಣದ ಕಲಿಕೆಯನ್ನು ಸುಗಮಗೊಳಿಸುವುದು.

- ಚಟುವಟಿಕಾ ಪುಸ್ತಕಗಳನ್ನು ಕನ್ನಡ ಹಾಗೂ ಇಂಗ್ಲಿಷ್ (ದ್ವಿಭಾಷಾ) ಮಾಧ್ಯಮದಲ್ಲಿ ಸಿದ್ಧಪಡಿಸಲಾಗಿದೆ.

- ವಿದ್ಯಾರ್ಥಿಗಳು ದಿನನಿತ್ಯದ ಜೀವನದಲ್ಲಿ ಈ ಮೌಲ್ಯಗಳನ್ನು ಅಳವಡಿಸಿಕೊಳ್ಳುವುದರಿಂದ ಸಕಾರಾತ್ಮಕ ದೃಷ್ಟಿಕೋನಗಳನ್ನು ಬೆಳೆಸಿಕೊಳ್ಳಲು ಅನುಕೂಲವಾಗಲಿದೆ.

- ಸ್ವ ಅರಿವು ಮತ್ತು ಆತ್ಮವಿಶ್ವಾಸ ಬೆಳೆಸುವುದು

- ಸಹಾನುಭೂತಿ ಮತ್ತು ಗೌರವ ಹೊಂದುವುದು

- ಭಾವನಾತ್ಮಕತೆ ಮತ್ತು ಆಶಾವಾದವನ್ನು ಬಲಪಡಿಸುವುದು

- ಒಳಗೊಳ್ಳುವಿಕೆ, ಸೃಜನಶೀಲತೆ ಮತ್ತು ವಿಮರ್ಶಾತ್ಮಕತೆಯನ್ನು ಮೈಗೂಡಿಸಿಕೊಳ್ಳುವುದು

- ಸಮುದಾಯ ಮತ್ತು ಪರಿಸರ ಕಾಳಜಿ ಬೆಳೆಸುವುದು

"

ಮೌಲ್ಯ ಶಿಕ್ಷಣವನ್ನು ನೀಡಲು 1984 ಸಂಪನ್ಮೂಲ ವ್ಯಕ್ತಿಗಳಿಗೆ ಡಿಎಸ್‌ಇಆರ್‌ಟಿ ವತ್ತು ಜಿಲ್ಲಾ ಶಿಕ್ಷಣ ತರಬೇತಿ (ಡಯಟ್) ಸಂಸ್ಥೆಗಳಲ್ಲಿ ತರಬೇತಿ ನೀಡಲಾಗಿದೆ. ರಾಜ್ಯದ 96 ಸಾವಿರ ಶಿಕ್ಷಕರಿಗೆ ಒಂದು ದಿನದ ತರಬೇತಿಯನ್ನು ಜಿಲ್ಲಾ ಮತ್ತು ಬ್ಲಾಕ್ ಹಂತದಲ್ಲಿ ನೀಡಲು ಡಿಎಸ್‌ಇಆರ್‌ಟಿ ಚಿಂತನೆ ನಡೆಸುತ್ತಿದೆ. ಬಳಿಕ ವಾರದಲ್ಲಿ ಒಂದು ಅಥವಾ ಎರಡು ತರಗತಿಗಳ ಮೌಲ್ಯ ಶಿಕ್ಷಣ ನೀಡಲಾಗುತ್ತದೆ.

— - ಸಚಿವ ಮಧು ಬಂಗಾರಪ್ಪ, ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆ