ರಾಜ್ಯ

ಗಾಂಜಾ ಸೇವಿಸಿ ದುರ್ವರ್ತನೆ ತೋರಿದ ಮೂವರ ಸೆರೆ

Three arrested for misbehaving after consuming marijuana
Three arrested for misbehaving after consuming marijuana
ಚಿಕ್ಕಬಳ್ಳಾಪುರ ಡೆಸ್ಕ್
Published on: 
ಚಿಂತಾಮಣಿ: ನಗರದ ಬಾಗೇಪಲ್ಲಿ ಕ್ರಾಸ್​ ಬಳಿ ಗಾಂಜಾ ಸೇವಿಸಿ ಸಾರ್ವಜನಿಕರಿಗೆ ತೊಂದರೆ ಕೊಡುತ್ತಿದ್ದ ಯುವಕನನ್ನು ನಗರ ಪೊಲೀಸರು ಬಂಧಿಸಿದ್ದಾರೆ. ನಗರದ ವೆಂಕಟಗಿರಿಕೋಟೆ ಬಡಾವಣೆ ನಿವಾಸಿ ಸಲ್ಮಾನ್​ ಪಾಷ (26) ಬಂಧಿತ.
ಬುಧವಾರ ಮಧ್ಯಾಹ್ನ ನಗರದಲ್ಲಿ ಕರ್ತವ್ಯದಲ್ಲಿದ್ದ ಪೊಲೀಸ್​ ಸಿಬ್ಬಂದಿ ಗಂಗರಾಜು ಹಾಗೂ ಅಂಜನಾರೆಡ್ಡಿ ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ ಗಾಂಜಾ ಬಗ್ಗೆ ಸಲ್ಮಾನ್​ ಬಾಯ್ಬಿಟ್ಟಿದ್ದಾನೆ. ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
"

ಗಸ್ತಿನಲ್ಲಿದ್ದಾಗ ವಶಕ್ಕೆ
ಗಾಂಜಾ ಸೇವಿಸಿ ಅಸಭ್ಯ ವರ್ತನೆ ತೋರುತ್ತಿದ್ದ ಚಿಂತಾಮಣಿ ವೆಂಕಟಗಿರಿಕೋಟೆ ಬಡಾವಣೆ ನಿವಾಸಿ ಎನ್​. ಜಿಶಾನ್​ (23)ನನ್ನು ಪೊಲೀಸರು ಬಂಧಿಸಿದ್ದಾರೆ. ಬುಧವಾರ ಪಿಸಿಗಳಾದ ಶ್ರೀನಿವಾಸ ಮೂರ್ತಿ ಹಾಗೂ ಗಿರೀಶ್​ ಬಾಗೇಪಲ್ಲಿ ಕ್ರಾಸ್​ ಕಡೆ ಗಸ್ತಿನಲ್ಲಿದ್ದಾಗ ಈತ ಮಾದಕ ವಸ್ತು ಸೇವಿಸುತ್ತಿದ್ದ. ಚಿಂತಾಮಣಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಅಮಲಿನಲ್ಲಿದ್ದ: ಗಾಂಜಾ ಸೇವಿಸಿ ದುರ್ವರ್ತನೆ ತೋರುತ್ತಿದ್ದ ನಗರದ ಶಾಂತಿನಗರ ಬಡಾವಣೆ ನಿವಾಸಿ ಮೊಹಮದ್​ ಅಲಿ ಅರ್ಬಾಜ್​ (22) ಎಂಬಾತನನ್ನು ಪೊಲೀಸರು ಸೆರೆಹಿಡಿದಿದ್ದಾರೆ.
ಚಿಂತಾಮಣಿ ರೈಲ್ವೆ ಸ್ಟೇಷನ್​ ಬಳಿ ಮೊಹಮದ್​ ಮಾದಕ ವಸ್ತು ಸೇವಿಸಿ ಸಾರ್ವಜನಿಕರಿಗೆ ತೊಂದರೆ ನೀಡುತ್ತಿದ್ದ. ಬುಧವಾರ ಹೆಡ್​ ಕಾನ್​ಸ್ಟೇಬಲ್​ ವೆಂಕಟರವಣ ಹಾಗೂ ಪಿಸಿ ಲೋಕೇಶ್​ ಬಂಧಿಸಿದರು. ಚಿಂತಾಮಣಿ ನಗರ ಠಾಣೆಯಲ್ಲಿ ದೂರು ದಾಖಲಾಗಿದೆ.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net