ಉಪಯೋಗಕ್ಕೆ ಬಾರದ ತೊಂಡೆಬಾವಿ ಬಸ್​ ತಂಗುದಾಣ

ಬೆಂಗಳೂರಿನಿಂದ ಗೌರಿಬಿದನೂರು ಮಾರ್ಗವಾಗಿ ಹಿಂದೂಪುರ ಹಾಗೂ ಇತರ ಊರುಗಳಿಗೆ ಸಂಚರಿಸುವ ಬಸ್​ಗಳನ್ನು ಹೊಸ ಬಸ್​ ನಿಲ್ದಾಣದಲ್ಲಿ ನಿಲ್ಲಿಸಬೇಕು. ಆಗ ನಿಲ್ದಾಣ ಬಳಕೆಗೆ ಬರುತ್ತದೆ. ಇಲ್ಲದಿದ್ದರೆ ಇದೇ ಸ್ಥಿತಿ ಮುಂದುವರಿಯುವುದು. ಇದಕ್ಕೆ ಅಗತ್ಯ ಕ್ರಮವಹಿಸಲಾಗುವುದು.

> ಪೃಥ್ವಿಭಾ ಪಿಡಿಒ, ತೊಂಡೆಬಾವಿ,

ಹೆಚ್ಚಿದ ವಾಹನ ದಟ್ಟಣೆ

ರಾಷ್ಟ್ರೀಯ ಹೆದ್ದಾರಿ ಆಗಿರುವುದರಿಂದ ಇಲ್ಲಿ ವಾಹನ ದಟ್ಟಣೆ ಹೆಚ್ಚು. ಅದರಲ್ಲೂ ವಾರದ ಕೊನೆಯಲ್ಲಿ ವಾಹನಗಳು ಮತ್ತು ಜನ ದಟ್ಟಣೆ ತೀವ್ರವಾಗಿರುತ್ತದೆ. ಸರಿಯಾದ ಪಾರ್ಕಿಂಗ್​ ವ್ಯವಸ್ಥೆ ಇರುವುದಿಲ್ಲ. ಸಂಚಾರಕ್ಕೆ ತೀವ್ರ ತೊಂದರೆಯಾಗಿದೆ. ಸಂಬಂಧಪಟ್ಟವರು ಇತ್ತ ಗಮನ ಹರಿಸಿ ತ್ವರಿತವಾಗಿ ಕ್ರಮ ಕೈಗೊಳ್ಳುವ ಅಗತ್ಯವಿದೆ.ತೊಂಡೆಬಾವಿ ಹಾಗೂ ಸುತ್ತಮುತ್ತಲ ಗ್ರಾಮಗಳ ಜನರು ನಗರ ಪ್ರದೇಶಗಳಿಗೆ ತೆರಳುವವರಿಗೆ ಈ ಮಾರ್ಗ ಅನುಕೂಲವಾಗಿದೆ. ಆದರೆ, ಈ ಜಾಗದದಲ್ಲಿ ನಿಲ್ದಾಣವಿದೆ ಎಂಬುದೇ ತಿಳಿಯದಂತಾಗಿದೆ. ಹಾಗಾಗಿ ಜನರು ಬಸ್​ಗಳಿಗಾಗಿ ಕಾಯದೇ ಅನಿವಾರ್ಯವಾಗಿ ಅನ್ಯಮಾರ್ಗಗಳನ್ನು ಹಿಡಿಯಬೇಕಿದೆ.

ವಾಣಿಜ್ಯ ಮಳಿಗೆಗಳು ಹೆಚ್ಚಾಗಿರುವುದರಿಂದ ಅಲ್ಲೇ ಬಸ್​ಗಳನ್ನು ನಿಲ್ಲಿಸಲಾಗುತ್ತದೆ. ಹಾಗಾಗಿ ಹೊಸ ನಿಲ್ದಾಣವನ್ನು ಬಳಸುತ್ತಿಲ್ಲ. ಇದನ್ನು ರೆಡಿ ಮಾಡಿದರೆ ಬಳಸಬಹುದಾಗಿದೆ.

> ಆರ್​.ಲಕ್ಷಿಪತಿ, ತೊಂಡೆಬಾವಿ

ಬಸ್​ಗಳಲ್ಲಿ ಪ್ರಯಾಣ ಮಾಡುವ ಪ್ರಯಾಣಿಕರು ರೈಲ್ವೆ ನಿಲ್ದಾಣದ ಮುಂಭಾಗ ನಿಲ್ಲುತ್ತಾರೆ. ಹಾಗಾಗಿ ಬಸ್​ಗಳು ಅಲ್ಲಿಯೇ ನಿಲುಗಡೆ ಮಾಡುತ್ತಿವೆ. ಇದು ಬಸ್​ ನಿಲ್ದಾಣ ಎಂಬುದು ಗೊತ್ತಾಗಬೇಕಿದೆ.

> ಪಿ.ಮಂಜುನಾಥ್​, ತೊಂಡೆಬಾವಿ