ಆಸ್ತಿಗಾಗಿ ಚಿಕ್ಕಮ್ಮನನ್ನೇ ಕೊಂದು ಸುಟ್ಟರು!

ಚಿಕ್ಕಬಳ್ಳಾಪುರ ತಾಲೂಕಿನ ನಂದಿ ಗಿರಿಧಾಮದ ಪ್ರದೇಶದಲ್ಲಿ ಮೃತದೇಹ ಪತ್ತೆಯಾದ ಪ್ರಕರಣದಲ್ಲಿ ಮೃತಳು ನೊಣಕಮ್ಮ ಎನ್ನುವುದು ದೃಢಪಟ್ಟಿದೆ. ಈಕೆಯನ್ನು ಕೊಲೆ ಮಾಡಿದ ಇಬ್ಬರನ್ನು ಬಂಧಿಸಲಾಗಿದೆ.> ಕುಶಾಲ್​ ಚೌಕ್ಸೆ, ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ, ಚಿಕ್ಕಬಳ್ಳಾಪುರ

ಚಿಕಿತ್ಸೆ ನೆಪದಲ್ಲಿ ಕೊಲೆ

ನಾಗಲ್ಮ, ಅಶೋಕ್​ ಇಬ್ಬರೂ ಕೊಲೆ, ರಾಬರಿ ಅಪರಾಧ ಹಿನ್ನೆಲೆಯುಳ್ಳವರು. ಇದರ ನಡುವೆ ಚಿಕ್ಕಮ್ಮ ನೊಣಕಮ್ಮಳ ಚೀಟಿ ಹಣ, ಒಡವೆಗಳ ಮೇಲೆ ನಾಗಲ್ಮ ಕಣ್ಣಿಟ್ಟಿದ್ದು, ಲಪಟಾಯಿಸಲು ಯತ್ನಿಸುತ್ತಿದ್ದಳು. ನೊಣಕಮ್ಮಗೆ ಮೂರ್ಛೆ ರೋಗ ಇರುವುದನ್ನು ನಾಗಲ್ಮ ದುರುಪಯೋಗ ಪಡಿಸಿಕೊಂಡಿದ್ದಾಳೆ. ಚಿಕ್ಕಬಳ್ಳಾಪುರ ತಾಲೂಕಿನ ನಂದಿಯಲ್ಲಿ ಚಿಕಿತ್ಸೆ ಕೊಡಿಸುವುದಾಗಿ ಹೇಳಿ ದ್ವಿಚಕ್ರ ವಾಹನದಲ್ಲಿ ವೃದ್ಧೆಯನ್ನು ನಾಗಲ್ಮ ಕರೆದುಕೊಂಡು ಬಂದಿದ್ದಾಳೆ. ಕೊನೆಗೆ ಪ್ರಿಯಕರನೊಂದಿಗೆ ಸೇರಿಕೊಂಡು ಅರಣ್ಯ ಪ್ರದೇಶದಲ್ಲಿ ಕತ್ತು ಹಿಸುಕಿ ಕೊಲೆ ಮಾಡಿದ್ದರು. ಹಾಗೆಯೇ ಮಾರನೇ ದಿನ ಬಂದು ಮೃತದೇಹದ ಮೇಲೆ ಸೀಮೆಎಣ್ಣೆ ಸುರಿದು ಸುಟ್ಟು ಹಾಕಿದ್ದರು. ಬಳಿಕ ಏನೂ ಆಗಿಲ್ಲ ಎನ್ನುವಂತೆ ನಾಗಲ್ಮ ಊರಿನಲ್ಲಿ ಸುಮ್ಮನಿದ್ದು ಕುಟುಂಬಸ್ಥರು ವೃದ್ಧೆಯನ್ನು ಹುಡುಕಾಡಿದ ಬಳಿಕ ಸ್ಥಳಿಯ ಪೊಲೀಸ್​ ಠಾಣೆಗೆ ದೂರು ನೀಡಿದ್ದರು. ನಂದಿ ಭಾಗದಲ್ಲಿ ಪತ್ತೆಯಾದ ಮೃತದೇಹವು ನೊಣಕಮ್ಮ ಎನ್ನುವುದು ಗೊತ್ತಾಗುತ್ತಿದ್ದಂತೆ ಪೊಲೀಸರು ಅನುಮಾನದ ಮೇಲೆ ನಾಗಲ್ಮಯನ್ನು ಹೆಚ್ಚಿನ ವಿಚಾರಣೆಗೊಳಪಡಿಸಿದಾಗ ಸತ್ಯಾಂಶವು ಹೊರ ಬಂದಿದೆ.