ಮರಂ ಅಕ್ರಮ ದಂಧೆಕೋರರ ಅಟ್ಟಹಾಸ

ಪ್ರಮುಖ ಮುಖ್ಯಾಂಶಗಳು

• ನಲುಗಿದ ಲಕ್ಷ್ಮೀದೇವಿ ಕೆರೆ ಪ್ರದೇಶ
• ಗಣಿಗಾರಿಕೆಗಾಗಿ ಮರಗಳ ಕಡಿತ ಅವ್ಯಾಹತ

ಅಪಾಯಕ್ಕೆ ಆಹ್ವಾನ

ದಂಧೆಕೋರರು ಮನಸೋಇಚ್ಛೆ ಕೆರೆಯ ದಡ, ರಸ್ತೆ ಪಕ್ಕದಲ್ಲಿಯೇ ಅಗೆದಿದ್ದು ಗುಂಡಿಗಳು ಬಿದ್ದಿವೆ. ಮುಂದಿನ ದಿನಗಳಲ್ಲಿ ಸಂಪೂರ್ಣ ಕೆರೆ ಭರ್ತಿಯಾದಾಗ ನೀರು ಸಂಗ್ರಹವಾಗಿ ಅಲ್ಲಿಗೆ ತೆರಳಿದವರು ಗುಂಡಿಗೆ ಬಿದ್ದು ಪ್ರಾಣ ಹಾನಿಯಾದರೆ ಯಾರು ಹೊಣೆ ಎನ್ನುವ ಪ್ರಶ್ನೆಗೆ ಯಾರ ಬಳಿಯೂ ಉತ್ತರವಿಲ್ಲ. 

ಪ್ರಾಣಿ-ಪಕ್ಷಿಗಳ ಜೀವಕ್ಕೆ ಆಪತ್ತು

ಕೆರೆಯ ಸುತ್ತಲಿನ ಪ್ರದೇಶ ಕುರುಚಲು ಅರಣ್ಯೀಕರಣದಿಂದ ಕೂಡಿದ್ದು ನವಿಲು, ನರಿ, ಮೊಲ ಸೇರಿ ನಾನಾ ರೀತಿಯ ಪ್ರಾಣಿ ಪಕ್ಷಿಗಳು ನೆಲೆಯೂರಿವೆ. ರಾತ್ರಿ ವೇಳೆ ನಡೆಯುತ್ತಿರುವ ಈ ಅಕ್ರಮದ ಸದ್ದಿನಿಂದ ಪ್ರಾಣಿ ಪಕ್ಷಿಗಳ ಜೀವಕ್ಕೂ ಕುತ್ತುಬಂದಿದೆ.

ಮರಂ ಸಾಗಣೆ ಕುರಿತು ದೂರುಗಳ ಬಂದಾಗ ಸ್ಥಳಕ್ಕೆ ನಮ್ಮ ಸಿಬ್ಬಂದಿ ಹೋಗಿ ಪರಿಶೀಲಿಸಿದ್ದಾರೆ. ಸ್ಥಳದಲ್ಲಿ ಯಾರೂ ಸಿಕ್ಕಿಲ್ಲ. ಯಾರು, ಯಾವ ವಾಹನ ಬಳಸಿ ಅಕ್ರಮವಾಗಿ ಮರಂ ಸಾಗಣೆ ಮಾಡಿದ್ದಾರೆ ಎನ್ನುವುದನ್ನು ಪತ್ತೆ ಮಾಡಿ ದೂರು ದಾಖಲಿಸಲಾಗುವುದು.

— ಜಗನ್ನಾಥ ಎಇಇ ಸಣ್ಣ ನೀರಾವರಿ ಇಲಾಖೆ, ಗಂಗಾವತಿ

ಕನಕಗಿರಿ ಜನತೆಗೆ ಕುಡಿವ ನೀರಿಗೆ ಆಧಾರವಾದ ಕೆರೆ ಹಿಂಬದಿಯಲ್ಲಿ ಹಲವು ದಿನಗಳಿಂದ ಮರಂ ಅಕ್ರಮ ಸಾಗಣೆ ಮಾಡಲಾಗಿದ್ದು, ಕೂಡಲೇ ಅಂಥವರ ವಿರುದ್ಧ ಕ್ರಮ ವಹಿಸಬೇಕು. ಇಲ್ಲವಾದರೆ ಪ್ರತಿಭಟನೆ ಹಮ್ಮಿಕೊಳ್ಳಲಾಗುವುದು.

— ಪಾಮಣ್ಣ ಅರಳಿಗನೂರು, ನಿಂಗಪ್ಪ ಎಚ್. ಹೋರಾಟಗಾರರು, ಕನಕಗಿರಿ