ಚಿನ್ನದ ಸರ ಕದ್ದು ವಾಪಾಸ್​ ಎಸೆದು ಹೋದ ಖದೀಮರು!

ಎರಡು ದಿನಗಳ ಹಿಂದೆ ನಗರದ ಚಾಮರಾಜಪೇಟೆಯ ನಿವಾಸಿ ಪ್ರಿಯಾ ಮನೆಯ ಮುಂಭಾಗದಲ್ಲಿನ ಸಂಪ್​ನೊಳಗೆ ಇರುವ ನೀರಿನ ಪ್ರಮಾಣ ತಿಳಿದುಕೊಳ್ಳಲು ಹೊರ ಬಂದಾಗ ಕಳ್ಳರು ಸರ ಕಿತ್ತುಕೊಂಡು ಪರಾರಿಯಾಗಿದ್ದರು. ಇದಕ್ಕೆ ಸಂಬಂಧಿಸಿದಂತೆ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.

ಮನೆ ಸುತ್ತಲು ಅಳವಡಿಸಿರುವ ಸಿಸಿ ಕ್ಯಾಮರಾಗಳಲ್ಲಿನ ದೃಶ್ಯಗಳ ಪರಿಶೀಲನೆ ನಡೆಸಿ, ತನಿಖೆ ಕೈಗೊಂಡಿದ್ದರು. ಇದರ ನಡುವೆ ಪ್ರಿಯಾ ಅವರ ಮನೆ ಬಾಗಿಲಿನ ಬಳಿ ಕಳವಾಗಿದ್ದ ಸರವನ್ನು ಯಾರೋ ಬಿಸಾಡಿ ಹೋಗಿರುವುದು ಕಂಡು ಬಂದಿದೆ. ಆಭರಣವನ್ನು ತೆಗೆದುಕೊಂಡ ದೂರುದಾರರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.