ವಕೀಲ ವೃತ್ತಿ ಅತ್ಯಂತ ಪವಿತ್ರ

ಭಾಲ್ಕಿ: ವಕೀಲ ವೃತ್ತಿಯು ಅತ್ಯಂತ ಪವಿತ್ರ ಮತ್ತು ಜವಾಬ್ದಾರಿಯುತ ಕಾನೂನು ಸೇವೆಯಾಗಿದೆ ಎಂದು ಹಿರಿಯ ಶ್ರೇಣಿಯ ನ್ಯಾಯಾಧೀಶ ರಾವೇಂದ್ರ ವೈಜಿನಾಥ ಹೇಳಿದರು.

ನಗರದ ವಕೀಲರ ಸಂದ ಸಭಾಂಗಣದಲ್ಲಿ ತಾಲೂಕು ವಕೀಲರ ಸಂದಿಂದ ಬುಧವಾರ ಆಯೋಜಿಸಿದ್ದ ಬೀಳ್ಕೊಡುಗೆ ಮತ್ತು ವಕೀಲರ ಪ್ರತಿಭಾವಂತ ಮಕ್ಕಳ ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಅವರು, ನ್ಯಾಯವಾದಿಗಳು ನೊಂದವರಿಗೆ ನ್ಯಾಯ ಒದಗಿಸುವ ಕೆಲಸ ಮಾಡಬೇಕು ಅಂದಾಗ ಜನರಿಗೆ ನ್ಯಾಯಾಂಗದ ಮೇಲೆ ಗೌರವ, ವಿಶ್ವಾಸರ್ಹತೆ ಮತ್ತಷ್ಟು ಹೆಚ್ಚಾಗುತ್ತದೆ. ಸುಮಾರು ಮೂರು ವರ್ಷಗಳ ಕಾಲ ಎಲ್ಲರ ಸಹಕಾರದೊಂದಿಗೆ ಉತ್ತಮ ಸೇವೆ ಸಲ್ಲಿಸುವ ಪ್ರಯತ್ನ ಮಾಡಿದ್ದೇನೆ. ಶೈಕ್ಷಣಿಕ ಕ್ಷೇತ್ರದಲ್ಲಿ ಸಾಧನೆಗೈದ ನ್ಯಾಯವಾದಿಗಳ ಮಕ್ಕಳನ್ನು ಗುರುತಿಸಿ, ಸನ್ಮಾನಿಸುತ್ತಿರುವುದು ಸಂತಸದ ಸಂಗತಿ. ಇದರಿಂದ ಮಕ್ಕಳು ಮತ್ತಷ್ಟು ಸಾಧನೆ ಮಾಡಲು ಪ್ರೇರಣೆ ಸಿಗುತ್ತದೆ ಎಂದು ತಿಳಿಸಿದರು.

ಅಧ್ಯಕ್ಷತೆ ವಹಿಸಿದ್ದ ತಾಲೂಕು ವಕೀಲರ ಸಂದ ಅಧ್ಯಕ್ಷ ಮಹೇಶ ರಾಚೋಟೆ ಮಾತನಾಡಿ, ಸ್ಥಳಿಯ ನ್ಯಾಯಾಲಯದಲ್ಲಿ ಹಿರಿಯ ಶ್ರೇಣಿ ನ್ಯಾಯಾಧೀಶ ರಾವೇಂದ್ರ ವೈಜಿನಾಥ ಮೂರು ವರ್ಷಗಳ ಕಾಲ ದಕ್ಷತೆ, ನಿಷ್ಪಕ್ಷಪಾತವಾಗಿ ಸೇವೆ ಸಲ್ಲಿಸಿದ್ದಾರೆ. ಕಿರಿಯ ನ್ಯಾಯವಾದಿಗಳಿಗೆ ಸದಾ ಮಾರ್ಗದರ್ಶನ ಮತ್ತು ಪ್ರೋತ್ಸಾಹ ನೀಡುವ ಕೆಲಸ ಮಾಡಿದ್ದಾರೆ. ಅವರ ಸೇವೆಯನ್ನು ಎಂದಿಗೂ ಮರೆಯುವುದಿಲ್ಲ ಎಂದ ತಿಳಿಸಿದರು.

ಕಿರಿಯ ಶ್ರೇಣಿ ನ್ಯಾಯಾಧೀಶ ದೇಷಭೂಷಣ ಕೌಜಲಗಿ ಮಾತನಾಡಿದರು. ತಾಲೂಕು ವಕೀಲರ ಸಂದ ಜಂಟಿ ಕಾರ್ಯದರ್ಶಿ ನೀಲಕಂಠ ಬಿರಾದಾರ್​ ಇತರರಿದ್ದರು. ವಕೀಲರ ಸಂದ ಉಪಾಧ್ಯಕ್ಷ ಮಕರಂದ ಮಾನಕಾರಿ ಸ್ವಾಗತಿಸಿದರು. ದಯಾನಂದ ಪವಾರ್​ ನಿರೂಪಣೆ ಮಾಡಿದರು. ಪ್ರಧಾನ ಕಾರ್ಯದರ್ಶಿ ವಾಗೇಶ ಪಾಟೀಲ್​ ವಂದಿಸಿದರು.

2025&26ನೇ ಸಾಲಿನಲ್ಲಿ ಎಸ್ಸೆಸ್ಸೆಲ್ಸಿ, ಪಿಯುಸಿ, ನವೋದಯ ಮತ್ತು ಸೈನಿಕ ಶಾಲೆಗಳ ಪರೀಕ್ಷೆಯಲ್ಲಿ ಉತ್ತಮ ಸಾಧನೆಗೈದ ನ್ಯಾಯವಾದಿಗಳ ಸುಮಾರು 19 ಪ್ರತಿಭಾವಂತ ಮಕ್ಕಳನ್ನು ವಕೀಲರ ಸಂಘದಿಂದ ಸನ್ಮಾನಿಸಲಾಯಿತು. ಬಸವಪ್ರಣವ ಅಷ್ಟೂರೆ, ಸುಜಲ ಪಾಟೀಲ, ಸುಮೀತ ಪಾಟೀಲ, ಶ್ರೇಯಾ ಪಾಟೀಲ, ಕೃತಿ ತಿವಾರಿ, ಸಂಧ್ಯಾರಾಣಿ ತುಕದೆ, ವಿವೇಕಾನಂದ ನೆಲವಾಡೆ, ಜ್ಞಾನೇಶ್ವರಿ ಪರಶನೆ, ಅನುಷ್ಕ ಮಸ್ಕಲೆ, ಅನುಷ್ಕಾ ಬಿರಾದಾರ, ಆಶೀಶ ನೆಲವಡೆ, ರೋಹಿತ ಪುರಿ, ವಿಜಯಲಕ್ಷಿ$್ಮ ಶೀರ್ಶೆ, ಎಲಿಜಬೆತ ರಾಣಿ ಶರ್ಮ, ಅಭಿಷೇಕ ಬಿರಾದಾರ, ಸೌರ್ಯ ಪಾಟೀಲ, ಫರಿಯಾ ನವಾಜ, ನೈತಿಕ ಸ್ವಾಮಿ ಮತ್ತು ಸ್ವರಾಜ ತುಕದೆ ಅವರನ್ನು ಸನ್ಮಾನಿಸಿ ಪ್ರೋತ್ಸಾಹಿಸಲಾಯಿತು.