ಮತ್ತೊಂದೆಡೆ ನೀರು ಸರಬರಾಜು ಆಗದ ಕಾರಣ ಐದಾರು ತಿಂಗಳಿಂದ ಮನೆಗಳಿಗೆ ಟ್ಯಾಂಕರ್ ಮುಖಾಂತರ 500 ರೂ.ಕೊಟ್ಟು ನೀರು ಹಾಕಿಸಿಕೊಳ್ಳುತ್ತಿದ್ದೇವೆ ಎಂದು ಗ್ರಾಮಸ್ಥರು ಆರೋಪಿಸಿದ್ದಾರೆ. ನಿಡಘಟ್ಟ ಗ್ರಾಮದ ಮನೆ ನಲ್ಲಿಗಳಲ್ಲಿನೀರು ಸರಬರಾಜು ಸಮಸ್ಯೆ ಇದ್ದು, ಶುದ್ಧ ನೀರಿನ ಘಟಕ ಇದ್ದರೂ ಇಲ್ಲದಂತಾಗಿದೆ.ಗ್ರಾಮದ ಮಧ್ಯಭಾಗದಲ್ಲಿ ದೇವಾಲಯ, ಹಾಲಿನ ಡೇರಿ, ಅಂಗನವಾಡಿ ಮುಂಭಾಗಚರಂಡಿ ಸ್ವಚ್ಛಗೊಳಿಸದ ಕಾರಣ ಗಬ್ಬು ನಾರುತ್ತಿದೆ. ಸೊಳ್ಳೆಗಳ ಉತ್ಪತ್ತಿ ಕೇಂದ್ರವಾಗಿದ್ದು, ಜನ ಸಾಂಕ್ರಾಮಿಕ ರೋಗದ ಭೀತಿಯಲ್ಲಿದ್ದಾರೆ. ಏನಾದರೂ ಅನಾರೋಗ್ಯ ಕಾಣಿಸಿಕೊಂಡರೆ ಪಕ್ಕದ ಮೈಲಾಪುರ ಗೇಟಿನ ಆರೋಗ್ಯ ಕೇಂದ್ರಕ್ಕೆ ಹೋಗಬೇಕಾದ ಪರಿಸ್ಥಿತಿ ಇದ್ದು, ಕೆಲವೊಮ್ಮೆ ಅಲ್ಲೂ ವೈದ್ಯರಿಲ್ಲದಿರುವಾಗ ಸಂಕಷ್ಟ ಅನುಭವಿಸುವಂತಾಗಿದೆ.
