ಮರೀಚಿಕೆಯಾದ ಏತ ನೀರಾವರಿ ಬಿ ಸ್ಕೀಮ್

ಪ್ರಮುಖ ಮುಖ್ಯಾಂಶಗಳು

• ನುಚ್ಚುನೂರಾದ ರೈತರ ಕನಸು
• ಬಿಸಿಲಲ್ಲೆ ಕರಗಿದ 100 ಕೋಟಿ ರೂ. ಯೋಜನೆ

ಹನ್ನೆರಡು ವರ್ಷಗಳ ನಿರ್ಲಕ್ಷ್ಯದಿಂದ ವಿತರಣಾ ಕಾಲುವೆಗಳು, ಲ್ಯಾಟರಲ್ಸ್ ಹಾಗೂ ಡ್ರಾಪ್‌ಔಟ್ ವ್ಯವಸ್ಥೆ ಸಂಪೂರ್ಣ ಕುಸಿದುಬಿದ್ದಿವೆ. ರೈತರ ಹೊಲಗಳಿಗೆ ನೀರು ಹರಿಯಬೇಕಾದ ಮಾರ್ಗಗಳು ಮಣ್ಣಿನ ಗುಡ್ಡೆಗಳಾಗಿವೆ. ಬಿ ಸ್ಕೀಮ್ ಶಾಶ್ವತವಾಗಿ ವಿಫಲ ಯೋಜನೆಗಳ ಪಟ್ಟಿಗೆ ಸೇರುವ ದಿನ ದೂರದಲ್ಲಿಲ್ಲ. ಹೀಗಾಗಿ ಸರ್ಕಾರದ ಮೇಲೆ ರೈತರು ನಂಬಿಕೆ ಕಳೆದುಕೊಂಡಿದ್ದಾರೆ. 

"

ನವಲಿ-ರಾಂಪುರ ಜಡಿಶಂಕರಲಿಂಗ ಏತ ನೀರಾವರಿ ಯೋಜನೆಗಾಗಿ ಹೊನ್ನಳ್ಳಿ, ಮೇದಿನಾಪುರ, ಗುಡದನಾಳ, ಹಟ್ಟಿ, ಮಾಚನೂರು ಸೇರಿದಂತೆ ಇತರ ಗ್ರಾಮಗಳ ರೈತರ ಜಮೀನು ಸ್ವಾಧೀನಪಡಿಸಿಕೊಳ್ಳಲಾಗಿದೆ. ಕೆಲವರಿಗೆ ಇಂದಿಗೂ ಪರಿಹಾರ ನೀಡಿಲ್ಲ. ಹೀಗಾಗಿ ಯೋಜನೆ ಅನುಷ್ಠಾನ ಕಗ್ಗಂಟಾಗಿ ಪರಿಣಮಿಸಿದೆ. ರೈತರ ಜಮೀನಿಗೆ ನೀರು ಹರಿಯುವುದು ಕನಸಿನ ಮಾತಾಗಿದೆ.

— ಮಲ್ಲನಗೌಡ ಗೌಡೂರು ಅಧ್ಯಕ್ಷ, ರೈತ ಸಂಘ ತಾಲೂಕು ಘಟಕ