ವರನಟ ಡಾ. ರಾಜಕುಮಾರ್ ಕನ್ನಡದ ಅಸ್ಮಿತೆ

ನಗರದ ಬಿವಿವಿ ಸಂಘದ ಬಸವೇಶ್ವರ ಕಲಾ ಮಹಾವಿದ್ಯಾಲಯದ ಸಭಾ ಭವನದಲ್ಲಿ ಶನಿವಾರ ನವದೆಹಲಿ ಸಾಹಿತ್ಯ ಅಕಾಡೆಮಿ ಹಾಗೂ ಧಾರವಾಡದ ಧಾರವಾಡ ಕಟ್ಟೆ, ಕಲಾ ಮಹಾವಿದ್ಯಾಲಯ ಕನ್ನಡ ಸ್ನಾತಕೋತ್ತರ ವಿಭಾಗದ ಸಹಯೋಗದಲ್ಲಿ ಹಮ್ಮಿಕೊಂಡಿದ್ದ ಡಾ. ರಾಜಕುಮಾರ್ ಚಲನಚಿತ್ರಗಳು ಸಾಹಿತ್ಯಾನುಸಂಧಾನ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಐತಿಹಾಸಿಕ, ಪೌರಾಣಿಕ ಕಥೆ, ಭಕ್ತಿ, ಪುರಾಣ ಅಂದಿನ ಕಾಲದ ಉಡುಗೆ ತೊಡುಗೆ ಎಲ್ಲವೂ ಅವರ ಸಿನಿಮಾದಲ್ಲಿ ಜನರಿಗೆ ಒಂದು ಮೌಲ್ಯಯುತವಾಗಿ ತಿಳಿಸುವ ಕೆಲಸ ಮಾಡಿವೆ. ನಟನೆಗೆ ಶಿಕ್ಷಣದ ಅವಶ್ಯಕತೆಯಿಲ್ಲ ಸ್ಪಷ್ಟವಾದ ಮಾತುಗಾರಿಕೆ, ಉಚ್ಛಾರ ಒಂದು ದೇವರ ವರ. ಅದು ಡಾ. ರಾಜಕುಮಾರ್ ಅವರಿಗೆ ಇತ್ತು. ಐತಿಹಾಸಿಕ ಸಿನಿಮಾದಲ್ಲಿ ಹೇಳುವಂತಹ ಸಂಭಾಷಣೆಯನ್ನು ನೋಡಬಹುದು. ರಾಜನಾಗಿ, ರಾಕ್ಷಸ, ದರೋಡೆಕೋರ, ಕಳ್ಳ, ಖಳನಾಯಕ, ಭಕ್ತನಾಗಿ, ಬಡವನಾಗಿ, ಹುಚ್ಚನಾಗಿ ಕೊನೆಗೆ ದೇವರಾಗಿ ನಟಿಸಿದಂತಹ ಏಕೈಕ ವ್ಯಕ್ತಿಯಾಗಿದ್ದಾರೆ ಎಂದರು.

ಇತಿಹಾಸವನ್ನು ಓದುವುದಕ್ಕಿಂತ ರಾಜಕುಮಾರ ನಟಿಸಿದ ರಾಘವಾಂಕ, ಕಂಠಿರವ, ವೀರಕೇಸರಿ, ಇಮ್ಮಡಿ ಪುಲಕೇಶಿ, ಸರ್ವಜ್ಞಮೂರ್ತಿ, ಶ್ರೀಕೃಷ್ಣದೇವರಾಯ ಮುಂತಾದ ಚಿತ್ರಗಳಲ್ಲಿ ಅವರ ಸಹಜ ನಟನೆಯಿಂದ ಇತಿಹಾಸ ತಿಳಿಸಿದ ದೊಡ್ಡ ನಟನಾಗಿ ಕನ್ನಡದ ಅಸ್ಮಿತೆಯನ್ನು ಜನರ ಮನಸ್ಸಿನಲ್ಲಿ ರೂಪಗೊಳ್ಳುವಂತೆ ಮತ್ತು ಬದುಕಿನ ಮೌಲ್ಯವನ್ನು ಕಟ್ಟಿಕೊಳ್ಳುವಂತೆ ಮಾಡಿವೆ ಎಂದು ಹೇಳಿದರು.

ಶಶಿಧರ ನರೇಂದ್ರ ಅವರು ಪೌರಾಣಿಕತೆಗಳ ಕುರಿತು ಮಾತನಾಡಿ, ಪೌರಾಣಿಕತೆಯ ಮೌಲ್ಯವನ್ನು ರಾಜಕುಮಾರ ಅವರು ತಮ್ಮಲ್ಲೇ ಆಹ್ವಾನಿಸಿಕೊಳ್ಳುತ್ತಿದ್ದರು. ನೀವು ಯಾವ ಜಗತ್ತಿನಲ್ಲಿ ಬದುಕುತ್ತಿದ್ದಿರೋ ಅದನ್ನು ಮೀರಿದ ಜೀವನವಿದೆ. ಲೋಕದ ಕೇಡುಗಳ ಜೊತೆಗೆ ಹೋರಾಡುವಂತಹ ಸಿನಿಮಾಗಳನ್ನು ಸಮಾಜಕ್ಕೆ ನೀಡಿದ್ದಾರೆ. ಡಾ. ರಾಜಕುಮಾರ್ ಸಂದರ್ಭನಿಷ್ಟ ಕಲಾವಿದನಾಗಿ ಹೊರಹೊಮ್ಮಿದವರು ಎಂದು ತಿಳಿಸಿದರು.

ಸಾಹಿತ್ಯ ಪರಂಪರೆ ಕುರಿತು ಮಾತನಾಡಿದ ಬಸವರಾಜ ಡೊಣೂರ, ಸಮಾಜವನ್ನು ಸುಧಾರಿಸುವಂತಹ ಮತ್ತು ಉತ್ಕೃಷ್ಟಗೊಳಿಸುವ ಶಕ್ತಿ ಡಾ. ರಾಜ್ ಅವರಿಗೆ ಇತ್ತು. ಕೃಷ್ಣ, ರಾಮ, ಪ್ರಹ್ಲಾದ, ಹಿರಣ್ಯಕಶ್ಯಪ ಮತ್ತು ಮಹಿಷಾಸುರ ಮುಂತಾದವುಗಳನ್ನು ನಟನೆಯ ಮೂಲಕ ಜನರಲ್ಲಿ ಹೊಸ ಪ್ರಜ್ಞೆ, ಎಚ್ಚರಿಕೆ ಮೂಡಿಸುವುದರೊಂದಿಗೆ ಸಮಾಜದಲ್ಲಿ ಪರಿವರ್ತನೆಗೆ ಪರಿಣಾಮ ಬೀರಿದವು. ಬೇಡರ ಕಣ್ಣಪ್ಪ ಚಿತ್ರದಿಂದ ವೃತ್ತಿ ಜೀವನ ಪ್ರಾರಂಭವಾಯಿತು. ಸುಮಾರು 50 ವರ್ಷದ ವೃತ್ತಿಜೀವನ ಅರ್ಥಪೂರ್ಣ ಮತ್ತು ನೈತಿಕತೆಯಿಂದ ಕೂಡಿದೆ. 213 ಚಲನಚಿತ್ರಗಳು ತಮ್ಮದೆ ಆದಂತಹ ಮೌಲ್ಯ ನೀಡುತ್ತವೆ ಎಂದರು.

ಭಕ್ತಿ ಸಾಹಿತ್ಯದ ಕುರಿತು ಶ್ರೀಹರಿ ಧೂಪದ, ಕನ್ನಡ ಸಾಹಿತ್ಯದ ಅಧ್ಯಯನದಲ್ಲಿ ರಾಜಕುಮಾರರ ಭಕ್ತಿ ಸಾಹಿತ್ಯ ಅಧ್ಯಯನ ಮಾಡದಿದ್ದರೆ ಅಪೂರ್ಣ ಎನಿಸುತ್ತದೆ. ಅವರು ಸಂಪೂರ್ಣ ಕವಿ, ಸಾಹಿತಿ ಅಲ್ಲದಿದ್ದರೂ ಅದಕ್ಕೆ ಸಮಾನವಾದ ಜ್ಞಾನ ಅವರಲ್ಲಿತ್ತು ಎಂದು ತಿಳಿಸಿದರು.

ಬಿವಿವಿ ಸಂಘದ ಆಡಳಿತಾಧಿಕಾರಿ ಡಾ. ವಿಜಯಕುಮಾರ ಕಟಗಿಹಳ್ಳಿಮಠ, ಪ್ರಾಚಾರ್ಯ ಎಸ್.ಆರ್. ಮುಗನೂರಮಠ, ಎ.ಯು. ರಾಠೋಡ್, ವೀಣಾ ಕಲ್ಮಠ, ಬಸವರಾಜ ಕುಂಬಾರ, ಡಾ. ರಾಜಶೇಖರ ಹಳೆಮನೆ, ಎಸ್.ಡಿ. ಕೆಂಗಲಗುತ್ತಿ, ನಂದಿನಿ ಅಂಕದ ಮತ್ತಿತರರು ಇದ್ದರು.