ಗಡಿ ತಾಲೂಕಿನಲ್ಲಿ ಕನ್ನಡ ಶಾಲೆ ಉಳಿಸಲು ಸರ್ಕಾರ ಮುಂದಾಗಲಿ

ಚಿಂಚೋಳಿ: ಗಡಿ ತಾಲೂಕಿನಲ್ಲಿ ನೆಲ&ಜಲ, ಭಾಷೆ ಮತ್ತು ಕನ್ನಡ ಶಾಲೆ ಉಳಿವಿಗೆ ಸರ್ಕಾರ ಜತೆ ಕನ್ನಡ ಸಾಹಿತ್ಯ ಪರಿಷತ್​, ಜನಸಾಮಾನ್ಯರು ಶ್ರಮಿಸಬೇಕು ಎಂದು ಪ್ರಗತಿಪರ ರೈತ ಅಶೋಕ ಪಾಟೀಲ್​ ಹೇಳಿದರು.

ಚಂದಾಪುರದ ಶ್ರೀಮತಿ ಚಿನ್ನಮ್ಮ ಬಸಪ್ಪ ಕಲಾ ಮತ್ತು ವಾಣಿಜ್ಯ ಮಹಾವಿದ್ಯಾಲಯದಲ್ಲಿ ಮಂಗಳವಾರ ಏರ್ಪಡಿಸಿದ್ದ ಕಸಾಪ 112ನೇ ಸಂಸ್ಥಾಪನಾ ದಿನ, ವಿಶೇಷ ಉಪನ್ಯಾಸ ಮತ್ತು ಹಿರಿಯ ಸದಸ್ಯರ ಸನ್ಮಾನ ಸಮಾರಂಭದಲ್ಲಿ ಮಾತನಾಡಿದ ಅವರು, ಕನ್ನಡ ಭಾಷೆ, ವಿಶ್ವದಲ್ಲೆ ಶ್ರೇಷ್ಠವಾಗಿದೆ. ಎಲ್ಲರಲ್ಲೂ ಅರಿವು ಮೂಡಿಸುವ ಕೆಲಸ ಕಸಾಪ ಮಾಡುತ್ತಿದೆ. ಮಾತೃಭಾಷೆಗೆ ಹೆಚ್ಚಿನ ಆದ್ಯತೆ ನೀಡುವಂತಾಗಬೇಕು ಎಂದು ಒತ್ತಾಸೆ ವ್ಯಕ್ತಪಡಿಸಿದರು.

ಆಧುನಿಕ ಯುಗದಲ್ಲಿ ಮಕ್ಕಳು ಉತ್ತಮ ಹವ್ಯಾಸ ಬೆಳುಸಿಕೊಂಡು ಹೆತ್ತವರು ಮತ್ತು ಈ ನಾಡಿನ ಖುಣ ತೀರಿಸುವ ಕೆಲಸ ಮಾಡಬೇಕು. ೇತ್ರದ ಕುಂಚಾವರಂ ಭಾಗದ ಗಡಿ ಸಮಸ್ಯೆ ನಿವಾರಣೆ ಜತೆ ಅರಣ್ಯ ಸಂರಕ್ಷಣೆಗೆ ಸರ್ಕಾರ ಮುಂದಾಗಬೇಕು ಎಂದರು.

ಸಿ.ಬಿ. ಪಾಟೀಲ್​ ಕಾಲೇಜು ಪ್ರಾಂಶುಪಾಲೆ ಡಾ.ಮಾಣಿಕಮ್ಮ ಸುಲ್ತಾನಪುರ, ಕಸಾಪ ತಾಲೂಕು ಅಧ್ಯ ಸುರೇಶ ದೇಶಪಾಂಡೆ, ಕಾಶಿನಾಥ ಹುಣಜೆ, ಯಲ್ಲಾಲಿಂಗ ದಂಡಿನ್​, ಮಹ್ಮದ್​ ಸೌದಾಗರ್​, ಶಿವಕುಮಾರ ಸ್ವಾಮಿ, ನರಸಮ್ಮ ಆವಂಟಿ, ದಯಾನಂದ, ರಾವೇಂದ್ರ, ಸಂಗಮೇಶ ಹಿತ್ತಲ, ಸುಭಾಷ ಕೊಂಡ, ಲಿಂಗಣ್ಣ ಕೊಂಡಂಪಳ್ಳಿ ಇತರರಿದ್ದರು.

ಪರಿಷತ್​ ಹಿರಿಯ ಸದಸ್ಯರಾದ ಸೂರ್ಯಕಾಂತ ಹುಲಿ, ಮಹ್ಮದ್​ ಹಾದಿ, ಮಲ್ಲಪ್ಪ ಬೈಗೊಂಡ, ಆರ್​.ಗಣಪತರಾವ, ಉಮಾ ಪಾಟೀಲ್​ ಅವರನ್ನು ಸನ್ಮಾನಿಸಿ ಗೌರವಿಸಲಾಯಿತು.