ಸಿಲಿಕಾನ್ ಸಿಟಿಯಲ್ಲಿ ಅಂದಾಜು 3 ಲಕ್ಷಕ್ಕೂ ಅಧಿಕ ಆಟೋಗಳಿವೆ. ಆ್ಯಪ್ ಆಧಾರಿತ ಸೇವೆಗೆ ಸರ್ಕಾರ ಅನುಮತಿ ಕೊಟ್ಟಿದೆ. ಆ್ಯಪ್ನಲ್ಲಿ ಬುಕಿಂಗ್ ಸೇವೆ ಒದಗಿಸುವ ಅಗ್ರಿಗೇಟರ್ ಕಂಪನಿಗಳಿಗೆ ಇಂತಿಷ್ಟು ದರ ನಿಗದಿಪಡಿಸಲಾಗಿದೆ. ಈ ಹಿನ್ನೆಲೆಯಲ್ಲಿ ಓಲಾ, ಊಬರ್, ರ್ಯಾಪಿಡೋ, ಹಾಗೂ ‘ನಮ್ಮ ಯಾತ್ರಿ’ ಸೇರಿ ಇತ್ಯಾದಿ ಅಗ್ರಿಗೇಟರ್ ಆ್ಯಪ್ಗಳಲ್ಲಿ ಪ್ರಯಾಣಿಕರಿಗೆ ಬುಕಿಂಗ್ ಸೇವೆ ಕಲ್ಪಿಸುತ್ತಿವೆ. ಚಾಲಕರು ದುಬಾರಿ ಬೆಲೆ ಕೇಳುವುದು ಮತ್ತು ನಿಗದಿತ ಸ್ಥಳಕ್ಕೆ ಬರುವುದಿಲ್ಲ ಎಂಬ ಕಾರಣಕ್ಕೆ ರಾಜಧಾನಿಯ ಬಹುತೇಕ ಜನರು ಆ್ಯಪ್ನಲ್ಲಿ ಆಟೋರಿಕ್ಷಾ ಬುಕಿಂಗ್ ಮಾಡುತ್ತಾರೆ. ಆ್ಯಪ್ ಆಧಾರಿತ ಸೇವೆ ಚೆನ್ನಾಗಿದ್ದರೂ ಪರಿಸ್ಥಿತಿಯ ಲಾಭ ಪಡೆದು ನಿಯಮಬಾಹಿರವಾಗಿ ಅಗ್ರಿಗೇಟರ್ ಕಂಪನಿಗಳು, ದರ ವಸೂಲಿ ಮಾಡುವ ಮೂಲಕ ಅಡ್ಡದಾರಿಯಲ್ಲಿ ಕೋಟ್ಯಂತರ ರೂ. ಹಣ ಮಾಡಿಕೊಳ್ಳುತ್ತಿವೆ.
