ವಿವಾದ ಸ್ವರೂಪ ಪಡೆದ ಡಿವೈಎಸ್ಪಿ ಕಚೇರಿ

ಆನೇಕಲ್​:

ಹಿರಿಯ ಅಧಿಕಾರಿಗಳ ಸೂಚನೆಯಿದ್ದರೂ ಅತ್ತಿಬೆಲೆಯಲ್ಲಿನ ಡಿವೈಎಸ್ಪಿ ಕಚೇರಿ ತಾಲೂಕು ಕೇಂದ್ರ ಆನೇಕಲ್​ಗೆ ಸ್ಥಳಾಂತರವಾಗದಿರುವುದು ವಿವಾದದ ಸ್ವರೂಪ ಪಡೆದುಕೊಂಡಿದೆ.

ಎಸ್ಪಿ ಸ್ಪಷ್ಟನೆ

ಈ ಕುರಿತು ಬೆಂಗಳೂರು ಗ್ರಾಮಾಂತರ ಎಸ್ಪಿ ಚಂದ್ರಕಾಂತ್​ ಪ್ರತಿಕ್ರಿಯಿಸಿ, ಹೆಬ್ಬಗೋಡಿ ಠಾಣೆ ಬೆಂಗಳೂರು ನಗರ ಪೊಲೀಸ್​ ಕಮಿಷನರೇಟ್​ ವ್ಯಾಪ್ತಿಗೆ ಸೇರಿದಾಗ ಡಿವೈಎಸ್ಪಿ ಕಚೇರಿಯನ್ನು ತುರ್ತಾಗಿ ಖಾಲಿ ಮಾಡಬೇಕಾಗಿತ್ತು. ಆನೇಕಲ್​ ಪೊಲೀಸ್​ ಠಾಣೆ ಮೇಲ್ಮಹಡಿಯಲ್ಲಿ ರಿಪೇರಿ ಕಾಮಗಾರಿ ನಡೆಯುತ್ತಿರುವ ಹಿನ್ನೆಲೆಯಲ್ಲಿ ತುರ್ತು ಕೆಲಸಗಳಿಗಾಗಿ ಅತ್ತಿಬೆಲೆಯಲ್ಲಿ ಕಚೇರಿ ವ್ಯವಸ್ಥೆ ಮಾಡಲಾಗಿದೆ. ಆದರೆ ತಾಲೂಕು ಕೇಂದ್ರ ಸ್ಥಾನದಲ್ಲೇ ಡಿವೈಎಸ್ಪಿ ಕಚೇರಿ ಇರುವುದು ಸೂಕ್ತವಾಗಿದ್ದು, ಆನೇಕಲ್​ಗೆ ಕಚೇರಿ ಸ್ಥಳಾಂತರಿಸುವಂತೆ ಡಿವೈಎಸ್ಪಿಗೆ ಸೂಚನೆ ನೀಡಲಾಗುವುದು ಎಂದು ಎಸ್ಪಿ ತಿಳಿಸಿದ್ದಾರೆ.