ತಾತ್ಕಾಲಿಕ ಪ್ರತಿಭಟನೆ ಮುಂದೂಡಿಕೆ protest

ತಾಲೂಕಿನ ದೇವರಾಯಸಮುದ್ರ ಬಳಿ ಮಂಗಳವಾರ ಎಡಿಸಿ ಮಂಗಳಾ, ತಹಸೀಲ್ದಾರ್​ ವಿ.ಗೀತಾಗೆ ರೈತ ಸಂಘದಿಂದ ಮನವಿ ಸಲ್ಲಿಸಿ ಮಾತನಾಡಿ, ಇಬ್ಬರು ಅಧಿಕಾರಿಗಳು ಭರವಸೆ ನೀಡಿದ ಮೇರೆಗೆ ಗುರುವಾರ ಕರೆ ನೀಡಿದ್ದ ಹೆದ್ದಾರಿ ಬಂದ್​ ವಾಪಸ್​ ಪಡೆಯಲಾಗಿದೆ. ಮುಳಬಾಗಿಲು ತಾಲೂಕಿನ ಕೊತ್ತಮಂಗಲ ಹಾಗೂ ದೇವರಾಯಸಮುದ್ರ ಕಂದಾಯ ವ್ಯಾಪ್ತಿಯಲ್ಲಿ ಭೂ ಹಗರಣ, ನಕಲಿ ಸಾಗುವಳಿ ಚೀಟಿ ತನಿಖೆ ಆಗುವವರೆಗೂ ಯಾವುದೇ ಕಾರಣಕ್ಕೂ ಈ ಕಂದಾಯ ವೃತ್ತಗಳ ಜಮೀನಗಳ ಸ. ನಂ. ನೋಂದಣಿ ಮಾಡದಂತೆ ಜಿಲ್ಲಾಧಿಕಾರಿಗಳು ಆದೇಶ ಮಾಡಬೇಕೆಂದು ಆಗ್ರಹಿಸಿದರು.

ರೈತ ಸಂಘದ ರಾಜ್ಯ ಮುಖಂಡ ಕಮ್ಮದಟ್ಟಿ ಚಲಪತಿ ಮಾತನಾಡಿದರು. ಯಲುವಳ್ಳಿ ಪ್ರಭಾಕರ್​, ಹೆಬ್ಬಣಿ ಆನಂದರೆಡ್ಡಿ, ಪುತ್ತೇರಿ ರಾಜು, ನಾಗಣ್ಣ, ಸುನೀಲ್​ ಕುಮಾರ್​, ವೇಣು, ಕೇಶವ ಇದ್ದರು.