ತೇಜಸ್ವಿ ವಿಸ್ಮಯ ಪರಿಸರ ಜಾಗೃತಿಗೆ ಮಾದರಿಯಾದ ಪ್ರದರ್ಶನ: ಪ್ರದೀಪ್ ಕೆಂಜಿಗೆ

ತೋಟಗಾರಿಕೆ ಇಲಾಖೆ, ಕೆ.ಪಿ.ಪೂರ್ಣಚಂದ್ರ ತೇಜಸ್ವಿ ಪ್ರತಿಷ್ಠಾನ ಸಹಯೋಗದಲ್ಲಿ ಆಯೋಜಿಸಿದ್ದ ವಿವಿಧ ಸ್ಪರ್ಧೆ ವಿಜೇತರಿಗೆ ಬಹುಮಾನ ವಿತರಿಸಿ ಅವರು ಮಾತನಾಡಿದರು.

ಇಲಾಖೆಯವರು ಇಂತಹದೊಂದು ಪ್ರದರ್ಶನ ಆಯೋಜಿಸುವಾಗ ಹೇಗಿರಬಹುದು ಎನ್ನುವ ಕುತೂಹಲವಿತ್ತು. ಆದರೆ ನಿರೀಕ್ಷೆ ಮೀರಿ ‘ತೇಜಸ್ವಿ ವಿಸ್ಮಯ’ ಮೂಡಿ ಬಂದಿದೆ. ಅವರ ಕುರಿತಾದ ಗ್ಯಾಲರಿ, ಕ್ಯಾರಿಕೇಚರ್‌ಗಳು ಗಮನ ಸೆಳೆಯುತ್ತಿದ್ದು, ಈ ಪ್ರದರ್ಶನದ ಮೂಲಕ ತೇಜಸ್ವಿ ಅವರಿಗೆ ಅತ್ಯುತ್ತಮ ರೀತಿಯಲ್ಲಿ ಪುಷ್ಪ ಗೌರವ ಸಲ್ಲಿಸಲಾಗಿದೆ ಎಂದು ಹೇಳಿದರು.

ಕಾರ್ಯಕ್ರಮದಲ್ಲಿ ಮನೆ ತೋಟ, ಅಪಾರ್ಟ್‌ಮೆಂಟ್, ಕಾರ್ಪೊರೇಟ್ ವಲಯ, ಕೈಗಾರಿಕಾ ವಲಯ, ಶಿಕ್ಷಣ ಸಂಸ್ಥೆಗಳು ಸೇರಿ ವಿವಿಧ ವಲಯಗಳಲ್ಲಿ ಸಸ್ಯತೋಟ ಬೆಳೆಸಿದವರನ್ನು ಗುರುತಿಸಿ ಬಹುಮಾನ ನೀಡಲಾಯಿತು. ವಿದ್ಯಾರ್ಥಿಗಳ ವಿಭಾಗದಲ್ಲಿ ಪೂರ್ಣಚಂದ್ರ ತೇಜಸ್ವಿ ಅವರ ಕುರಿತಾದ ಅತ್ಯುತ್ತಮ ಕಥೆ, ಲೇಖನ, ಪಾತ್ರ ಹಾಗೂ ಸನ್ನಿವೇಶ ಆಧಾರಿತ ಚಿತ್ರಕಲೆಗೆ ಬಹುಮಾನ ನೀಡಲಾಯಿತು. ತೋಟಗಾರಿಕೆ ಇಲಾಖೆ ಜಂಟಿ ನಿರ್ದೇಶಕ ಎಂ.ಜಗದೀಶ್, ಉಪನಿರ್ದೇಶಕ ಬಾಲಕೃಷ್ಣ ಇತರರ ಇದ್ದರು.