ನಿರ್ಲಕ್ಷೃ ವಹಿಸಿದರೆ ರಾಜ್ಯ ವ್ಯಾಪ್ತಿ ಧರಣಿ

ಪಟ್ಟಣದ ಅಖಿಲ ಭಾರತ ಔಷದ ವ್ಯಾಪಾರಸ್ಥರ ಸಂಘಗಳ ಸಂಘಟನೆ (ಎಐಓಸಿಡಿ) ಕರ್ನಾಟಕ ರಾಜ್ಯ ಔಷಧ ವ್ಯಾಪಾರಸ್ಥರ ಸಂಘದ ಜಿಲ್ಲಾ, ತಾಲೂಕು ಘಟಕದ ನೇತೃತ್ವದಲ್ಲಿ ಬುಧವಾರ ಹಮ್ಮಿಕೊಂಡಿದ್ದ ಪ್ರತಿಭಟನೆಯಲ್ಲಿ ಔಷಧಗಳನ್ನು ಅನ್‌ಲೈನ್ ಸೇವೆ ಮೂಲಕ ವಿತರಿಸುವುದನ್ನು ಸ್ಥಗಿತಗೊಳಿಸಬೇಕೆಂದು ತಾಲೂಕು ಔಷಧ ವ್ಯಾಪಾರಸ್ಥರು ಸಂಘದ ವತಿಯಿಂದ ಆಗ್ರಹಿಸಿದರು.

ರೋಗಿಗಳ ಸುರಕ್ಷತೆ: ಔಷಧ ಚೀಟಿಗಳ ದುರುಪಯೋಗ, ನಕಲಿ ಈ ಔಷಧ ಚೀಟಿ ತಡೆಯಲು

ಸರ್ಕಾರ ವ್ಯವಸ್ಥೆ ರೂಪಿಸಬೇಕು. ವೈದ್ಯರ ಚೀಟಿ ಇಲ್ಲದೆ ಆನ್‌ಲೈನ್ ಮೂಲಕ ಔಷದ ಖರೀದಿಗೆ ತಡೆ ನೀಡಬೇಕು ನಮ್ಮ ಯುವ ಜನಾಂಗ ಮತ್ತು ಸಾರ್ವಜನಿಕರ ಹಿತದೃಷ್ಟಿಯಿಂದ ಈ ಆನ್‌ಲೈನ್ ಔಷಧ ಸರಬರಾಜು ಕೇಂದ್ರ ರಾಜ್ಯ ಸರ್ಕಾರ ಬಂದ್ ಮಾಡಬೇಕು ಒಂದು ವೇಳೆ ಎರಡು ಸರ್ಕಾರಗಳು ನಿರ್ಲಕ್ಷೃ ವಹಿಸಿದರೆ ಮುಂದೆ ದೇಶ ರಾಜ್ಯ ವ್ಯಾಪ್ತಿ ಸಾರ್ವಜನಿಕರೊಂದಿಗೆ ಬೃಹತ್ ಪ್ರತಿಭಟನೆ ಮಾಡಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದರು.

ಸ್ಥಳಕ್ಕೆ ಆಗಮಿಸಿದ ಶಿರಸ್ತೇದಾರ ರಾಜು ದೊಡ್ಡಮನಿಗೆ ಪ್ರಧಾನಮಂತ್ರಿಗೆ ಬರೆದ ಮನವಿ ಪತ್ರ ಸಲ್ಲಿಸಿದರು.

ಮಲ್ಲಿಕಾರ್ಜುನ ಮಠ, ಮಾಹಾವೀರ ಹೊಸಮನಿ, ಎಸ್.ಎ. ನದಾಫ್, ರಾಘು ಸೋಮನಕಟ್ಟಿ, ಅಶೋಕ ಮುಳವಾಡ, ಸುರೇಶ ಗಬ್ಬೂರ, ಶಿವಾನಂದ ಬಿದರಿ, ಶೇಖರ ಹೂಗಾರ, ವಿದ್ಯಾಧರ ಉಪಾಧ್ಯಾಯ ಸೇರಿ ಇತರರು ಭಾಗವಹಿಸಿದ್ದರು.