ಶ್ರೀಮಾಸ್ತಮ್ಮನ ಜಾತ್ರೆ ಕೊಂಡೋತ್ಸವ ವಿಜೃಂಭಣೆ

ಕಬಿನಿ ಹೊಳೆಯಿಂದ ಗಂಗೆ ಪೂಜೆ ಸಲ್ಲಿಸಿ ನಂತರ ಪಟ್ಟಣದ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿ ಶ್ರೀ ಮಾಸ್ತಮ್ಮ ದೇವಿ ವಿಗ್ರಹ ಹೊತ್ತುಕೊಂಡು ದೇವಸ್ಥಾನಕ್ಕೆ ಬರಲಾಯಿತು. ನಂತರ ಮಾಸ್ತಮ್ಮನ ದೇವಿಯ ದೇವಾಲಯದ ಮುಂಭಾಗದಲ್ಲಿ ಎಲ್ಲ ಸಮುದಾಯದ ಗ್ರಾಮಸ್ಥರು ಕೊಂಡೋತ್ಸವ ಸಿದ್ಧಪಡಿಸಿದ್ದರು. ನಂತರ ಉತ್ಸವ ಮೂರ್ತಿಯನ್ನು ದೇವಾಲಯ ಮುಂಭಾಗದ ತಂದು ವಿವಿಧ ಪೂಜೆ, ಪುನಸ್ಕಾರ ನೆರವೇರಿಸಿದ ಬಳಿಕ ಕೊಂಡೋತ್ಸವಕ್ಕೆ ಅನುವು ಮಾಡಿಕೊಡಲಾಯಿತು. ಈ ವೇಳೆ ನೂರಾರು ಭಕ್ತರು ಕೊಂಡಹಾಯ್ದರು. ನಂತರ ಭಕ್ತರು ಕೊಂಡಕ್ಕೆ ಉಪ್ಪು ಹಾಗೂ ಅರಳು ಸುರಿಯುವ ಮೂಲಕ ತಮ್ಮ ಇಷ್ಟಾರ್ಥ ಹರಕೆ ಸಲ್ಲಿಸಿದರು.

ಪಟ್ಟಣದ ಎಲ್ಲ ಜಾತಿ, ಜನಾಂಗದವರು ಒಗ್ಗೂಡಿ ನಡೆಸುವ ಜಾತ್ರೆಗೆ ಸರಗೂರು ಭಾಗದ ಅಕ್ಕ ಪಕ್ಕದ ಗ್ರಾಮಸ್ಥರು ಸಾವಿರಾರು ಸಂಖ್ಯೆಯಲ್ಲಿ ಭಾಗವಹಿಸಿದ್ದರು. ದೇವಿಯ ದರ್ಶನ ಪಡೆದು ಪಾರ್ಥಿಸಿದರು. ಸರಗೂರು ಪಟ್ಟಣದ ಆರಕ್ಷಕ ಠಾಣಾ ಸಿಬ್ಬಂದಿ ಸೂಕ್ತ ಬಂದ್‌ಬಸ್ತ್ ವ್ಯವಸ್ಥೆ ಮಾಡಿದ್ದರು.

ಮಾಸ್ತಮ್ಮ ಜಾತ್ರಾ ಮಹೋತ್ಸವ ನೇತೃತ್ವವಹಿಸಿದ ಟಿ. ಕರಿಯಪ್ಪ, ಪ.ಪಂ. ಅಧ್ಯಕ್ಷೆ ಚೈತ್ರಾಸ್ವಾಮಿ, ಸದಸ್ಯರಾದ ಶ್ರೀನಿವಾಸ, ಚಂದ್ರಿಕಾ ರಾಜಣ್ಣ, ನೂರಳಾಸ್ವಾಮಿ, ನಾಡುದೇಶದ ಯಜಮಾನ ಗಣೇಶ, ಈಡಿಗ ಸಮಾಜದ ತಾಲ್ಲೂಕು ಅಧ್ಯಕ್ಷ ಎಸ್.ಎನ್. ನಾಗರಾಜು, ಅಕ್ರಮ ಸಕ್ರಮ ಸಮಿತಿ ಸದಸ್ಯ ಶಿವಶಂಕರ್, ಅದಿ ಕರ್ನಾಟಕ ಸಮಾಜದ ಯಜಮಾನರ ರಂಗಯ್ಯ, ಸಣ್ಣ ನಾಯಕ, ಮಾಜಿ ಯಜಮಾನ ವೆಂಕಟೇಶ್, ಗಾಣಿಗ ಸಮಾಜದ ಯಜಮಾನ ಮಹದೇವ, ನಾಗಶಟ್ಟಿ ಬಿಎಸ್‌ಎನ್‌ಎಲ್, ರಾಜೇಶ್, ಬೆಟ್ಟನಾಯಕ,ನವೀನ್, ಮಾದಿಗ ಸಾಮಾಜದ ಯಜಮಾನ ಹೆಜ್ಜೂರಯ್ಯ, ವೈನ್ ನಾಗರಾಜು, ಪಟ್ಟಣದ ಎಲ್ಲ ಜನಾಂಗದ ಯಜಮಾನರು, ಮುಖಂಡರು ಜಾತ್ರೆಯಲ್ಲಿ ಅಕ್ಕಪಕ್ಕದ ಗ್ರಾಮಗಳಿಂದ ಆಗಮಿಸಿದ ಸಾರ್ವಜನಿಕರು ಪಾಲ್ಗೊಂಡಿದ್ದರು.