ರಾಜ್ಯ

ಚನ್ನಬೈರೇಗೌಡ ಕ್ರೀಡಾಂಗಣಕ್ಕೆ ಶ್ರೀ ಹೈಟೆಕ್​ ಸ್ಪರ್ಶ / HOSAKOTE

ಹೊಸಕೋಟೆಯ ಚನ್ನಬೈರೇಗೌಡ ಕ್ರೀಡಾಂಗಣದ ಅಭಿವೃದ್ಧಿ ಸಂಬಂಧ ಕ್ರೀಡಾಂಗಣ ವೀಕ್ಷಿಸಿದ ಶಾಸಕ ಶಾಸಕ ಶರತ್​ ಬಚ್ಚೇಗೌಡ.
ಹೊಸಕೋಟೆಯ ಚನ್ನಬೈರೇಗೌಡ ಕ್ರೀಡಾಂಗಣದ ಅಭಿವೃದ್ಧಿ ಸಂಬಂಧ ಕ್ರೀಡಾಂಗಣ ವೀಕ್ಷಿಸಿದ ಶಾಸಕ ಶಾಸಕ ಶರತ್​ ಬಚ್ಚೇಗೌಡ.
ಬೆಂಗಳೂರು ಗ್ರಾಮಾಂತರ ಡೆಸ್ಕ್
Published on: 
ಹೊಸಕೋಟೆ : ಸರ್ಕಾರದ 4 ಕೋಟಿ ಹಾಗೂ 3 ಕೋಟಿ ಸಿಎಸ್​ಆರ್​ ಅನುದಾನದಲ್ಲಿ 8 ರನ್ನಿಂಗ್​ ಮತ್ತು ವಾಕಿಂಗ್​ ಟ್ರ್ಯಾಕ್​, ಎರಡು ವಾಲಿಬಾಲ್​ ಕೋರ್ಟ್​, 2 ಕಬಡ್ಡಿ ಕೋರ್ಟ್​ ಹಾಗೂ ಪ್ರೇಕ್ಷಕರ ಗ್ಯಾಲರಿಗೆ ಹೈಟೆಕ್​ ಸ್ಪರ್ಶ ನೀಡಲು ನೀಲಿನಕ್ಷೆ ತಯಾರಿಸಲಾಗಿದ್ದು, ಇಂಜಿನಿಯರ್​ ಹಾಗೂ ಸ್ಥಳಿಯ ಕ್ರೀಡಾಪಟುಗಳೊಂದಿಗೆ ಸಾಧಕ ಬಾಧಕಗಳ ಬಗ್ಗೆ ಚರ್ಚಿಸಿ ಪರಿಶೀಲನೆ ನಡೆಸಲಾಗುತ್ತಿದೆ ಎಂದು ಶಾಸಕ ಶರತ್​ ಬಚ್ಚೇಗೌಡ ತಿಳಿಸಿದರು.
ನಗರದ ಚನ್ನಬೈರೇಗೌಡ ಕ್ರೀಡಾಂಗಣದಲ್ಲಿ ಅಧಿಕಾರಿಗಳು ಹಾಗೂ ಕ್ರೀಡಾಪಟುಗಳೊಂದಿಗೆ ಶುಕ್ರವಾರ ಹಮ್ಮಿಕೊಂಡಿದ್ದ ಸಭೆಯಲ್ಲಿ ಮಾತನಾಡಿ, ಸದ್ಯ 6 ಟ್ರ್ಯಾಕ್​ಗಳನ್ನೊಳಗೊಂಡ ಕ್ರೀಡಾಂಗಣ ಕ್ರಿಕೆಟ್​, ಜಾಗಿಂಗ್​, ವಾಕಿಂಗ್​ಗೆ ಮಾತ್ರ ಸೀಮಿತವಾಗಿತ್ತು. ಕ್ರೀಡಾಂಗಣದಲ್ಲಿರುವ ವ್ಯಾಯಾಮ ಶಾಲೆ ಪುರಾತನವಾಗಿದ್ದು, ಅದನ್ನು ತೆರವುಗೊಳಿಸಿ ನೂತನ ವ್ಯಾಯಾಮ ಕೊಠಡಿ ಜತೆಗೆ ಶೌಚಗೃಹ ನಿಮಾರ್ಣ ಕಾರ್ಯವನ್ನು ಎರಡನೇ ಹಂತದಲ್ಲಿ ಅಭಿವೃದ್ಧಿ ಪಡಿಸಲಾಗುವುದು. ಕ್ರೀಡಾಂಗಣಕ್ಕೆ ಶ್ರೀ ಹೈಟೆಕ್​ ಸ್ಪರ್ಶ ನೀಡಲಾಗುವುದು ಎಂದರು.
ನಗರ ಕಾಂಗ್ರೆಸ್​ ಅಧ್ಯಕ್ಷ ಬಿ.ವಿ.ಬೈರೇಗೌಡ, ಯೋಜನಾ ಪ್ರಾಧಿಕಾರ ನಿರ್ದೇಶಕ ಡಾ.ಎಚ್​.ಎಂ.ಸುಬ್ಬರಾಜ್​, ಕೆ.ಸಿ.ಸುರೇಶ್​ ಗೌಡ, ಮಾಜಿ ಅಧ್ಯಕ್ಷ ಡಾ.ಸಿ.ಜಯರಾಜ್​, ಮುಖಂಡರಾದ ಮಂಜುನಾಥ್​, ಅರುಣ್​ ಕುಮಾರ್​, ಸೂರ್ಯ, ಹಿರಿಯ ಕ್ರೀಡಾಪಟುಗಳಾದ ಸೋಮಸುಂದರ್​, ಲಕ್ಷ$್ಮಣ್​ ಇತರರು ಇದ್ದರು.

ಈ ಮೊದಲು 6 ಟ್ರ್ಯಾಕ್​ಗಳನ್ನೊಳಗೊಂಡ ಕ್ರೀಡಾಂಗಣ ಆಗಿದ್ದು, ಶಾಲಾ ಮತ್ತು ಕಾಲೇಜುಗಳ ತಾಲೂಕು ಮಟ್ಟದ ಕ್ರೀಡಾಕೂಟಕ್ಕೆ ಮಾತ್ರ ಸೀಮಿತವಾಗಿತ್ತು. ಇದೀಗ 8 ಟ್ರಾ$್ಯಕ್​ ನಿಮಾರ್ಣ ಮಾಡುವುದರಿಂದ ರಾಜ್ಯ ಮಟ್ಟದ ಕ್ರೀಡಾಕೂಟಗಳನ್ನೂ ಆಯೋಜನೆ ಮಾಡಬಹುದಾಗಿದೆ. ತಾಲೂಕಿನ ಕ್ರೀಡಾಪಟುಗಳು ಜಿಲ್ಲಾ ಹಾಗೂ ರಾಜ್ಯ ಮಟ್ಟದ ಕ್ರೀಡೆಗಳಿಗೆ ಆಯ್ಕೆಯಾದಲ್ಲಿ ಬೇರೆ ಕ್ರೀಡಾಂಗಣಕ್ಕೆ ಹೋಗಿ ಸ್ಪರ್ಧಿಸುವ ಪ್ರಸಂಗ ಬರುವುದಿಲ್ಲ.

hosakote
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net