ತಂತ್ರಜ್ಞಾನ ಯುಗದಲ್ಲಿ ಕ್ರೀಡಾಸಕ್ತಿ ಕ್ಷೀಣ

ಪ್ರೊ. ಶಾಂತೂ ಹಿರೇಮಠ ಮಾತನಾಡಿ, ವಿದ್ಯಾರ್ಥಿಗಳ ದೈಹಿಕ ಮತ್ತು ಮಾನಸಿಕ ಸದೃಢತೆ ಅಗತ್ಯ. ತಂಡದ ಆಟಗಳಿಂದ ಕ್ರೀಡಾರ್ಥಿಗಳಲ್ಲಿ ಏಕತೆ, ಶಿಸ್ತಿನ ಬದುಕು, ನಾಯಕತ್ವದ ಗುಣ, ಭವಿಷ್ಯದ ಮೌಲ್ಯಗಳು ಬೆಳೆಯುತ್ತವೆ. ಶಿಕ್ಷಣ ಸಂಸ್ಥೆಗಳು ಕ್ರೀಡಾ ಚಟುವಟಿಕೆಗಳಿಗೆ ಪ್ರೋತ್ಸಾಹ ನೀಡುವ ಕಾರ್ಯ ಮಾಡಬೇಕು ಎಂದು ಹೇಳಿದರು.

ಪಂದ್ಯಾವಳಿಯಲ್ಲಿ ತಾಳಿಕೋಟೆಯ ಎಚ್.ಎಸ್. ಪಾಟೀಲ ದೈಹಿಕ ಶಿಕ್ಷಣ ಮಹಾವಿದ್ಯಾಲಯ (ಪ್ರಥಮ), ಸಿಂದಗಿಯ ಸಿ.ಎಂ. ಮನಗೂಳಿ ಪದವಿ ಮಹಾವಿದ್ಯಾಲಯ(ದ್ವಿತೀಯ) ಹಾಗೂ ಜೆ.ಎಚ್. ಪಟೇಲ ಶಿಕ್ಷಣ ಮಹಾವಿದ್ಯಾಲಯವು ತತೀಯ ಸ್ಥಾನ ಪಡೆದು ಬೀಗಿದವು.

ಪಂದ್ಯದಲ್ಲಿ ಸಂತೋಷ ಬಳಗೊಂಡ (ಉತ್ತಮ ಹೊಡೆತಗಾರ), ಉಮಾಕಾಂತ ಚವಾಣ್ (ಉತ್ತಮ ತೂರುಗಾರ), ಅಮೀತ್ ಕನವಳ್ಳಿ (ಸರ್ವಾಂಗೀಣ ಆಟಗಾರ), ಸತೀಶ ಹೂನಳ್ಳಿ ಉತ್ತಮ ಲಿಬ್ರೋ ಪ್ರದರ್ಶಿಸಿ ಪಾರಿತೋಷಕ ಪಡೆದರು. ಸಂಸ್ಥೆಯ ನಿರ್ದೇಶಕ ಭೀಮಾಶಂಕರ ನೆಲ್ಲಗಿ, ಮುತ್ತು ಮುಂಡೇವಾಡಗಿ ಕ್ರೀಡಾಪಟುಗಳಿಗೆ ಪಾರಿತೋಷಕ ವಿತರಿಸಿದರು.