ಕೋರ್ಸ್​ ಆಯ್ಕೆಗೆ ವಿಶೇಷ ತರಬೇತಿ

ಪಟ್ಟಣದ ತೀನಂಶ್ರೀ ಭವನದಲ್ಲಿ ಎಸ್​.ಬಿ.ಚಾರಿಟಬಲ್​ ಟ್ರಸ್ಟ್​ನ ಜ್ಞಾನಕಲ್ಪ ಕಾರ್ಯಕ್ರಮದಡಿಯಲ್ಲಿ ಶನಿವಾರ ಆಯೋಜಿಸಿದ್ದ ರ್ಯಾಂಕ್​ ಟು ರೈಟ್​ ಚಾಯ್ಸ್​&ತಮ್ಮ ರ್ಯಾಂಕ್​ಗೆ ಸರಿಯಾದ ಆಯ್ಕೆಯ ಮಾಹಿತಿ ಪ್ರಸರಣ ಕಾರ್ಯಾಗಾರವನ್ನು ಉದ್ಘಾಟಿಸಿ ಮಾತನಾಡಿದ ಅವರು, ಇದೇ ಪ್ರಥಮ ಬಾರಿಗೆ ಈ ಕಾರ್ಯಗಾರವನ್ನು ಆಯೋಜಿಸಲಾಗಿದೆ. ರ್ಯಾಂಕ್​ ಗಳಿಸಿರುವ ವಿದ್ಯಾರ್ಥಿಗಳಿಗೆ ಗೊಂದಲವಿದ್ದು, ಯಾವ ಕೋರ್ಸ್​, ಯಾವ ಕಾಲೇಜಿನಲ್ಲಿ, ಯಾವ ರೀತಿ ಆಯ್ಕೆ ಮಾಡಬೇಕು. ನಾವು ತೆಗೆದುಕೊಂಡಿರುವ ರ್ಯಾಂಕ್​ಗೆ ಅವಕಾಶಗಳು ಎಷ್ಟಿವೆ? ಕಾಲೇಜಿನಲ್ಲಿ ಕಟ್ಟುವಂತಹ ಶುಲ್ಕವೆಷ್ಟು? ಈ ಎಲ್ಲ ಮಾಹಿತಿಯನ್ನೊಳಗೊಂಡಂತೆ ಅನುಭವ ಇರುವ ಕೆಇಎಯ ಪ್ರಾಧ್ಯಾಪಕರೊಂದಿಗೆ ಚರ್ಚೆಮಾಡಿ ಉತ್ತಮ ಭವಿಷ್ಯ ರೂಪಿಸಿಕೊಳ್ಳಬಹುದು. ಈ ಬಾರಿ 200ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಸರ್ಕಾರಿ ಕೋಟಾದಡಿ ಕೋರ್ಸ್​ಗಳಿಗೆ ಹೋಗುತ್ತಾರೆ ಎಂಬ ಭರವಸೆ ಇದೆ. ಹಾಗಾಗಿ ಇದನ್ನು ಸದ್ಬಳಕೆ ಮಾಡಿಕೊಳ್ಳಬೇಕು ಎಂದರು.

ಕೆಇಎನ ಸಂಪನ್ಮೂಲ ಪ್ರಾಧ್ಯಾಪಕಿ ದಿವ್ಯಾಮೂರ್ತಿ ಮಾತನಾಡಿ, ಪ್ರತಿ ಬಾರಿ ಅನೇಕ ವಿದ್ಯಾರ್ಥಿಗಳು ಸರಿಯಾದ ಆಯ್ಕೆ ಮಾಡದೇ ಸರ್ಕಾರಿ ಸೀಟುಗಳಿಂದ ವಂಚಿತರಾಗುತ್ತಾರೆ. ಹಾಗಾಗಿ ಈ ರೀತಿಯ ಸಮಸ್ಯೆಗೆ ಶಾಸಕ ಸಿ.ಬಿ.ಸುರೇಶ್​ಬಾಬು ಈ ರೀತಿಯಲ್ಲಿ ನಮ್ಮ ಮಕ್ಕಳಿಗೆ ಅನ್ಯಾಯವಾಗಬಾರದು ಎಂಬ ಉದ್ದೇಶದಿಂದ ಈ ಕಾರ್ಯಗಾರ ಆಯೋಜಿಸಿದ್ದಾರೆ ಎಂದರು.

ಬಿಇಒ ಕಾಂತರಾಜು ಮಾತನಾಡಿ, ಇದೇ ಪ್ರಥಮ ಬಾರಿಗೆ ಈ ರೀತಿಯ ಕಾರ್ಯಗಾರವನ್ನು ಆಯೋಜಿಸಿದ್ದು ಹೆಮ್ಮೆಪಡುವ ವಿಷಯ. ಬಹಳಷ್ಟು ನಮ್ಮ ವಿದ್ಯಾರ್ಥಿಗಳಿಗೆ ಕಾಲೇಜಿನ ಆಯ್ಕೆಯಲ್ಲಿ ತೊಂದರೆಯಾಗಿ ಅನೇಕರು ಸರಿಯಾದ ಕಾಲೇಜಿಗೆ ಸೇರುವುದೇ ಕಷ್ಟವಾಗುತ್ತದೆ. ಯಾವ ಕೋರ್ಸನ್ನು ನಮ್ಮ ಹಂತದಲ್ಲಿ ನಮ್ಮ ಆರ್ಥಿಕ ಮಟ್ಟದಲ್ಲಿ ಓದಬಹುದು ಎಂಬ ಬಗ್ಗೆಯೂ ಮಾಹಿತಿ ಪಡೆಯಲು ಈ ಕಾರ್ಯಕ್ರಮ ಸಹಕಾರಿಯಾಗಿದೆ ಎಂದರು. ಕೃಷಿ ಇಲಾಖೆಯ ಸಹಾಯಕ ನಿರ್ದೇಶಕ ಶಿವರಾಜ್​ಕುಮಾರ್​, ಯೋಗಿಶ್​, ಸಾಕ್ಯಗೌತಮ್​ ಮಾತನಾಡಿದರು.