ಮಳೆಗಾಗಿ ಪ್ರಾರ್ಥಿಸಿ ವಿಶೇಷ ಪೂಜೆ rain

ರಾಜ್ಯ ಕೆಂಪೇಗೌಡ ರೈತ ಸಂಘದ ಯುವ ಅಧ್ಯಕ್ಷ ಜುಟ್ನಹಳ್ಳಿ ಆರ್.ದಿನೇಶ್ ಮಾತನಾಡಿ, ಸಕಾಲದಲ್ಲಿ ಮಳೆಯಾಗದೆ ಕಷ್ಟಪಡುತ್ತಿರುವ ನಾಡಿನ ರೈತರಿಗೆ ರಕ್ಷಣೆ ಸಿಗಲಿ ಎಂಬ ಉದ್ದೇಶದಿಂದ ಶ್ರೀ ರಂಗನಾಥ ಸ್ವಾಮಿಗೆ ಪೂಜೆ ಸಲ್ಲಿಸಲಾಗಿದೆ ಎಂದರು.

ರಾಜ್ಯದ ಯಾವುದೇ ಮೂಲೆಯಲ್ಲಿ ಮಳೆಯಾಗದಿದರೂ ಮಾಗಡಿಯಲ್ಲಿ ಮಳೆ ಬೆಳೆಯಾಗುತಿತ್ತು. ಈ ವರ್ಷ ವರುಣನ ಆಗಮನ ಇಲ್ಲದೆ ರೈತರು ಸಂಕಷ್ಟದಲ್ಲಿದ್ದಾರೆ. ಮಳೆ ಇಲ್ಲದೆ ರಾಗಿ ಬಿತ್ತನೆ ಮಾಡಿಲ್ಲ, ಹಸು,ಕರುಗಳಿಗೆ ಕುಡಿಯಲು ನೀರಿಲ್ಲ, ಸರ್ಕಾರ ಕೂಡಲೇ ಮಾಗಡಿಯನ್ನು ಬರಪೀಡಿತ ತಾಲೂಕನ್ನಾಗಿ ಘೋಷಿಸಿ ರೈತರಿಗೆ ಸಿಗಬೇಕಾದ ಸೌಲಭ್ಯ ನೀಡಬೇಕು ಎಂದರು.

ಸಂಘದ ಅಧ್ಯಕ್ಷ ಶಿವಣ್ಣ ಗೌಡ ಮಾತನಾಡಿ, ಮಳೆ ಇಲ್ಲದೆ ರೈತ ಪರಿತಪ್ಪಿಸುತ್ತಿದ್ದಾನೆ. ರೈತ ಬೆಳೆ ಬೆಳೆಯಲು ಪಡೆದ ಸಂಪೂರ್ಣ ಸಾಲ ಮನ್ನಾ ಮಾಡಬೇಕು. ರೈತರು ಎದುರಿಸುತ್ತಿರುವ ಸಮಸ್ಯೆ, ಕೃಷಿ ಉತ್ಪಾದನೆ ವೆಚ್ಚ ಹೆಚ್ಚಳ ಹಾಗೂ ಸಾಲದ ಬಾಧೆಯಿಂದ ಮುಕ್ತಿ ಪಡೆಯಲು ಸರ್ಕಾರ ಸೂಕ್ತ ಪರಿಹಾರ ಯೋಜನೆ ಜಾರಿಗೆ ತರಬೇಕು ಎಂದು ಸೂಚಿಸಿದರು.

ಕಾರ್ಯದರ್ಶಿ ಉಮಾಶಂಕರ್, ಯುವ ಘಟಕ ರಾಜ್ಯ ಉಪಾಧ್ಯಕ್ಷ ಚಕ್ರಭಾವಿ ರಂಗಸ್ವಾಮಿ, ಕೃಷ್ಣಮೂರ್ತಿ, ಸುರೇಶ್ ಇತರರು ಇದ್ದರು.