ಸೈನಿಕರು ದೇಶದ ಸರ್ವ ಶ್ರೇಷ್ಠ ಪ್ರಜೆಗಳು : ಎಸ್ ಆರ್ ವಿಶ್ವನಾಥ್ ಬಣ್ಣನೆ

’ಟೀಮ್ ಯೋಧ ನಮನ’ ಸಂಘದಿಂದ ಯಲಹಂಕದ ಅಂಬೇಡ್ಕರ್ ಭವನದಲ್ಲಿ ಆಯೋಜಿಸಿದ್ದ 27ನೇ ವರ್ಷದ ಕಾರ್ಗಿಲ್ ವಿಜಯೋತ್ಸವ ದಿನಾಚರಣೆ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಮಾತನಾಡಿದ ಅವರು ’ಕಾರ್ಗಿಲ್ ವೀರರ ತ್ಯಾಗ, ಶೌರ್ಯ ಮತ್ತು ಬಲಿದಾನ ಸರ್ವಕಾಲಕ್ಕೂ ಸ್ಮರಿಸಿಕೊಳ್ಳುವಂತದ್ದು. ದೇಶದ ಗಡಿಯನ್ನು ಕಾಯುತ್ತಾ ಪ್ರಾಣದ ಹಂಗು ತೊರೆದು ಹೋರಾಡಿದ ಕಾರ್ಗಿಲ್ ವೀರ ಯೋಧರು ನಮ್ಮ ಪಾಲಿನ ನಿಜವಾದ ಹೀರೋಗಳು. ಅವರ ತ್ಯಾಗ, ಶೌರ್ಯ ಮತ್ತು ಬಲಿದಾನದಿಂದಾಗಿಯೇ ನಾವು ದೇಶದೊಳಗೆ ನೆಮ್ಮದಿಯಿಂದ ಜೀವಿಸಲು ಸಾಧ್ಯವಾಗಿದೆ ಎಂದು ಬಣ್ಣಿಸಿದರು.

ಕಾರ್ಯಕ್ರಮದ ದಿವ್ಯ ಸಾನಿಧ್ಯ ವಹಿಸಿದ್ದ ಶ್ರೀ ದಿವ್ಯಜ್ಞಾನಂದಗಿರಿ ಮಹಾಸ್ವಾಮೀಜಿಯವರು ಮಾತನಾಡಿ ’ಯುವಕರು ದೇಶದ ಭವಿಷ್ಯದ ನಿರ್ಮಾತೃಗಳು, ಈ ನಿಟ್ಟಿನಲ್ಲಿ ಯುವಜನರಲ್ಲಿ ದೇಶಭಕ್ತಿ ಮತ್ತು ದೇಶ ಸೇವೆಯ ಮನೋಭಾವ ಬೆಳೆಸುವುದು ಬಹು ಮುಖ್ಯ ಆದ್ಯತೆಯಾಗಬೇಕು ಎಂದರು.ಈ ವೇಳೆ ಕಾರ್ಗಿಲ್ ಯುದ್ಧ ವೀರ ಕ್ಯಾಪ್ಟನ್ ನವೀನ್ ಎ.ನಾಗಪ್ಪ ಅವರು ಕಾರ್ಗಿಲ್ ಯುದ್ಧದ ತಮ್ಮ ಸ್ವ ಅನುಭವ ವನ್ನು ಎಳೆ ಎಳೆಯಾಗಿ ವಿವರಿಸಿದರು.

ಕಾರ್ಯಕ್ರಮದಲ್ಲಿ ವಿವಿಧ ಕ್ಷೇತ್ರಗಳಲ್ಲಿ ಸೇವೆ ಸಲ್ಲಿಸುತ್ತಿರುವ ಸಾಧಕರನ್ನು ಗುರುತಿಸಿ ಟೀಮ್ ಯೋಧ ನಮನ ರಾಷ್ಟ್ರಸೇವಾ ಪ್ರಶಸ್ತಿ’ ನೀಡಿ ಗೌರವಿಸಲಾಯಿತು. ಕರ್ನಾಟಕ ಹೈಕೋರ್ಟ್‌ನ ನಿವೃತ್ತ ನ್ಯಾಯಮೂರ್ತಿ ಜಸ್ಟಿಸ್ ಕೃಷ್ಣ ಭಟ್, ವಿಧಾನ ಪರಿಷತ್ ಸದಸ್ಯರಾದ ಕೇಶವ ಪ್ರಸಾದ್, ಏರ್ ಮಾರ್ಷಲ್ ಸತೀಶ್ ಪಾಲ್ ಸಿಂಗ್, ಯೋಗಗುರು ಡಾ.ಯೋಗಿ ದೇವರಾಜ್, ಕ್ಯಾಪ್ಟನ್ ದೇವೇಂದ್ರ, ಬೆಂ.ಉತ್ತರ ಜಿಲ್ಲಾ ಬಿಜೆಪಿ ಅಧ್ಯಕ್ಷ ಹರೀಶ್, ಪದ್ಮಶ್ರೀ ಡಾ.ಶುಭಾ ವಿ., ಟೀಮ್ ಯೋಧ ನಮನ ಸಂಘದ ಪದಾಧಿಕಾರಿ ಗಳಾದ ನಿವೃತ್ತ ಯೋಧ ಕೆ.ಜೈರಾಮ್, ದಾಮೋದರ್ ಬಿ., ಬಿ.ಎಲ್. ಸೂರಿ, ಈಶ್ವರಯ್ಯ, ಅಂಜಿ, ರವಿ, ಟಾರ್ ರೆಡ್ಡಿ , ಕೆ.ಸಿ.ಬಾಲಾಜಿ, ಆಂಜನೇಯಲು, ಈರಣ್ಣ, , ಗಗನ್, ಬಿ.ವಿ.ಎಸ್. ಮಂಜು, ರವೀಂದ್ರ, ಶ್ರೀನಿವಾಸ್, ಕಾಂತರಾಜ್, ಸಂತೋಷ್ ಮತ್ತಿತರಿದ್ದರು.