ಗೋಮಾಳ ಜಮೀನಿನಲ್ಲಿರುವ ಅಕ್ರಮ ಕ್ರಷರ್​ ಸ್ಥಗಿತಗೊಳಿಸಿ

ಕದರೀಪುರ:

ಕೋಲಾರ ತಾಲೂಕು ಸೀತಿ ಗ್ರಾಮದ ಸರ್ವೇ ನಂ.19ರ ಸರ್ಕಾರಿ ಗೋಮಾಳ ಜಮೀನಿನಲ್ಲಿ ನಿಯಮ ಉಲ್ಲಂಘಿಸಿ ಜಲ್ಲಿ ಕ್ರಷರ್​ ನಡೆಸಲಾಗುತ್ತಿದೆ ಎಂದು ಆರೋಪಿಸಿ, ಸೀತಿ, ಮಾರ್ಜೇನಹಳ್ಳಿ, ಮಠಪುರ ಗ್ರಾಮಸ್ಥರು ಶಾಸಕ ಕೊತ್ತೂರು ಮಂಜುನಾಥ್​ ಹಾಗೂ ಎಂಎಲ್​ಸಿ ಎಂ.ಎಲ್​.ಅನಿಲ್​ ಕುಮಾರ್​ಗೆ ಮನವಿ ಸಲ್ಲಿಸಿ ಕಾನೂನು ಕ್ರಮ ಕೈಗೊಳ್ಳುವಂತೆ ಒತ್ತಾಯಿಸಿದರು.

ಪೊಲೀಸರ ದರ್ಪ

ಮಾರ್ಜೆನಹಳ್ಳಿ ಗೇಟ್​ ಬಳಿ ಶಾಸಕ ಹಾಗೂ ಎಂಎಲ್​ಸಿ ಇದ್ದ ವಾಹನ ತಡೆದು ಸಮಸ್ಯೆ ಕುರಿತು ಮನವಿ ಸಲ್ಲಿಸಲು ಮುಂದಾದ ವೇಳೆ ಬೆಂಗಾವಲು ವಾಹನದ ವೇಮಗಲ್​ ಠಾಣೆ ಪೊಲೀಸರು ಹಾಗೂ ರೈತರ ನಡುವೆ ಮಾತಿನ ಚಕಮಕಿ ನಡೆಯಿತು. ಈ ವೇಳೆ ಅಧಿಕಾರಿಗಳು, ಜನಪ್ರತಿನಿಧಿಗಳು ಜನರ ಸೇವೆ ಮಾಡಬೇಕೆ ಹೊರತು ದರ್ಪ ತೋರುವುದು ನ್ಯಾಯವೇ. ರಕ್ಷಣೆ ಮಾಡುವವರೇ ನಮ್ಮ ಮೇಲೆ ದಬ್ಬಾಳಿಕೆ ಮಾಡಿದರೆ ನಮ್ಮ ಕಷ್ಟ ಯಾರಿಗೆ ಹೇಳಬೇಕು ಎಂದು ರೈತರು ಆಕ್ರೋಶ ವ್ಯಕ್ತಪಡಿಸಿದರು.