ಮನಸ್ಸು ಶುದ್ಧಿ ಮಾಡುವುದೇ ಶ್ರಾವಣ ಮಾಸ

ಭಾನುವಾರ ಅಬ್ಬೆ ತುಮಕೂರಿನ ಶ್ರೀ ವಿಶ್ವಾರಾಧ್ಯರ ಅನುಗ್ರಹ ಕ್ಷೇತ್ರದಲ್ಲಿ ಶ್ರಾವಣ ಮಾಸ ನಿಮಿತ್ತ ತಿಂಗಳ ಪರ್ಯಂತ ಹಮ್ಮಿಕೊಂಡ ಸಂಗೀತ ರುದ್ರಾಭೀಷೇಕ ೧೨ನೇ ದಿನದ ಭಾನುವಾರದ ವಿಶೇಷ ಪೂಜಾ ಸಮಾರಂಭದ ಸಾನ್ನಿಧ್ಯ ವಹಿಸಿ ಆಶೀರ್ವಚನ ನೀಡಿದರು. ಈ ತಿಂಗಳಿನಲ್ಲಿ ಬಹಳಷ್ಟು ಜನ ಉಪವಾಸ ಆಚರಣೆಯ ವ್ರತ ನಿಯಮ ಮಾಡುತ್ತಾರೆ. ಪುಣ್ಯಕ್ಷೇತ್ರಗಳ ದರ್ಶನವನ್ನು ಕೈಗೊಳ್ಳುತ್ತಾರೆ.ಹೀಗೆ ಮಾಡುವುದರಿಂದ ಮನುಷ್ಯನ ಮನೋವಿಕಾರ ದೂರಾಗಿ ಸಾತ್ವಿಕ ಸಂಪನ್ನತೆ ನೆಲೆಸಲು ಸಾಧ್ಯವಾಗುತ್ತದೆ ಎಂದು ಹೇಳಿದರು.

ಮನುಷ್ಯರಾಗಿ ಹುಟ್ಟಿ ಬಂದ ಮೇಲೆ ನಡೆ-ನುಡಿಯಲ್ಲಿ ಆಚಾರ- ವಿಚಾರಗಳಲ್ಲಿ ಸಮನ್ವಯಶೀಲತೆಯನ್ನು ಸಾಽಸಬೇಕು. ಅದಕ್ಕಾಗಿ ಸತ್ಸಂಗ, ಸದ್ ವಿಚಾರಗಳು ಈ ಮಾಸದಲ್ಲಿ ಮಾಡುವುದರಿಂದ ಅಂತರAಗ ಶುದ್ಧಿ ಸಾಧ್ಯವಾಗುತ್ತದೆ ಎಂದರು. ಶ್ರಾವಣ ಮಾಸ ಕೇವಲ ಸಾಂಕೇತಿಕ. ತಿಂಗಳಿಗೆ ಮಾತ್ರ ಸೀಮಿತವಾಗಬಾರದು. ಅದು ನಿತ್ಯ ನಿರಂತರವಾಗಿ ನಡೆಯಬೇಕು. ಒಳ್ಳೆಯ ವಿಚಾರಗಳನ್ನು ಶ್ರವಣ ಮಾಡಿ ಜೀವನದಲ್ಲಿ ಆಚರಣೆಗೆ ತಂದಾಗ ಮನುಷ್ಯ ಜೀವನ ಸಾರ್ಥಕವಾಗುತ್ತದೆ ಎಂದು ಹೇಳಿದರು.

ಜಾತಿ-ಮತ, ಪಂಥ-ಪಂಗಡಗಳನ್ನು ಮೀರಿ ಮಾನವಿಯತೆ ನೆಲೆಗಟ್ಟಿನ ಮೇಲೆ ಸಮ ಸಮಾಜ ನಿರ್ಮಾಣವಾಗಬೇಕೆಂಬುದು ಶ್ರೀ ವಿಶ್ವಾರಾಧ್ಯರ ಮನೋಬಯಕೆಯಾಗಿತ್ತು. ಅಂತೆಯೇ ಶ್ರೀಮಠದಲ್ಲಿ ಅವರು, ಇವರೆನ್ನದೆ ಸಕಲ ಜೀವಾತ್ಮರು ವಿಶ್ವಾರಾಧ್ಯರ ಸಂಭೂತರು ಎಂಬ ಸೌಹಾರ್ದ ಭಾವದಲ್ಲಿ ಕಾಣಲಾಗುತ್ತಿದೆ ಎಂದರು.

ಯಾರು ಭಕ್ತಿ-ಭಾವದಿಂದ, ಶ್ರದ್ಧೆ-ನಿಷ್ಠೆಯಿಂದ ಭಜಿಸುತ್ತಾರೋ ಅವರಿಗೆ ಗುರುನಾಥ ಸಕಲ ಐಶ್ವರ್ಯ ಕರುಣಿಸಿ ಕಾಪಾಡುತ್ತಾನೆ ಎಂದರು. ಬೆಳಿಗ್ಗೆ ಗದ್ದುಗೆಗೆ ವಿಶೇಷ ಮಹಾ ರುದ್ರಭಿಷೇಕವನ್ನು ನೆರವೇರಿಸಲಾಯಿತು. ಮಠದ ಕಿರಿಯ ಸ್ವಾಮಿಗಳಾದ ಶಿವಶೇಖರ ವಿಶ್ವಾರಾದ್ಯ ಸ್ವಾಮಿಗಳು, ಡಾ ಸುಭಾಷಚಂದ್ರ ಕೌಲಗಿ, ಬಸವರಾಜ ಶಾಸಿö ಎಲೆಕೂಡಗಿ ಸೇರಿದಂತೆ ಇತರರಿದ್ದರು.