ನಿಪ್ಪಾಣಿ: ತಾಲೂಕಿನ ಬೆನಾಡಿ ಗ್ರಾಮದಲ್ಲಿ ಸಮುದಾಯ ಭವನದ ಕೊಳಚೆ ನೀರು ರಸ್ತೆ ಮೇಲೆ ಹರಿದು ಜನರಲ್ಲಿ ಆತಂಕ ಮೂಡಿಸಿದ್ದ ಸ್ಥಳಕ್ಕೆ ತಹಸೀಲ್ದಾರ್ ಸುರೇಶ ಮುಂಜೆ, ತಾಲೂಕು ಪಂಚಾಯಿತಿ ಕಾರ್ಯನಿರ್ವಾಹಕ ಅಧಿಕಾರಿ ಪ್ರವಿಣ ಕಟ್ಟಿ, ಸಿಪಿಐ ಬಿ.ಎಸ್.ತಳವಾರ ಮತ್ತು ನೀರಾವರಿ ಇಲಾಖೆ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿ ವಾರದೊಳಗೆ ಹುನ್ನರಗಿ ರಸ್ತೆಯ ಕಾಲುವೆಯ ಬಳಿಯ ನೀರನ್ನು ಒಳಚರಂಡಿಗೆ ಕೂಡಿಸುವುದಾಗಿ ಭರವಸೆ ನೀಡಿದರು. ಸಮಸ್ಯೆ ಸರಿಪಡಿಸುವಂತೆ ಈಚೆಗೆ ಗ್ರಾಮಸ್ಥರು ತಹಸೀಲ್ದಾರ್ಗೆ ಮನವಿ ಸಲ್ಲಿಸಿದ್ದರು. ಅಶೋಕ ರಸಾಗರ, ಕಲಗೊಂಡ ಕೋಟಗೆ, ಆನಂದ ಗಾಯಕವಾಡ, ಸುರೇಶ ಚಂದುರೆ, ಮಲ್ಲೇಶ ಬನ್ನೆ, ಸಚಿನ ಕೋಟಗಿ, ಮಹೇಶ ರಸಾಗರ, ಮಯೂರ ಪಾಟೀಲ, ಸಿದ್ದಪ್ಪ ಮಿರಾಜೆ, ಮಹೇಶ ಜನವಾಡೆ, ಕಾಶಿನಾಥ ಸಂಗಾವೆ, ಅಪ್ಪಾಸಾಹೇಬ ಮಿರಾಜೆ, ಸಾಗರ ಪಾಟೀಲ, ಪಿಡಿಒ ಜಾವೇದ್ ಪಟೇಲ್, ನೀರಾವರಿ ಇಲಾಖೆ ಎಂಜಿನಿಯರ್ ಸಿ.ಎಸ್.ಕುಲಕರ್ಣಿ ಇತರರಿದ್ದರು.
