ಒಳಪಂಗಡ ಬದಿಗಿರಿಸಿ ಸಂಘಟಿತರಾಗಿ

ಕಲಬುರಗಿ: ವಿಶಾಲ ಮನಸ್ಸು ಮತ್ತು ನೆರವು ನೀಡುವ ಸಂಸ್ಕೃತಿ ರೆಡ್ಡಿ ಸಮಾಜದ್ದು. ಆದರೆ ಅಪಾರ ಜನಸಂಖ್ಯೆ ಇದ್ದರೂ ಸಂಘಟನೆ ಕೊರತೆ ಎದ್ದು ಕಾಣುತ್ತಿದೆ. ಹೀಗಾಗಿ ಒಳಪಂಗಡಗಳನ್ನು ಬದಿಗಿಟ್ಟು ಸಂಘಟಿತರಾಗುವುದು ಇಂದಿನ ತುರ್ತು ಅಗತ್ಯ ಎಂದು ಮಾಜಿ ಶಾಸಕಿ ಸೌಮ್ಯರೆಡ್ಡಿ ಹೇಳಿದರು.

ಜಿಲ್ಲಾ ರೆಡ್ಡಿ ಯುವಕರ ಸಂಘ, ಜಿಲ್ಲಾ ರೆಡ್ಡಿ ಸಮಾಜ, ಅಖಲ ಕರ್ನಾಟಕ ಹೇಮರೆಡ್ಡಿ ಮಲ್ಲಮ್ಮ ಮಹಿಳಾ ಅಭಿವೃದ್ಧಿ ಸಂಸ್ಥೆ, ರೆಡ್ಡಿ ಜನ ಸಂಘ, ಹೇಮರೆಡ್ಡಿ ಮಲ್ಲಮ್ಮ ಪತ್ತಿನ ಸಹಕಾರ ಸಂ, ಜಿಲ್ಲಾ ರೆಡ್ಡಿ ನೌಕರರ ಸಂಘ ಹಾಗೂ ಹೇಮ-ವೇಮ ಟ್ರಸ್ಟ್​ ಸಹಯೋಗದಡಿ ನಗರದ ಜೈ ಭವಾನಿ ಹಾಲ್​ನಲ್ಲಿ ಭಾನುವಾರ ಆಯೋಜಿಸಿದ್ದ ರೆಡ್ಡಿ ಯುವ ಸಮಾವೇಶ ಉದ್ಘಾಟಿಸಿ ಅವರು ಮಾತನಾಡಿದರು.

ನಾವೆಲ್ಲರೂ ಹೇಮರಡ್ಡಿ ಮಲ್ಲಮ್ಮಳ ತತ್ವ ಸಿದ್ಧಾಂತಗಳನ್ನು ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು. ಹಿರಿಯರಾದ ಮಾಜಿ ಸಚಿವ ಶರಣಬಸಪ್ಪ ದರ್ಶನಾಪುರ ಅವರಿಗೆ ಸಚಿವ ಸ್ಥಾನ ನೀಡುವ ಮೂಲಕ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್​ ಸಮಾಜಕ್ಕೆ ನ್ಯಾಯ ಒದಗಿಸಬೇಕು ಎಂದು ಮನವಿ ಮಾಡಿದರು.

ಅಧ್ಯಕ್ಷತೆ ವಹಿಸಿದ್ದ ಮಾಜಿ ಸಚಿವ ಶರಣಬಸಪ್ಪ ದರ್ಶನಾಪುರ ಮಾತನಾಡಿ, ಹಿಂದಿನಿಂದಲೂ ಕೃಷಿ ಅವಲಂಬಿತ ರೆಡ್ಡಿ ಸಮಾಜದವರು ಶ್ರೀಮಂತರಾದರೂ ವರ್ಷಗಳುರುಳಿದಂತೆ ಬಡತನ ಸಮಸ್ಯೆ ಅನುಭವಿಸುತ್ತಿದ್ದಾರೆ. ಈಗಲೂ ಕೃಷಿಯನ್ನೇ ನೆಚ್ಚಿಕೊಂಡು ಕೆಲಸ ಮಾಡುತ್ತಿದ್ದಾರೆ. ಮುಂದೆ ಬರಲು ಸಮಾಜದ ಜನ ಶಿಕ್ಷಣ ಪಡೆಯುವತ್ತ ಗಮನ ಹರಿಸಬೇಕು ಎಂದು ಸಲಹೆ ನೀಡಿದರು.

ರೆಡ್ಡಿ ಬಂಧುಗಳೆಲ್ಲ ಒಂದು ಎಂದು ಉಪಪಂಗಡಗಳ ಭೇದವಿಲ್ಲದೆ ಎಲ್ಲರೂ ಒಂದೇ ಎಂಬ ಮನೋಭಾವ ಬೆಳೆಸಿಕೊಳ್ಳಲು ಸಮಾಜದಿಂದ ಈ ಸಮಾವೇಶ ಏರ್ಪಡಿಸಲಾಗಿದೆ. ಸಣ್ಣಪುಟ್ಟ ವಿವಾದ ಅಥವಾ ವಿಚಾರಗಳನ್ನು ಬದಿಗಿಟ್ಟು ಸಮಾಜವನ್ನು ಒಗ್ಗೂಡಿಸಲು ಎಲ್ಲರೂ ಕೈಜೋಡಿಸಬೇಕು ಎಂದು ಕರೆ ನೀಡಿದರು.

ಸಾಹಿತಿ, ಪತ್ರಕರ್ತ ಮಹಿಪಾಲರೆಡ್ಡಿ ಮುನ್ನೂರ ದಿಕ್ಸೂಚಿ ಭಾಷಣ ಮಾಡಿ, ರಾಜ್ಯದಲ್ಲಿ ಸುಮಾರು 90 ಲ ಸಮಾಜದ ಜನಸಂಖ್ಯೆ ಇದ್ದರೂ ಅಲ್ಲಲ್ಲಿ ಹರಿದು ಹಂಚಿಹೋಗಿದೆ. ವಿಶಾಲ ಮನೋಭಾವ ಜತೆ ಎಲ್ಲರೂ ಒಗ್ಗಟ್ಟಾಗುವುದು ಅತ್ಯಗತ್ಯ. ಅತ್ಯಂತ ಶ್ರೀಮಂತ ಇತಿಹಾಸ, ಪರಂಪರೆ ಹೊಂದಿರುವ ರೆಡ್ಡಿ ಸಮಾಜಕ್ಕೆ ಅಧಿಕಾರ, ನಾಯಕತ್ವ ಸಿಗುತ್ತಿಲ್ಲ. ಈ ಹಿಂದೆ ಸಿದ್ದರಾಮಯ್ಯ ಸಂಪುಟದಲ್ಲಿ ದರ್ಶನಾಪುರ ಸಚಿವರಾಗಿದ್ದರು. ಡಿಕೆಶಿ ಸಂಪುಟದಲ್ಲೂ ಅವಕಾಶ ನೀಡಬೇಕು ಎಂದು ಒತ್ತಾಯಿಸಿದರು.

ಸಮಾಜದ ಜನ 3ಎ ಸೌಲಭ್ಯದಿಂದ ವಂಚಿತರಾಗುತ್ತಿದ್ದಾರೆ. ಮಕ್ಕಳ ಭವಿಷ್ಯ, ಶಿಕ್ಷಣದ ಸೌಲಭ್ಯ ಪಡೆಯಲು ಹೋರಾಡಲು ನಾವೆಲ್ಲ ಒಂದಾಗಬೇಕಿದೆ. ಸಮಾಜ ಸಂಘಟಿತರಾದಾಗಲೇ ಸರ್ಕಾರದ ಸೌಲಭ್ಯ ಪಡೆಯಲು ಸಾಧ್ಯ ಎಂದರು.

ಶ್ರೀ ವೇಮನಾನಂದ ಸ್ವಾಮೀಜಿ, ಶ್ರೀ ಶಂಭುಲಿಂಗ ಸ್ವಾಮೀಜಿ ಸಾನ್ನಿಧ್ಯ ವಹಿಸಿದ್ದರು. ಜಿಲ್ಲಾ ರೆಡ್ಡಿ ಸಮಾಜದ ನಿಕಟಪೂರ್ವ ಅಧ್ಯ ಪೊ.ಚನ್ನಾರೆಡ್ಡಿ ಪಾಟೀಲ್​, ಮಾಜಿ ಉಪ ಮೇಯರ್​ ಮಹೇಶ ಹೊಸೂರಕರ್​, ಯುವ ಮುಖಂಡ ಕೃಷ್ಣಾರೆಡ್ಡಿ, ಡಾ.ಶಿವರಾಜ ಪಾಟೀಲ್​, ಡಾ.ಶಶಿಶೇಖರರೆಡ್ಡಿ, ಎಂ.ಎ. ಕೃಷ್ಣಾರೆಡ್ಡಿ, ಬಾಬುರೆಡ್ಡಿ ಭೈರತಿ, ಶಂಕರರೆಡ್ಡಿ, ರಾಮರೆಡ್ಡಿ ಗೌಡ, ರಾಮಚಂದ್ರ ರೆಡ್ಡಿ, ನಾಗರೆಡ್ಡಿ ಮದನಾ ದೇಶಮುಖ, ಶರಣರೆಡ್ಡಿ ಪಾಟೀಲ್​, ಡಾ.ವಿಶಾಲಾ ಕರಡ್ಡಿ, ಲಕ್ಷಿ$್ಮಕಾಂತ ರೆಡ್ಡಿ ಪಲ್ಲಾ, ಸೂರ್ಯಕಾಂತರೆಡ್ಡಿ ವೈಜಾಪುರ, ಡಾ.ಹನುಮಂತರೆಡ್ಡಿ ಶೇರಿಕಾರ, ನಾಗಭೂಷಣ ರೆಡ್ಡಿ, ಕಿರಣರೆಡ್ಡಿ ಪಾಟೀಲ್​, ಸಾಯಬಣ್ಣ ರೆಡ್ಡಿ, ಬಸವರಾಜ ರೆಡ್ಡಿ ಯುವರೆಡ್ಡಿ ಇತರರಿದ್ದರು. ಶಿವಲಿಂಗರೆಡ್ಡಿ ಗೌಡ ಬೆನಕನಹಳ್ಳಿ ಪ್ರಾಸ್ತಾವಿಕ ಮಾತನಾಡಿ ಸ್ವಾಗತಿಸಿದರು. ಡಾ.ಅಮರಮ್ಮ ಪಾಟೀಲ್​ ಪ್ರಾರ್ಥಿಸಿದರು. ಡಾ.ಭಾಗ್ಯಲಕ್ಷ್ಮಿ ಹಾಗೂ ಜಿ.ಜಿ. ವಣಕ್ಯಾಳ ನಿರೂಪಣೆ ಮಾಡಿದರು.

2025-26ರ ಎಸ್ಸೆಸ್ಸೆಲ್ಸಿ, ಪಿಯುಸಿಯಲ್ಲಿ ಶೇ.90 ಅಂಕ ಪಡೆದ ರೆಡ್ಡಿ ಸಮಾಜದ 40ಕ್ಕೂ ಅಧಿಕ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ನೀಡಿ ಪ್ರೋತ್ಸಾಹಿಸಲಾಯಿತು. ಸಮಾಜದ ಸಾಧಕರಾದ ಶಿವಶರಣರೆಡ್ಡಿ ಕೆ ಕಾಳಗಿ (ಕೃಷಿ ಕ್ಷೇತ್ರ), ವಿಜಯಭಾಸ್ಕರ ರೆಡ್ಡಿ (ಸಾಹಿತ್ಯ ಮತ್ತು ಕಲೆ), ಶೆಲರೆಡ್ಡಿ ಮರಪಳ್ಳಿ (ಕಾನೂನು), ನಾಗೇಂದ್ರ ಹೊಕ್ರಾಣಿ (ಉದ್ಯಮ), ಡಾ.ವೀಣಾ ವಿಕ್ರಮ ಸಿದ್ದಾರೆಡ್ಡಿ (ವೈದ್ಯಕಿಯ ಕ್ಷೇತ್ರ) ಅವರಿಗೆ ವಿಶೇಷ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.

"

ರಾಷ್ಟಕೂಟ ಸಾಮ್ರಾಜ್ಯ ಕಟ್ಟಿದವರು ರೆಡ್ಡಿಗಳು. ರೆಡ್ಡಿ ಸಮಾಜ ಯಾರಿಗೂ ಕೈಚಾಚಿ ಬೇಡದೆ ನೀಡಿದೆ. ಸಮಾಜದ ಪ್ರಮುಖರು ಎಲ್ಲ ಕ್ಷೇತ್ರಗಳಲ್ಲೂ ಇದ್ದಾರೆ. ಹಳ್ಳಿಗಳಲ್ಲಿ ಜನ ಜಾಗೃತರಾಗಿ ತಮ್ಮ ಮಕ್ಕಳಿಗೆ ಶಿಕ್ಷಣ ಕೊಡಿಸುವ ಮೂಲಕ ಸಾಧನೆ ಮಾಡಲು ಪ್ರೋತ್ಸಾಹಿಸಬೇಕು.

— > ಶರಣಬಸಪ್ಪ ದರ್ಶನಾಪುರ ಶಹಾಪುರ ಶಾಸಕ