ರೇಷ್ಮೆ ಬೆಳೆಗಾರರಿಗೆ ಸಂಕಷ್ಟ

ಬೂದಿಕೋಟೆ:

ಕೋಲಾರ ಜಿಲ್ಲೆಯಲ್ಲಿ ಅತಿ ಹೆಚ್ಚು ಮಾವು ಮತ್ತು ಟೊಮ್ಯಾಟೊ ಬೆಳೆಗಾರರು ಇದ್ದು, ಕಾಲಾನಂತರದಲ್ಲಿ ಎರಡೂ ಬೆಳೆಗೆ ಸರಿಯಾದ ಬೆಲೆ ಸಿಗದ ಕಾರಣ ಉಪಕಸುಬುಗಳಾದ ಕೋಳಿ ಸಾಕಣೆ, ಹೈನುಗಾರಿಕೆ, ಮತ್ಸ$ ಕೃಷಿ ಅಳವಡಿಸಿಕೊಂಡರು. ಆಗಾಗ ಎದುರಾಗುವ ಬರ ಹಾಗೂ ರೋಗಗಳಿಗೆ ಬೆಳೆ ತುತ್ತಾದ ಕಾರಣ ಅನೇಕರು ರೇಷ್ಮೆ ಕೃಷಿಯತ್ತ ದಾಪುಗಾಲಿಟ್ಟರು. ಈಗ ರೇಷ್ಮೆ ಹುಳುಗಳು ಸಾಯುತ್ತಿದ್ದು, ಇದರಲ್ಲೂ ನಷ್ಟ ಅನುಭವಿಸುವ ಸ್ಥಿತಿ ಎದುರಾಗಿದೆ.

ರೇಷ್ಮೆ ಕೃಷಿಯಲ್ಲಿ ಖರ್ಚು ಕಡಿಮೆ ಲಾಭ ಹೆಚ್ಚಾಗಿದ್ದರಿಂದ ನಾವು ಆ ಬೆಳೆ ಮಾಡಲು ಆಯ್ದುಕೊಂಡಿದ್ದೇವೆ. ಆದರೆ ಸುತ್ತಲಿರುವ ರೈತರು ತರಕಾರಿ ಬೆಳೆಗಳನ್ನು ಬೆಳೆದು ಅದಕ್ಕೆ ಔಷಧ ಸಿಂಪಡಿಸುತ್ತಾರೆ. ಅದರ ವಾಸನೆಗೆ ಹುಳಗಳು ಸಾಯುತ್ತಿವೆ. ಇದರಿಂದ ಅಪಾರ ನಷ್ಟವಾಗುತ್ತಿದೆ.

— ಮುನಿರಾಜು ಗೊಡಗಮಂದೆ , ಪ್ರಗತಿಪರ ರೈತ

ಗಾಜಗ ಗ್ರಾಮದ ರೈತರೊಬ್ಬರು ಹುಳು ಸಾಕಾಣೆ ಮಾಡಿರುವುದು.

ಕೀಟನಾಶಕ ಕಾರಣ

ಈ ಹಿಂದೆ ಗುಲ್ಲಹಳ್ಳಿ ಗ್ರಾಪಂ ವ್ಯಾಪ್ತಿಯ ಮುತ್ತನೂರಿನಲ್ಲಿ ಬಹುತೇಕ ರೈತರು ತರಕಾರಿ ಬೆಳೆಯುತ್ತಿದ್ದು, ತರಕಾರಿಗೆ ಕೀಟನಾಶಕಗಳನ್ನು ಬಳಸಿದ್ದರಿಂದ ಪಕ್ಕದಲ್ಲೇ ಇದ್ದ ಹಿಪು$್ಪನೇರಳೆ ಸೊಪ್ಪಿಗೆ ತಾಗಿ ಮತ್ತು ರೇಷ್ಮೆ ಮನೆಯ ಸುತ್ತಲೂ ಇದೇ ಪರಿಸ್ಥಿತಿ ಇದ್ದರಿಂದ ಹುಳುಗಳು ಗೂಡು ಕಟ್ಟುವ ಮುನ್ನವೇ ಸಾಯುತ್ತಿವೆ. ರೇಷ್ಮೆ ತೋಟದ ಸುತ್ತಮುತ್ತ ಇರುವ ಟೊಮ್ಯಾಟೊ, ಕ್ಯಾಪ್ಸಿಕಂ ಸೇರಿ ವಿವಿಧ ತರಕಾರಿಗೆ ಸಿಂಪಡಿಸುವ ಕೀಟನಾಶಕ ಔಷಧವೇ ರೇಷ್ಮೆ ಕೃಷಿ ಮೇಲೆ ದುಷ್ಪರಿಣಾಮ ಬೀರುತ್ತಿದೆ ಎಂದು ಬೆಳೆಗಾರರು ಆರೋಪಿಸಿದ್ದಾರೆ.

ಈಗ ಮಳೆ ಇಲ್ಲ ಕಷ್ಟಪಟ್ಟು ಬೆಳೆ ಮಾಡಿ ತುಂಬಾ ಕನಸು ಕಂಡಿದ್ದೆ ಆದರೆ ಗೂಡುಕಟ್ಟದೆ ನಮಗೆ ತುಂಬಾ ತೊಂದರೆ ಅನುಭವಿಸುತ್ತಿದ್ದೇವೆ . ರೈತರ ಕಷ್ಟ ಯಾರಿಗೂ ಬೇಡ. ಬೇರೆ ಬೆಳೆ ಮಾಡೋಣ ಅಂದ್ರೆ ಬೆಂಬಲ ಬೆಲೆ ಸಿಗಲ್ಲ ಈಗ ರೇಷ್ಮೆ ಮಾಡಿದರೆ ಈ ಪರಿಸ್ಥಿತಿ ಆಗಿದೆ.

— ವೆಂಕಟಸ್ವಾಮಿ ರೆಡ್ಡಿ ಪ್ರಗತಿಪರ ರೈತ ಗಾಜಗ