ರಾಜ್ಯ

ಸರ್ಕಾರಿ ಶಾಲೆಗಳನ್ನು ಉಳಿಸಲು ಮುಂದಾಗಿ

ಕೆ.ಆರ್.ನಗರ ತಾಲೂಕಿನ ಚಂದಗಾಲು ಗ್ರಾಮದ ಸರ್ಕಾರಿ ಪ್ರೌಢಶಾಲೆ ಆವರಣದಲ್ಲಿ ಗುರುವಂದನಾ ಹಾಗೂ ಸ್ನೇಹಿತರ ಸಮ್ಮಿಲನ ಕಾರ್ಯಕ್ರಮವನ್ನು ಅದ್ದೂರಿಯಾಗಿ ಆಯೋಜಿಸಲಾಗಿತ್ತು. ಲತಾಮಣಿ, ನಿಂಗೇಗೌಡ, ಅಬ್ದುಲ್ ಜಲೀಲ್, ಎಸ್.ರಾಜನಾಯಕ್, ವಿ.ಶಿವಣ್ಣ, ಸುಮಾ, ಮಾಲತಿ ಬಾಯಿ, ಅನ್ನಪೂರ್ಣ ಇತರರು ಇದ್ದರು.
ಕೆ.ಆರ್.ನಗರ ತಾಲೂಕಿನ ಚಂದಗಾಲು ಗ್ರಾಮದ ಸರ್ಕಾರಿ ಪ್ರೌಢಶಾಲೆ ಆವರಣದಲ್ಲಿ ಗುರುವಂದನಾ ಹಾಗೂ ಸ್ನೇಹಿತರ ಸಮ್ಮಿಲನ ಕಾರ್ಯಕ್ರಮವನ್ನು ಅದ್ದೂರಿಯಾಗಿ ಆಯೋಜಿಸಲಾಗಿತ್ತು. ಲತಾಮಣಿ, ನಿಂಗೇಗೌಡ, ಅಬ್ದುಲ್ ಜಲೀಲ್, ಎಸ್.ರಾಜನಾಯಕ್, ವಿ.ಶಿವಣ್ಣ, ಸುಮಾ, ಮಾಲತಿ ಬಾಯಿ, ಅನ್ನಪೂರ್ಣ ಇತರರು ಇದ್ದರು.
ವಸಂತಕುಮಾರ್ ಬಿ
Published on: 
ಕೆ.ಆರ್.ನಗರ: ಇತ್ತೀಚಿನ ದಿನಗಳಲ್ಲಿ ಮಕ್ಕಳು ಮತ್ತು ಪಾಲಕರು ಕನ್ನಡ ಮಾಧ್ಯಮದ ಬದಲು ಇಂಗ್ಲಿಷ್ ಮಾಧ್ಯಮದ ಕಡೆ ವಾಲುತ್ತಿದ್ದು, ಇದೆ ರೀತಿ ಮುಂದುವರಿದರೆ 2030ರೊಳಗೆ ಸರ್ಕಾರಿ ಶಾಲೆಗಳನ್ನು ಮುಚ್ಚಬೇಕಾಗುತ್ತದೆ ಎಂದು ಬೆಂಗಳೂರಿನ ಮಲ್ಲೇಶ್ವರಂ ಕ್ಷೇತ್ರ ಶಿಕ್ಷಣಾಧಿಕಾರಿ ಲತಾಮಣಿ ಕಳವಳ ವ್ಯಕ್ತಪಡಿಸಿದರು.

ತಾಲೂಕಿನ ಚಂದಗಾಲು ಗ್ರಾಮದ ಸರ್ಕಾರಿ ಪ್ರೌಢಶಾಲೆ ಆವರಣದಲ್ಲಿ 2003-04ನೇ ಬ್ಯಾಚ್‌ನ ಹಳೇ ವಿದ್ಯಾರ್ಥಿಗಳಿಂದ ಇತ್ತೀಚೆಗೆ ಆಯೋಜಿಸಿದ್ದ ಅದ್ದೂರಿ ಗುರುವಂದನಾ ಹಾಗೂ ಸ್ನೇಹಿತರ ಸಮ್ಮಿಲನ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಪಾಲಕರು ಹಾಗೂ ಹಿರಿಯ ವಿದ್ಯಾರ್ಥಿಗಳು ಮನಸ್ಸು ಮಾಡಿದರೆ ಸರ್ಕಾರಿ ಶಾಲೆಯಲ್ಲಿಯೂ ಇಂಗ್ಲಿಷ್ ಮಾಧ್ಯಮ ಆರಂಭಿಸಲು ಅವಕಾಶವಿದೆ. ನೀವೆಲ್ಲ ಸ್ಥಳೀಯ ಶಾಸಕರೊಂದಿಗೆ ಮಾತನಾಡಿ ಸರ್ಕಾರಿ ಶಾಲೆಗಳನ್ನು ಉಳಿಸಬೇಕು ಎಂದು ಸಲಹೆ ನೀಡಿದರು.

ಈ ಊರಿನಲ್ಲಿ ನಾನು ಮುಖ್ಯಶಿಕ್ಷಕಿಯಾಗಿ ಕಾರ್ಯ ನಿರ್ವಹಿಸುವಾಗ ಒಂದು ಪ್ರೌಢಶಾಲೆ ಬಾಡಿಗೆ ಮನೆಯಲ್ಲಿ ನಡೆಯುತಿತ್ತು. ಅಂದಿನ ಶಾಲೆಯ ಮಕ್ಕಳೊಂದಿಗೆ ನಾನು ತಾಪಂ ಮತ್ತು ತಾಲೂಕು ಕಚೇರಿ ಮುಂದೆ ಪ್ರತಿಭಟನೆ ಮಾಡಿದರ ಫಲವಾಗಿ ಎಚ್.ವಿಶ್ವನಾಥ್ ಅವರು ಸ್ವಂತ ಕಟ್ಟಡ ಮಂಜೂರು ಮಾಡಿಸಿದರು. ಇದರಿಂದ ಸಾವಿರಾರು ವಿದ್ಯಾರ್ಥಿಗಳು ಹೈಸ್ಕೂಲ್ ಶಿಕ್ಷಣ ಪಡೆಯಲು ಸಾಧ್ಯವಾಯಿತು ಎಂದು ಸ್ಮರಿಸಿದರು.

ಈ ಕಾರ್ಯಕ್ರಮ ತುಂಬ ಅರ್ಥಪೂರ್ಣವಾಗಿದ್ದು, ನಮ್ಮ ಸಂಸ್ಕೃತಿಯನ್ನು ಎತ್ತಿ ಹಿಡಿಯುತ್ತದೆ. ಹಳೇ ವಿದ್ಯಾರ್ಥಿ ಬಳಗ ನಮ್ಮನ್ನೆಲ್ಲ ನೆನಪಿಸಿಕೊಂಡು ಕರೆದು ಒಂದೇ ವೇದಿಕೆಯಲ್ಲಿ ಸೇರಿ ಹಳೇ ನೆನಪಿನ ಬುತ್ತಿ ಬಿಚ್ಚುವಂತೆ ಮಾಡಿದೆ. ಇದಕ್ಕಾಗಿ ನಾನು ನಿಮಗೆ ಧನ್ಯವಾದ ತಿಳಿಸುತ್ತೇನೆ. ಎಲ್ಲರೂ ಸೇರಿ ಸರ್ಕಾರಿ ಶಾಲೆಗಳನ್ನು ಉಳಿಸುವ ಕಾರ್ಯವನ್ನು ಮಾಡೋಣ ಎಂದರು.

ನಿವೃತ್ತ ಉಪನ್ಯಾಸಕ ನಿಂಗೇಗೌಡ, ನಿವೃತ್ತ ಮುಖ್ಯ ಶಿಕ್ಷಕರಾದ ಅಬ್ದುಲ್ ಜಲೀಲ್, ಎಸ್.ರಾಜನಾಯಕ್, ವಿ.ಶಿವಣ್ಣ, ಶಿಕ್ಷಕರಾದ ಟಿ.ಬೋರೇಗೌಡ, ಸುಮಾ, ಮಾಲತಿ ಬಾಯಿ, ಅನ್ನಪೂರ್ಣ ಮಾತನಾಡಿದರು.

ಕಾರ್ಯಕ್ರಮಕ್ಕೆ ಆಗಮಿಸಿದ ನೆಚ್ಚಿನ ಗುರುಗಳನ್ನು ಪೂರ್ಣಕುಂಭ, ಮಂಗಳವಾದ್ಯದೊಂದಿಗೆ ಮೆರವಣಿಗೆ ಮೂಲಕ ಅದ್ದೂರಿಯಾಗಿ ಬರಮಾಡಿಕೊಳ್ಳಲಾಯಿತು. ಹಿರಿಯ ವಿದ್ಯಾರ್ಥಿಗಳು ತಮ್ಮ ತಮ್ಮ ಬೆಂಚುಗಳಲ್ಲಿ ಕುಳಿತು ಶಿಕ್ಷಕರೊಂದಿಗೆ ಶಾಲೆಯ ದಿನಗಳ ನೆನಪುಗಳನ್ನು ಮೆಲುಕು ಹಾಕಿದರು.
ಪ್ರಿಯಾಂಕಾ, ದಿನೇಶ್ ಕುಮಾರ್, ವೆಂಕಟೇಶ್, ಪ್ರಮೋದ್, ನಂದೀಶ್ ಆರಾಧ್ಯ, ಇಮ್ರಾನ್, ಸಿ.ಕೆ.ಮಂಜು, ವಿಜೇಂದ್ರ, ನಾಗಭೂಷಣ, ಸಿ.ಬಿ.ರಾಜು, ರಾಜೇಶ, ಸಿ.ಎನ್.ಮಂಜು, ನಿತಿನ್, ಪ್ರಕಾಶ, ಅನಿಲ್, ಬಸವರಾಜು, ಚೇತನ್, ಮೋಹನ್, ಮುರುಳಿ, ಪ್ರಭಾವತಿ, ಸುನೀತಾ, ಕಾವ್ಯಾ, ಸಿ.ಆರ್.ಶಿಲ್ಪಾ, ಆಶಾ, ಚೈತ್ರಾ, ನಂದಿನಿ, ಸ್ಮಿತಾ, ಶಶಿರೇಖಾ, ಸಿ.ಎಸ್.ಶಿಲ್ಪಾ, ವಿನಯ್, ರವಿಕುಮಾರ್, ಅಮೂಲ್ಯ, ಸೌಮ್ಯಾ, ಎಸ್‌ಡಿಎಂಸಿ ಮಾಜಿ ಅಧ್ಯಕ್ಷ ಬಿ.ಮಹದೇವ್, ಗ್ರಾಮದ ಮುಖಂಡರಾದ ಜಗದೀಶ್, ನಿಶಾಂತ, ಡಿಂಡಿಮ, ಪೂರ್ಣಿಮಾ ನರೇಂದ್ರಬಾಬು, ರಾಜಲಕ್ಷ್ಮೀ, ರಾಜಮ್ಮರಾಚೋಟ್ಟಿಗೌಡ ಇತರರು ಇದ್ದರು.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net