ರಾಜ್ಯ

ಸಾರ್ವಜನಿಕ ಸೇವೆಯಲ್ಲಿ ಮುಂದಿದೆ ರೋಟರಿ / DABASPETE

ನರಸೀಪುರ ಸರ್ಕಾರಿ ಆಸ್ಪತ್ರೆಗೆ ಸೋಂಪುರ ರೋಟರಿ ವತಿಯಿಂದ ಕಂಪ್ಯೂಟರ್​ ಅನ್ನು ರೋಟರಿ ಕ್ಲಬ್​ ಅಧ್ಯಕ್ಷ ದೇವರಾಜು ಕೊಡುಗೆಯಾಗಿ ನೀಡಿದರು. ಮುಖಂಡರಾದ ಬೈರಣ್ಣ, ವಿಶ್ವನಾಥ್​ಬಾಬು, ವೈದ್ಯರಾದ ತೇಜಸ್​, ಕ್ಲಬ್​ನ ಕಾರ್ಯದರ್ಶಿ ಯುವರಾಜು, ಖಜಾಂಚಿ ಮಂಗಳಮ್ಮ ಹಾಗೂ ಆಸ್ಪತ್ರೆ ಸಿಬ್ಬಂದಿ ಇದ್ದರು.
ನರಸೀಪುರ ಸರ್ಕಾರಿ ಆಸ್ಪತ್ರೆಗೆ ಸೋಂಪುರ ರೋಟರಿ ವತಿಯಿಂದ ಕಂಪ್ಯೂಟರ್​ ಅನ್ನು ರೋಟರಿ ಕ್ಲಬ್​ ಅಧ್ಯಕ್ಷ ದೇವರಾಜು ಕೊಡುಗೆಯಾಗಿ ನೀಡಿದರು. ಮುಖಂಡರಾದ ಬೈರಣ್ಣ, ವಿಶ್ವನಾಥ್​ಬಾಬು, ವೈದ್ಯರಾದ ತೇಜಸ್​, ಕ್ಲಬ್​ನ ಕಾರ್ಯದರ್ಶಿ ಯುವರಾಜು, ಖಜಾಂಚಿ ಮಂಗಳಮ್ಮ ಹಾಗೂ ಆಸ್ಪತ್ರೆ ಸಿಬ್ಬಂದಿ ಇದ್ದರು.
ಬೆಂಗಳೂರು ಗ್ರಾಮಾಂತರ ಡೆಸ್ಕ್
Published on: 
ದಾಬಸ್​ಪೇಟೆ : ಸಾರ್ವಜನಿಕ ಸೇವಾ ಕಾರ್ಯಕ್ಕೆ ರೋಟರಿ ಸಂಸ್ಥೆ ಹಲವು ವರ್ಷಗಳಿಂದ ಸ್ಪಂದಿಸಿಕೊಂಡು ಬರುತ್ತಿದೆ ಎಂದು ಸೋಂಪುರ ರೋಟರಿ ಕ್ಲಬ್​ ಅಧ್ಯಕ್ಷ ದೇವರಾಜು ತಿಳಿಸಿದರು.
ನೆಲಮಂಗಲ ತಾಲೂಕಿನ ಸೋಂಪುರ ಹೋಬಳಿಯ ನರಸೀಪುರ ಸರಕಾರಿ ಆರೋಗ್ಯ ಕೇಂದ್ರಕ್ಕೆ ಕಂಪ್ಯೂಟರ್​ ಕೊಡುಗೆ ನೀಡಿ ಮಾತನಾಡಿದರು. ಸೋಂಪುರ ಕ್ಲಬ್​ ವತಿಯಿಂದ ಸರ್ಕಾರಿ ಮತ್ತು ಅನುದಾನಿತ ಶಾಲೆಗಳಿಗೆ ಕಂಪ್ಯೂಟರ್​, ಸ್ಮಾರ್ಟ್​ ಕ್ಲಾಸ್​ರೂಂ, ಶೌಚಗೃಹ, ಮಕ್ಕಳಿಗೆ ಆರೋಗ್ಯ ತಪಾಸಣೆ ಸೇರಿ ಅನೇಕ ಸೇವಾ ಕಾರ್ಯಗಳನ್ನು ನಡೆಸಿಕೊಂಡು ಬರುತ್ತಿದ್ದೇವೆ. ನರಸೀಪುರ ಸರ್ಕಾರಿ ಆಸ್ಪತ್ರೆಯ ವೈದ್ಯರ ಬೇಡಿಕೆ ಮೇರೆಗೆ ಕಂಪ್ಯೂಟರ್​ ನೀಡುತ್ತಿದ್ದೇವೆ ಎಂದರು.
ನರಸೀಪುರ ಗ್ರಾಪಂ ಮಾಜಿ ಅಧ್ಯಕ್ಷ ನಾಗರಾಜು ಮಾತನಾಡಿ, ರೋಟರಿ ಕ್ಲಬ್​ ವತಿಯಿಂದ ಪರಿಸರ ಜಾಗೃತಿ, ಆರೋಗ್ಯದ ಅರಿವು, ಜಲಸಂರಕ್ಷಣೆ, ಶಾಲಾ ಮಕ್ಕಳ ಅವಶ್ಯಕತೆಗೆ ಅನುಗುಣವಾಗಿ ಕ್ಲಬ್​ ಸದಸ್ಯರು ಸಹಾಯ ಮಾಡುತ್ತಿರುವುದು ತುಂಬಾ ಸಂತೋಷದ ಸಂಗತಿ.ಮುಂದೆಯೂ ಸದಸ್ಯರಿಗೆ ಸಮಾಜ ಸೇವೆ ಮಾಡುವ ಶಕ್ತಿ ಹೆಚ್ಚಾಗಲಿ ಎಂದರು.
ಅಬ್ಬಿಗೆರೆ ರೋಟರಿ ಕ್ಲಬ್​ನ ಅಧ್ಯಕ್ಷ ಸತೀಶ್​ ಮಾತನಾಡಿ, ಗ್ರಾಮೀಣ ಪ್ರದೇಶದಲ್ಲಿ ಸೋಂಪುರ ರೋಟರಿ ವತಿಯಿಂದ ಉತ್ತಮ ಕಾರ್ಯಗಳು ನಡೆಯುತ್ತಿದ್ದು, ನಾನು ಸಹ ಇಂದು ನಿಮ್ಮೊಂದಿಗೆ ಕೈಜೋಡಿಸುವ ಅವಕಾಶ ದೊರೆತಿರುವುದು ಸಂತಸ ತಂದಿದೆ ಎಂದರು.
dabaspete
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net