ಮಾ.10ರಂದು ರಾತ್ರಿ ಸ್ನೇಹಿತನ ಹುಟ್ಟುಹಬ್ಬದ ಹಿನ್ನೆಲೆಯಲ್ಲಿ ಆರು ಮಂದಿ ಪ್ರತಿಷ್ಠಿತ ಖಾಸಗಿ ಕಾಲೇಜು ಹಿಂಭಾಗ ಪಾರ್ಟಿ ಮಾಡಲು ಸೇರಿದ್ದರು. ತಂದಿದ್ದ ಮದ್ಯ ಮುಗಿದ ಮೇಲೆ ಮತ್ತಷ್ಟು ಕುಡಿಯಲು ಇಚ್ಛಿಸಿದ್ದು, ಆದರೆ, ಹಣವಿರಲಿಲ್ಲ. ಹೇಗಾದರೂ ಮಾಡಿ ಹಣ ಹೊಂದಿಸಿ ಮದ್ಯ ಸೇವಿಸಲೇಬೇಕು ಎಂದು ನಿರ್ಧರಿಸಿದ ದುರುಳರು, ರಾತ್ರಿ 12.40ರ ಸುಮಾರಿಗೆ ಕಾಲೇಜು ಬಳಿಯ ಹೈವೇಗೆ ಬಂದಿದ್ದರು. ಅದೇ ಸಮಯದಲ್ಲಿ ಕೆಲಸದ ನಿಮಿತ್ತ ಪಿಜಿಯಿಂದ ಹೊರಬಂದಿದ್ದ ಕಾಲೇಜಿನ ಇಬ್ಬರು ವಿದ್ಯಾರ್ಥಿಗಳನ್ನು ಈ ತಂಡ ಅಡ್ಡಗಟ್ಟಿದೆ. ಕುಡಿದ ಅಮಲಿನಲ್ಲಿ ವಿದ್ಯಾರ್ಥಿಗಳ ಮೇಲೆ ಹಲ್ಲೆ ನಡೆಸಿ, ಅವರ ಬಳಿಯಿದ್ದ ಮೊಬೈಲ್ ಹಾಗೂ ನಗದು ಕಸಿದುಕೊಂಡಿದ್ದಾರೆ. ಅಷ್ಟೇ ಅಲ್ಲದೆ, ಬಲವಂತವಾಗಿ ಆನ್ಲೈನ್ ಮೂಲಕವೂ ಹಣ ವರ್ಗಾಯಿಸಿಕೊಂಡು ಪರಾರಿಯಾಗಿದ್ದರು.
