ರಾಜ್ಯದಲ್ಲಿ ಪ್ರತಿನಿತ್ಯ 10 ಲಕ್ಷ ಜನರಿಗೆ ಇಕೆವೈಸಿ ಗುರಿ- e-KYC

ಕಾರ್ಡ್‌ನ ಪ್ರತಿ ಸದಸ್ಯರು ನ್ಯಾಯಬೆಲೆ ಅಂಗಡಿಗಳಿಗೆ ತೆರಳಿ ಇಲಾಖೆಯಿಂದ ನೀಡಿರುವ ಲಾಗಿನ್ ಐಡಿಯಲ್ಲೇ ಇಕೆವೈಸಿ ಮಾಡಿಸತಕ್ಕದು. ಕಾರ್ಡ್ ಸಂಖ್ಯೆ ನಮೂದಿಸಿದರೆ ಎಷ್ಟು ಸದಸ್ಯರು ಇದ್ದಾರೆ ಎಂಬುದರ ಬಗ್ಗೆ ಮಾಹಿತಿ ಸಿಗಲಿದೆ. ಬಳಿಕ, ಎಲ್ಲರೂ ಆಧಾರ್ ದೃಢೀಕರಣ ಮಾಡಿಸಬೇಕು. ಇಲ್ಲವಾದರೆ ಪಡಿತರ ಚೀಟಿಯಿಂದ ದೊರೆಯುವ ಸರ್ಕಾರಿ ಸೌಲಭ್ಯ ಸ್ಥಗಿತವಾಗಲಿದೆ.

ಮನೆಯಲ್ಲಿ ಕುಳಿತು ಇಕೆವೈಸಿ ಪೂರ್ಣಗೊಳಿಸಲು ಇಲಾಖೆ, ಮೊಬೈಲ್ ಅಪ್ಲಿಕೇಶನ್ ಅಭಿವೃದ್ಧಿಪಡಿಸಿದೆ. ಗೂಗಲ್ ಪ್ಲೇ ಸ್ಟೋರ್‌ನಿಂದ ‘ಮೇರಾ ರೇಷನ್’ ಅಥವಾ ‘ಮೇರಾ ಇಕೆವೈಸಿ’ ಆ್ಯಪ್ ಡೌನ್‌ಮಾಡಿಕೊಳ್ಳಬೇಕು. ಇದರ ಜತೆಗೆ ಮುಖದ ಗುರುತು ಪತ್ತೆ ಹಚ್ಚಲು ‘ಆಧಾರ್ ಪೇಸ್-ಆರ್‌ಡಿ’(ಎಇಪಿಡಿಎಸ್) ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಬೇಕು. ಬಳಿಕ, ಮೇರಾ ರೇಷನ್’ ಆ್ಯಪ್‌ನಲ್ಲಿ ಆಧಾರ್ ಸಂಖೆ ನಮೂದಿಸಬೇಕು. ನಂತರ, ಆಧಾರ್ ಸಂಖ್ಯೆಗೆ ಜೋಡಣೆಯಾಗಿರುವ ಮೊಬೈಲ್ ಸಂಖ್ಯೆಗೆ ಒಟಿಪಿ ಬರಲಿದೆ. ಲಾಗಿನ್ ಆದ ನಿಮ್ಮ ಕುಟುಂಬದ ಪಡಿತರ ಚೀಟಿಯಲ್ಲಿರುವ ಎಲ್ಲ ಸದಸ್ಯರ ಹೆಸರುಗಳು ಕಾಣಿಸಲಿವೆ.

ಹೋಂ ಪೇಜ್‌ನಲ್ಲಿ ಮ್ಯಾನೇಜ್ ಫ್ಯಾಮಿಲಿ ಡಿಟೇಲ್ಸ್ ಆಯ್ಕೆ ಮಾಡಿದರೆ, ಯಾರ ಇಕೆವೈಸಿ ಬಾಕಿ ಇದೆ ಎಂಬ ಮಾಹಿತಿ ಸಿಗಲಿದೆ. ಆಗ ‘ಫೇಸ್ ಅಥೆಂಟಿಕೇಷನ್’ ಆಯ್ಕೆ ಮಾಡಿದರೆ ಮೊಬೈಲ್ ಕ್ಯಾಮೆರಾ ಆನ್ ಆಗುತ್ತದೆ. ಇಕೆವೈಸಿ ಮಾಡಬೇಕಾದವರ ಮುಖವನ್ನು ಸ್ಕ್ಯಾನ್ ಮಾಡಬೇಕು. ಆಗ ಆಧಾರ್‌ಗೆ ಜೋಡಣೆಯಾಗಿರುವ ಮೊಬೈಲ್ ಸಂಖ್ಯೆಗೆ ಒಟಿಪಿ ಬರುತ್ತದೆ. ಅದನ್ನು ನಮೂದಿಸಿ ದೃಢೀಕರಿಸಬಹುದು. ಮುಖದ ಗುರುತು ಯಶಸ್ವಿಯಾಗಿ ಹೊಂದಾಣಿಕೆಯಾದ ನಂತರ ‘ಸಬ್‌ಮೀಟ್’ ಬಟನ್ ಒತ್ತಿದರೆ ಇ-ಕೆವೈಸಿ ಪ್ರಕ್ರಿಯೆ ಪೂರ್ಣಗೊಳ್ಳಲಿದೆ. ಮೊಬೈಲ್‌ನಲ್ಲಿ ಇಕೆವೈಸಿ ಮಾಡುವ ಸಂದರ್ಭದಲ್ಲಿ ತಾಂತ್ರಿಕ ಸಮಸ್ಯೆ ಎದುರಾಗಬಹುದು.