ಪೂರ್ವಿಕರ ಸಂಪ್ರದಾಯಕ್ಕೆ ಮರುಜೀವ

ಬೂದಿಕೋಟೆ:

ಬಿತ್ತಿದ ಬೆಳೆಗಳು ಒಣಗುವ ಭೀತಿ, ಕೆರೆ-ಕಟ್ಟೆಗಳು ಬತ್ತಿದ ಆತಂಕ, ಜಾನುವಾರುಗಳಿಗೆ ಮೇವು ಮತ್ತು ನೀರಿನ ಕೊರತೆ ಹೀಗೆ ಹಲವು ಸಮಸ್ಯೆಗಳನ್ನು ತಂದೊಡ್ಡಿದ ಮಳೆರಾಯ ರೈತರನ್ನು ಆತಂಕಕ್ಕೀಡು ಮಾಡಿದ್ದಾನೆ. ರೈತ ಕುಟುಂಬಗಳು ಮಳೆಯನ್ನೇ ನೆಚ್ಚಿಕೊಂಡು ಜೀವನ ನಡೆಸುತ್ತಿದ್ದು, ಉಪಕಸುಬುಗಳಿಗೂ ಸಹ ವರುಣದೇವ ಬೇಕೆ ಬೇಕು.

ಹಿಂದೆ ಮಳೆ ಬಾರದಾಗ ಹಿರಿಯರು ಊರಿನಲ್ಲಿ ಕೋಲಾಟ ಆಯೋಜಿಸಿ ಮಳೆರಾಯನಿಗೆ ಪೂಜೆ ಸಲ್ಲಿಸುತ್ತಿದ್ದರು. ಕೋಲಾಟ ಮುಗಿದ ದಿನವೇ ರಾತ್ರಿ ಮಳೆ ಬರುತ್ತಿತ್ತು ಎಂಬುದು ಹಿರಿಯರ ನಂಬಿಕೆ. ಆ ಸಂಪ್ರದಾಯವನ್ನು ಇಂದಿನ ಪೀಳಿಗೆಗೆ ಪರಿಚಯಿಸಿ, ನಮ್ಮ ಸಂಸತಿ ಉಳಿಸುವ ಉದ್ದೇಶದಿಂದ ಮತ್ತೆ ಕೋಲಾಟ ನಡೆಸುತ್ತಿದ್ದೇವೆ.

— ವೆಂಕಟಸ್ವಾಮಿ ರೈತ ಮುಖಂಡ