ಕುಡಿಯುವ ನೀರಿನ ಸಮಸ್ಯೆಗೆ ಸ್ಪಂದಿಸಿ

ಚಿಂಚೋಳಿ : ತಾಲೂಕಿನ ಹಲವು ಗ್ರಾಮಗಳಲ್ಲಿ ಕುಡಿಯುವ ನೀರಿನ ಸಮಸ್ಯೆ ತಲೆದೂರಿದ್ದು, ಅಧಿಕಾರಿಗಳು ಕೇಂದ್ರ ಸ್ಥಾನದಲ್ಲಿದ್ದು ಸಮಸ್ಯೆಗೆ ಸ್ಪಂದಿಸಬೇಕು ಎಂದು ಶಾಸಕ ಡಾ.ಅವಿನಾಶ ಜಾಧವ್​ ಸೂಚನೆ ನೀಡಿದರು.

ಪ್ರಜಾಸೌಧ ಸಭಾಂಗಣದಲ್ಲಿ ಬುಧವಾರ ಹಮ್ಮಿಕೊಂಡಿದ್ದ ತಾಲೂಕು ವಿಪತ್ತು ನಿರ್ವಾಹಣಾ ಪ್ರಾಧಿಕಾರ ಸಮಿತಿ ಸಭೆಯಲ್ಲಿ ಅಧ್ಯಕ್ಷತೆ ವಹಿಸಿ ಮಾತನಾಡಿ, ಚಿಮ್ಮನಚೋಡದ ಸುಂದರ ನಗರ, ಚಿಮ್ಮಾಇದಲಾಯಿ, ದಸ್ತಾಪುರ, ಕುಸರಂಪಳ್ಳಿ, ಬಿಕ್ಕುನಾಯಕ ತಾಂಡಾ, ಬಾವನಗುಡಿ ತಾಂಡಾ, ಲಚ್ಚುನಾಯಕ ತಾಂಡಾ, ಗೋಪು ನಾಯಕ ತಾಂಡಾ, ಬೆನಕೆಪಳ್ಳಿ, ಮೋನುನಾಯಕ ತಾಂಡಾ, ಕಲಬಾವಿ ತಾಂಡಾ, ಧರ್ಮಸಾಗರ ಸೇರಿ ವಿವಿಧೆಡೆ ನೀರಿನ ಸಮಸ್ಯೆ ಕಾಣಿಸಿಕೊಂಡಿದೆ. ಕೂಡಲೇ ಭೇಟಿ ನೀಡಿ ಸಮರ್ಪಕ ನೀರು ಸರಬರಾಜಿಗೆ ಕ್ರಮ ಕೈಗೊಳ್ಳಬೇಕು ಎಂದು ತಾಕೀತು ಮಾಡಿದರು.

ಪುನರ್ವಸವತಿ ಗ್ರಾಮಗಳ ಕಾರ್ಯ ಮುಗಿದು ಸಾಕಷ್ಟು ವರ್ಷಗಳಾಗಿದ್ದು, ಶ್ರೀವೇ ಸ್ಥಳ ಮಹಜರ ಮಾಡಿ ಸ್ಥಿತಿ&ಗತಿಯನ್ನು ಪರಿಶೀಲನೆ ಮಾಡಬೇಕು. ಫೋಟೋ, ವರದಿಯೊಂದಿಗೆ ಗ್ರಾಮ ಪಂಚಾಯತಿ ಸುಪರ್ದಿಗೆ ಪಡೆದುಕೊಳ್ಳಬೇಕು. ಅವಳಿ ಪಟ್ಟಣದ ಹಳೆಯ ಅಂಚೆ ಕಚೇರಿ ಬಳಿ ಹಾಗೂ ಚಂದಾಪುರದ ವಿವಿಧಡೆ ಕುಡಿವ ನೀರು, ಚರಂಡಿ ಸ್ವಚ್ಚತೆ ಕುರಿತು ದೂರುಗಳಿವೆ. ಕೂಡಲೇ ಸಮಸ್ಯೆಗೆ ಪರಿಹಾರ ಕಲ್ಪಿಸಬೇಕು ಎಂದು ಪುರಸಭೆ ಮುಖ್ಯಾಧಿಕಾರಿ ಕಾಶಿನಾಥ ಧನ್ನಿಗೆ ಸೂಚನೆ ನೀಡಿದರು.

ತಹಸೀಲ್ದಾರ್​ ಸುಬ್ಬಣ್ಣ ಜಮಖಂಡಿ, ತಾಪಂ ಇಒ ಸಂತೋಷಕುಮಾರ ಚವ್ಹಾಣ್​, ಟಿಎಚ್​ಒ ಡಾ.ಮಹ್ಮದ್​ ಗಫಾರ್​, ಸಹಾಯಕ ಕೃಷಿ ನಿರ್ದೇಶಕ ವೀರಶೆಟ್ಟಿ ರಾಠೋಡ್​, ತೋಟಗಾರಿಕೆ ಸಹಾಯಕ ನಿರ್ದೇಶಕ ಸಂತೋಷ ತಾಂಡೂರಕರ್​, ಪಶು ಅಧಿಕಾರಿ ಮಲ್ಲಿಕಾರ್ಜುನ ಗುತ್ತೇದಾರ್​, ಪುರಸಭೆ ಮುಖ್ಯಾಧಿಕಾರಿ ಕಾಶಿನಾಧ ಧನ್ನಿ, ಶಿಶು ಅಭಿವೃದ್ಧಿ ಅಧಿಕಾರಿ ಸವಿತಾ ಮಡಿವಾಳ, ೇತ್ರ ಶಿಣಾಧಿಕಾರಿ ವಿ.ಲ್ಮಯ್ಯ, ಸಮಾಜ ಕಲ್ಯಾಣ ಅಧಿಕಾರಿ ಡಾ.ಶ್ರುತಿ ಇತರರಿದ್ದರು.