ಬೇಡಿಕೆ ಈಡೇರಿಕೆಗೆ ಮನವಿ

ಚಿಂತಾಮಣಿ ತಾಲೂಕು ಕರ್ನಾಟಕ ಅಂಗನವಾಡಿ ನೌಕರರ ಸಂಘದ ಸದಸ್ಯರು ಶಾಸಕರ ನಿವಾಸಕ್ಕೆ ಭಾನುವಾರ ಭೇಟಿ ನೀಡಿ, ಬೇಡಿಕೆಗಳ ಈಡೇರಿಕಗಾಗಿ ಮನವಿ ಸಲ್ಲಿಸಿದರು.

ಮನವಿ ಸ್ವೀಕರಿಸಿ ಮಾತನಾಡಿದ ಶಾಸಕರು, ಅಂಗನವಾಡಿ, ಸರ್ಕಾರಿ ಶಾಲೆಗಳು ಉಳಿಯಬೇಕು. ಕೆಲವು ಕಡೆ ಕಟ್ಟಡಗಳಿವೆ ಮತ್ತೊಂದು ಕಡೆ ಕಟ್ಟಡಗಳು ಶಿಥಿಲವಾಗಿವೆ. ಇನ್ನೂ ಕೆಲವು ಕಡೆ ನಿವೇಶನದ ಕೊರತೆ ಇದೆ. ಇವುಗಳ ಬಗ್ಗೆ ಮಾಹಿತಿ ಪಡೆಯಲಾಗಿದೆ. ನಿಮ್ಮ ಬೇಡಿಕೆ ಈಡೇರಿಸಲು ಸರ್ಕಾರದ ಬಳಿ ಧ್ವನಿ ಎತ್ತುತ್ತೇನೆ ಎಂದು ತಿಳಿಸಿದರು.

ಸಿಐಟಿಯು ತಾಲೂಕು ಅಧ್ಯೆ ಆರ್​.ಆಂಜಲಮ್ಮ ಮಾತನಾಡಿ, ಈ ಹಿಂದೆ ನಾವು ಹೋರಾಟ ಮಾಡಿದ್ದ ಸಮಯದಲ್ಲಿ ಮಕ್ಕಳ ಕಲ್ಯಾಣ ಇಲಾಖೆ ಸಚಿವೆ ಲಕ್ಷಿ$್ಮಹೆಬ್ಬಾಳ್ಕರ್​ ನಮ್ಮ ಮನವಿ ಸ್ವೀಕರಿಸಿ, ಪ್ರಸಕ್ತ ವರ್ಷದಲ್ಲಿ ಎಲ್​ಕೆಜಿ, ಯುಕೆಜಿ ದಾಖಲಾತಿ ಅಂಗನವಾಡಿ ಶಾಲೆಗಳಲ್ಲಿ ಪ್ರಾರಂಭಿಸಲು ಬಜೆಟ್​ನಲ್ಲಿ ಘೋಷಣೆ ಮಾಡುತ್ತೇವೆ ಎಂದು ಹೇಳಿದ್ದರು. ಆದರೆ ಈಗ ರಾಜ್ಯಾದ್ಯಂತ ಪಬ್ಲಿಕ್​ ಶಾಲೆ ಪ್ರಾರಂಭ ಮಾಡಲು ಮುಂದಾಗಿದ್ದಾರೆ. ನಮಗೆ ನೀಡಿರುವ ಆಶ್ವಾಸನೆ ಈಡೇರಲಿಲ್ಲ ಎಂದರು.

ಬಿಎಲ್​ಒ ಜವಾಬ್ದಾರಿ ನಮಗೆ ಬೇಡ. ಮೊಬೈಲ್​ನಲ್ಲಿ ತಂತ್ರಾಂಶ ರೂಪಿಸಲು ನಮಗೆ ನೀಡಿರುವ ಮೊಬೈಲ್​ ಸರಿಯಾಗಿ ಕೆಲಸ ಮಾಡುತ್ತಿಲ್ಲ. ಸೂಕ್ತ ಟವರ್​ ಸಿಗುತ್ತಿಲ್ಲ. ಹಲವಾರು ಸಮಸ್ಯೆ ಎದುರಿಸುತ್ತಿದ್ದೇವೆ ಎಂದು ಹೇಳಿದರು.