ಸಹಕಾರ ಸಂಘಗಳ ಹೆಚ್ಚುವರಿ ರಿಜಿಸ್ಟ್ರಾರ್​ಗಿದೆ ಕ್ರಯಪತ್ರ ರದ್ದು ಅಧಿಕಾರ| High court

ಕರ್ನಾಟಕ ಸಹಕಾರ ಸಂಘಗಳ (ಕೆಸಿಎಸ್​) ಕಾಯ್ದೆಯ ಸೆಕ್ಷನ್​ 70ರ ಅಡಿ ಸಂದ ರಿಜಿಸ್ಟ್ರಾರ್​ಗೆ ಅಪರಿಮಿತ ಅಧಿಕಾರವಿದೆ. ನಿಯಮಗಳ ಉಲ್ಲಂಘನೆಯಾಗಿದ್ದರೆ, ನೋಂದಾಯಿತ ಕ್ರಯಪತ್ರವನ್ನೂ ರದ್ದುಪಡಿಸಿ ಸಬ್​ ರಿಜಿಸ್ಟ್ರಾರ್​ಗೆ ಮುಂದಿನ ಕ್ರಮ ಕೈಗೊಳ್ಳುವಂತೆ ತಿಳಿಸಬಹುದು. ಇಂತಹ ಕ್ರಮ ಕೈಗೊಳ್ಳುವ ಮೊದಲು ಸಂಬಂಧಪಟ್ಟ ವ್ಯಕ್ತಿಗಳ ವಿಚಾರಣೆ ನಡೆಸಿ, ನೈಸರ್ಗಿಕ ನ್ಯಾಯದ ತತ್ವಗಳನ್ನು ಪಾಲಿಸುವುದು ಕಡ್ಡಾಯ ಎಂದು ನ್ಯಾಯಾಲಯ ಹೇಳಿದೆ. 

ಬಿಇಎಂಎಲ್​ ನೌಕರರ ಸಹಕಾರ ಸಂದ ಸದಸ್ಯ ಬಿ.ಎಂ. ಯೋಗೇಶ್​ಗೆ ಚನ್ನಸಂದ್ರದದಲ್ಲಿ ನಿವೇಶನ ಹಂಚಿಕೆ ಮಾಡಲಾಗಿತ್ತು. ಅವರು ಆ ನಿವೇಶನವನ್ನು ಸುರೇಶ್​ ಮತ್ತು ಬಾಸ್ಕರ್​ ಎಂಬವರಿಗೆ ಮಾರಾಟ ಮಾಡಿದ್ದರು. 2015ರಲ್ಲಿ ಭಾಸ್ಕರ್​ ತಮ್ಮ ಪಾಲು ಬಿಟ್ಟುಕೊಟ್ಟ ಕಾರಣ ನಿವೇಶನದ ಪೂರ್ಣ ಮಾಲಿಕತ್ವ ಸುರೇಶ್​ ಪಾಲಾಗಿತ್ತು. ಅದರಲ್ಲಿ ಅವರು ಬಹುಮಹಡಿ ಕಟ್ಟಡ ನಿರ್ಮಾಣ ಆರಂಭಿಸಿದ್ದರು. 

ಆದರೆ, ಹಿರಿತನದ ನಿಯಮ ಉಲ್ಲಂಘಿಸಿರುವುದರಿಂದ ಯೋಗೇಶ್​ಗೆ ನೀಡಿದ ಮೂಲ ಹಂಚಿಕೆ ಕಾನೂನುಬಾಹಿರವಾಗಿದೆ ಎಂದು ನೌಕರರ ಸಂದ ಆಡಳಿತ ಮಂಡಳಿ ಹೇಳಿತ್ತು. ಆ ಕ್ರಯಪತ್ರ ರದ್ದುಗೊಳಿಸುವಂತೆ ಮತ್ತು ಶೇ.18ರ ಬಡ್ಡಿಯೊಂದಿಗೆ 62 ಕೋಟಿ ರೂ.ಗಳಿಗೂ ಅಧಿಕ ಹಣವನ್ನು ಕ್ರಯಪತ್ರ ಮಾಡಿಕೊಟ್ಟಿದ್ದ ಸಂದ ಹಿಂದಿನ ಪದಾಧಿಕಾರಿಗಳಾದ ಜೆ. ಮುನ್ನಾಗಪ್ಪ ಮತ್ತು ಎನ್​. ರಾಮಕೃಷ್ಣ ಅವರಿಂದ ವಸೂಲಿ ಮಾಡುವಂತೆ ಸಹಕಾರ ಸಂಘಗಳ ಹೆಚ್ಚುವರಿ ರಿಜಿಸ್ಟ್ರಾರ್​ಗೆ ನೌಕರರ ಸಂಘ ಮನವಿ ಸಲ್ಲಿಸಿತ್ತು. ಅದನ್ನು ತಿರಸ್ಕರಿಸಲಾಗಿತ್ತು. 

ಕರ್ನಾಟಕ ಮೇಲ್ಮನವಿ ಪ್ರಾಧಿಕಾರವು ವಿಷಯವನ್ನು ಹೊಸದಾಗಿ ಪರಿಶೀಲಿಸಿ ತೀಮಾರ್ನಿಸುವಂತೆ ಹೆಚ್ಚುವರಿ ರಿಜಿಸ್ಟ್ರಾರ್​ಗೆ 2020ರ ಜು.9ರಂದು ನಿರ್ದೇಶನ ನೀಡಿತ್ತು. ಇದನ್ನು ಸುರೇಶ್​ ಹೈಕೋರ್ಟ್​ನಲ್ಲಿ ಪ್ರಶ್ನಿಸಿದ್ದರು. ಪ್ರಕರಣದ ವಿಚಾರಣೆ ನಡೆಸಿದ ನ್ಯಾಯಮೂರ್ತಿ ಸೂರಜ್​ ಗೋವಿಂದರಾಜ್​ ಅವರಿದ್ದ ಏಕಸದಸ್ಯ ನ್ಯಾಯಪೀಠ ಅರ್ಜಿ ವಜಾಗೊಳಿಸಿದೆ.