ಮೇಳೈಸಲಿವೆ ಜಾನಪದ ಕಲೆ : ಪ್ರಾರಂಭದ ವರ್ಷಗಳಲ್ಲಿ ಪ್ರತಿದಿನ ಮನೋರಂಜನೆಗಾಗಿ ಜಾನಪದ ಕಲೆಗಳಿಗೆ ಒತ್ತು ನೀಡಲಾಗಿತ್ತು. ಪ್ರತಿದಿನ ಹರಿಕಥೆ, ನಾಟಕ, ಕೊನೆಯ ದಿನ ಬಾಣ ಬಿರುಸು ಹೆಚ್ಚಿನದಾಗಿತ್ತು. ಇತ್ತೀಚೆಗೆ ಕಾನೂನಿನ ತೊಡಕು ಕಾರಣ ಪ್ರತಿದಿನ ಮನರಂಜನೆ ಕಾರ್ಯಕ್ರಮ ಇಲ್ಲ, ಸಾಂಪ್ರದಾಯಿಕ ಅಲಂಕಾರಕ್ಕೆ ಸೀಮಿತವಾಗಿದ್ದು, ಕೊನೆಯ ದಿನವಷ್ಟೇ ಹೂವಿನ ಪಲ್ಲಕ್ಕಿ, ತುಮಕೂರು ನಿಸಾರ್ ಅಹಮದ್ ಅವರ ಕರ್ನಾಟಕ ಫೈರ್ ವರ್ಕ್ಸ್ನಿಂದ ಬಾಣ ಬಿರುಸು, ಅತ್ತಿಬೆಲೆಯ ಎಂ.ಮುನಿಯಪ್ಪ ತಂಡದಿಂದ ಕೀಲು ಕುದುರೆ, ಮರಳಕುಂಟೆಯ ಹರ್ಷಕುಮಾರ್ ಮತ್ತು ತಂಡದವರಿಂದ ವೀರಗಾಸೆ, ದೊಡ್ಡರಾಜು ಮತ್ತು ತಂಡದವರಿಂದ ತಮಟೆ ವಾದ್ಯ ಸೇರಿ ಇನ್ನಿತರ ಹಲವಾರು ಜಾನಪದ ಕಲಾತಂಡಗಳು ಮೇಳೈಸಲಿವೆ. ಈಗ ದೇವರಾಜ ಮೊದಲಿಯಾರ್ ಮಕ್ಕಳಾದ ಟಿ.ಡಿ.ಕೇಶವನ್, ಶಿವರಾಜ್, ಸಂಬಂಧಿ ಸುನೀಲ್, ಸತೀಶ್ ಹಂದೆ, ನಾರಾಯಣ ಮೂರ್ತಿ, ಕಾಂತರಾಜು, ಮೂರ್ತಿ ಇತರರು ಆಚರಣೆಯನ್ನು ಮುಂದುವರಿಸಿದ್ದಾರೆ.
-spl-story-god-decoration_1772099864821.webp?w=480&auto=format%2Ccompress&fit=max)
