ಮೂಡಲಪಾಳ್ಯದಲ್ಲಿ ರಾಮರಾಜ್ ಕಾಟನ್ ಮಳಿಗೆ ಆರಂಭ

ಹಂಪಿ ಕನ್ನಡ ವಿವಿಯ ನಿವೃತ್ತ ಪ್ರಾಧ್ಯಾಪಕ ಹಾಗೂ ಸ್ಪರ್ಧಾ ವಿಜೇತ ಮಾಸಪತ್ರಿಕೆಯ ಸಂಸ್ಥಾಪಕ ಡಾ. ಕೆ.ಎಂ. ಸುರೇಶ್ ಮಳಿಗೆಯಲ್ಲಿ ಮೊದಲ ಉತ್ಪನ್ನವನ್ನು ಖರೀದಿ ಮಾಡಿದರು.

ನೂತನ ಮಳಿಗೆಯಲ್ಲಿ ಪ್ರೀಮಿಯಂ ಹತ್ತಿ ಬಟ್ಟೆಗಳಿಂದ ಸಿದ್ಧಪಡಿಸಲಾದ ಸಾಂಪ್ರದಾಯಿಕ ಹಾಗೂ ಆಧುನಿಕ ಶೈಲಿಯ ಉಡುಪುಗಳ ದೊಡ್ಡ ಸಂಗ್ರಹವೇ ಇದೆ. ವಿಶೇಷವಾಗಿ ಬಾರ್ಡರ್ ಧೋತಿ, ರಿಂಕಲ್-ಫ್ರೀ (ಸುಕ್ಕು ರಹಿತ) ಧೋತಿ, ಸುಗಂಧಭರಿತ ಧೋತಿ, ಎಂಬ್ರಾಯ್ಡರಿ ಧೋತಿ, ಪಂಚಕಚ್ಚಂ ಹಾಗೂ ರೇಷ್ಮೆ ಧೋತಿಗಳು ಗ್ರಾಹಕರ ಗಮನ ಸೆಳೆಯುತ್ತಿವೆ.

ಧೋತಿಗಳ ಜೊತೆಗೆ ಹತ್ತಿ, ಲಿನನ್, ಎಂಬ್ರಾಯ್ಡರಿ, ಸಿಲ್ಕ್ ಶರ್ಟ್‌ಗಳು ವಿವಿಧ ಬಣ್ಣಗಳಲ್ಲಿ ಲಭ್ಯವಿವೆ. ಪುರುಷರು, ಮಹಿಳೆಯರು ಸೇರಿ ಮಕ್ಕಳಿಗಾಗಿ ಬೇಕಾದ ಒಳ ಉಡುಪುಗಳು, ಬೆಲ್ಟ್, ಸಾಕ್ಸ್, ಟವೆಲ್‌ಗಳಿವೆ. ಮಹಿಳೆಯರಿಗಾಗಿ ವಿಶೇಷವಾದ ಹತ್ತಿ, ರೇಷ್ಮೆ ಸೀರೆಗಳು ಹಾಗೂ ಲೆಗ್ಗಿಂಗ್ಸ್ ಗಳ ಸಂಗ್ರಹವನ್ನೂ ಈ ಮಳಿಗೆ ಹೊಂದಿದೆ.

ರಾಮರಾಜ್ ಕಾಟನ್ ಸಂಸ್ಥೆಯ ಸಂಸ್ಥಾಪಕ ಕೆ.ಆರ್. ನಾಗರಾಜನ್ ಮಾತನಾಡಿ, ಬೆಂಗಳೂರಿನ ಗ್ರಾಹಕರಿಂದ ನಮಗೆ ದೊರೆಯುತ್ತಿರುವ ಅಪಾರ ಪ್ರೀತಿ,ಸ್ಪಂದನೆಗೆ ನಾವು ಕೃತಜ್ಞರಾಗಿದ್ದೇವೆ. ಅವರ ನಿರಂತರ ಬೆಂಬಲದಿಂದ ಮಳಿಗೆ ತೆರೆಯಲು ಸಾಧ್ಯವಾಗುತ್ತಿದೆ. ಮಳಿಗೆಯಲ್ಲಿ ಇಡೀ ಕುಟುಂಬಕ್ಕೆ ಶಾಪಿಂಗ್ ಅನುಭವ ನೀಡಲಿದೆ. ಒಂದೇ ಸೂರಿನಡಿ ಎಲ್ಲ ಶ್ರೇಣಿಯ ಉತ್ಪನ್ನಗಳು ದೊರೆಯಲಿವೆ ಎಂದರು. ವಿಜಯನಗರ ಎಜುಕೇಶನಲ್ ಅಕಾಡೆಮಿ ಕಾರ್ಯದರ್ಶಿ ಡಾ.ಎಸ್. ರಾಜು ಸೇರಿ ಮತ್ತಿತರರಿದ್ದರು.