ಎಚ್‌ಎಎಲ್ ಏರೋಸ್ಪೇಸ್ ಮ್ಯೂಸಿಯಂ ಅನಾವರಣ: ವಿಮಾನಗಳ ಕಲಾಕೃತಿಯ ಕಣ್ತುಂಬಿಕೊಳ್ಳುವ ಅವಕಾಶ-HAL

2001ರಲ್ಲಿ ಸ್ಥಾಪನೆಯಾದ ಎಚ್‌ಎಲ್ ಹೆರಿಟೇಜ್ ಸೆಂಟರ್ ಮತ್ತು ಏರೋಸ್ಪೇಸ್ ಮ್ಯೂಸಿಯಂ ದೇಶದ ಮೊದಲ ಏರೋಸ್ಪೇಸ್ ಮ್ಯೂಸಿಯಂ ಎಂಬ ಹೆಗ್ಗಳಿಕೆ ಹೊಂದಿದೆ. ವಸ್ತುಸಂಗ್ರಹಾಲಯದಲ್ಲಿ ವಿಮಾನದ ಕಲಾಕೃತಿಗಳ ಪ್ರದರ್ಶನ ನಡೆಯಲಿದೆ. ಈ ಪ್ರದರ್ಶನವು ನಾವೀನ್ಯತೆ, ಇಂಜಿನಿಯರಿಂಗ್ ಶ್ರೇಷ್ಠತೆ ಮತ್ತು ರಾಷ್ಟ್ರೀಯ ಸೇವೆಯ ಉತ್ಸಾಹಕ್ಕೆ ಹೊಸ ಅನುಭವ ನೀಡಲಿದೆ ಎಂದು ಡಾ.ಡಿ.ಕೆ.ಸುನಿಲ್ ಹೇಳುತ್ತಾರೆ. ಎಚ್‌ಎಎಲ್‌ನ ನಿರ್ದೇಶಕ ಡಾ.ಬರೇಣ್ಯ ಸೇನಾಪತಿ, (ಹಣಕಾಸು), ನಿರ್ದೇಶಕರಾದ ಕೆ.ರವಿ (ಕಾರ್ಯಾಚರಣೆ), ಎಂ.ಜಿ. ಬಾಲಸುಬ್ರಹ್ಮಣ್ಯ, (ಇಂಜಿನಿಯರಿಂಗ್ ) ಮತ್ತು ಅಜಯ್ ಕುಮಾರ್ ಶ್ರೀವಾಸ್ತವ ಸೇರಿ ಇತರ ಅಧಿಕಾರಿಗಳು ಉಪಸ್ಥಿತರಿದ್ದರು.

ವಸ್ತುಸಂಗ್ರಹಾಲಯವು ಹಿಂದೂಸ್ತಾನ್ ಟರ್ಬೊ ಫ್ಯಾನ್ ಇಂಜಿನ್ ಪ್ರತಿಕೃತಿ ಮತ್ತು ಎಚ್‌ಎಲ್‌ನ ಐಕಾನಿಕ್ ವಿಮಾನವಾದ ಪ್ರಚಂದ್, ತೇಜಸ್ ಒಳಗೊಂಡ 3ಡಿ ಅನಾಮಾರ್ಫಿಕ್ ರನ್‌ವೇ ಸೇರಿ ಇತರ ಅತ್ಯಾಧುನಿಕ ಸ್ಥಾಪನೆಯನ್ನು ಪ್ರದರ್ಶಿಸಲಿದೆ. ಚಲನ ಸ್ಥಾಪನೆ ಮತ್ತು ಹೊಲೊಗ್ರಾಮ್ ಫ್ಯಾನ್ ಪ್ರದರ್ಶನ ಇರಲಿದೆ.

ವಿಂಗ್ ವಿಮಾನಗಳು, ರೋಟರಿ-ವಿಂಗ್ ಪ್ಲಾಟ್‌ಫಾರ್ಮ್‌ಗಳು, ನಾಗರಿಕ ವಿಮಾನಯಾನ, ಇಂಜಿನ್‌ಗಳು ಮತ್ತು ಬಾಹ್ಯಾಕಾಶ ತಂತ್ರಜ್ಞಾನಗಳನ್ನು ಒಳಗೊಂಡ ಎಚ್‌ಎಲ್‌ನ ಪ್ರಮುಖ ಉತ್ಪನ್ನಗಳ ವಿವರವಾದ 3ಡಿ ಮಾದರಿ ಒಳಗೊಂಡಿದೆ. ಯುವ ಜನಾಂಗವನ್ನು ಪ್ರೇರೇಪಿಸಲು ವಿವಿಧ ಕ್ರೀಡೆಗಳು, ಹಾರುವ ಯಂತ್ರ ತಯಾರಕರು, ರಸಪ್ರಶ್ನೆ, ಕಲೆ ಮತ್ತು ಬಣ್ಣ ಕೇಂದ್ರಗಳಿವೆ.ಜನರಿಗೆ ಬಾಹ್ಯಾಕಾಶ ನೌಕೆ ಮಾಡ್ಯೂಲ್ ಬಾಹ್ಯಾಕಾಶ ಪರಿಶೋಧನೆಯ ನೋಟದ ಅನುಭವ ನೀಡಲಿದೆ.